الكيا برايد سيدان أفضل أم الهاتش باك العصفورة

[د/محمد جميل]

أى السيارتين أفضل ؟؟؟ الكيا برايد سيدان أم العصفورة
وإيه رأيكم فى السابا الإيرانى هى ولا السيدان

[AbOnOrA]

هو سؤال حضرتك مش واضح تماما يا دكتور بس انا هقول لحضرتك اللى فهمتة

حضرتك عايز تقارن بين العربيات التالية

كيا برايد (هاتش باك 1100 سى سى - كربراتير - صناعة وتقفيل كورى )
كيا برايد (سيدان 1300 سى سى - كربراتير - تقفيل مصرى AAV )
كيا برايد ( سيدان 1300 - انجكشن - صناعة وتقفيل ايرانى )
والسبا الايرانى ديه فيها منها موديلين واحد نزل فى 2006 (نزلتة الامل ) بشكل قريب جدا من السيدان القديمة
واللى نزل السنة دى عند ناشيونال موتورز وده الفوانيس والاكصدامات والانتريور متغير بالاضافة لانها نازلة باور

البرايد الهاتش باك جميلة طبعاً بس كده بنتكلم عن مستعمل والحالة هى اللى تحكم وطبعاً العربية من غير شنطة و1100

السيدان المصرى متفرقش حاجة عن الايرانى نفس التقفيل والخامات بس المصرى كربراتير والايرانى انجكشن

عامة البرايد عربية عملية واقتصادية جدا والتاكسى الاول فى ايران وسوريا (زى الادا والشاهين عندنا)

وحضرتك هتلاقى فى قسم الكيا مواضيع كتير عن كل موديل ولو حضرتك ليك اى استفسار انا تحت امرك

[wgendia]

يعنى مفيش برايد سيدان كورى ؟
وايه رايك فى البرايد السيدان الاوتوماتيك وهل بها مشاكل
انا كبرت فى دماغى اشترى سيدان اوتوماتيك وعاوز نصيحه من حد عنده خبرة

[المناور]

انا امبارح كنت فى سوق السيارات وكنت بدور على برايد برضو والحمد لله ربنا كرمنى وجيبت واحدة موديل 96 وحالتها كويسة .

وشوفت البرايد السيدان كتير جدا فى السوق أكتر من العصفورة بس أنا كنت مركز على العصفورة لاسباب خاصة بى .

المهم أنا شوفت برايد سيدان اتوماتيك وحالتها كويسة جدا كانت عاملة 34 واغلب اللى شوفناهم بيلعب فى نفس السعر ده اما بالنسبة للمواصفات عامة فمش حاقدر افيدك لانى لسه جديد فى العربيات وعندك أبو نورا فيه الخير والبركة . أنا قلت اقلك الحاجات دى علشان لو حبيت تنزل السوق حتلاقى ايه وبكام .

وربنا يوفقك

[الرجل الثانى عشر]

انا معايا برايد سيدان اوتوماتيك 2002 ممتازه وعاوز ابيع العربيه فبريكه بالكامل بره وجوه وسليمه بالكامل انا طالب 36 الف وعامله 100000 كبلو والله جميله 0143405102 والله لو عاملة حوادث كنت قلتلك
بس والله زى الفل