مقارنة بين الفول والفلافل (الطعمية)

[مهند سالم]

بصراحة شكل البوغاتي بالنسبة لي غريب شوية، ومش عاجبني، ولذلك أنا أحب اللامبورجيني أكثر كشكل. وبعدين سرعة البوغاتي الأسطورية مبالغ فيها فعلا، ما حدش هيقدر يمشي على السرعة دي أبدا؛ لأنه ببساطة هيبقى في وادي والدنيا كلها في وادي تاني، السرعة دي لازم تبقى حضرتك سايق بيها طيارة والطريق متأمن والبرج متابع معاك، مش عربية على الأرض وحوليها عربيات وبني آدمين.
عندي اللامبورجيني تكسب. وشكرا ليك أستاذي باهي، معلش أصل أنا ما بأحبش كلمة بك، سامحني.

[Bahi]

المشاركة الأصلية كتبت بواسطة احمد بدر1978 تسلم ايدك يا استاذ هشام موضوع رائع انما انا مستنى حضرتك تنقيلى اللى يعجبك اي واحدة انا راضى بيها مدام مش حدفع فلوس

الاثنين أصلا عندك من بدرى يا أحمد بك ... أنا بعتهوملك من غير ما تطلب ... كل ما عليك هو أن تعود لرأس الموضوع وتقلب شاشة الكمبيوتر فى الشارع أمام المنزل حتلاقيهم وقعوا على طول بس حضرتك هز الشاشة كويس ليكونوا لازقين

[Bahi]

المشاركة الأصلية كتبت بواسطة corsair يا هشام باشا الاوكتافيا تكسب طبعا ده كفايا انك راكبها ده لوحده يخليها تساوي 5000000$ يا كبير

الله يخليك ويعمر بيتك يا أحمد بك دة من ذوقك وأنا فعلا مرضيتش أضع الأوكتافيا فى مقارنة مع العربيتين علشان حيكون فيها ظلم وغبن شديدين لسيارتان ناشئتان

المشاركة الأصلية كتبت بواسطة Bahi كما هو معروف للجميع فأن السيارتان الرائعتان Bugatti وSkoda مملوكتان لمجموعة Volkswagen العملاقة. وبما أن الحديث عن Skoda Octavia سيحتاج الى مجلدات حتى نعطيها حقها فسنتناول أختها السيارة Bugatti Veyron بالحديث.

وطبعا وقبل كل شئ لم أستطع أن أذكر سيارة الأبطال والملوك والرؤساء حبيبة الملايين الفيرنا من قريب أو بعيد لأنها ستفوز بأكتساح

[Bahi]

المشاركة الأصلية كتبت بواسطة koashraf هشام باشا انت بتغيظنا ولاايه!!!! العربيات دى اخرها اعملها سكرين سيفر على الكمبيوتر...... بس مانلاقيش شوية بصاره جنبهم حاجه تسند يعنى.....هههههههه

كلنا فى الحظ سواسية يا أشرف قبطان والحمد لله وبارك الله فى ما رزق وكفاية نستمتع ببصرنا وبالصحبة الجميلة ... أما عن البصارة فهى معشوقتى قبل الفول والفلافل وقبل الجميع فعشقى الأول والأخير للباذنجان المقلى بالخل والثوم (اسكندرانى) والباذنجان المخلل المحشى بخلطة الثوم والشطة وخلافة والمسقعة وكافة أصناف الباذنجان

[Bahi]

المشاركة الأصلية كتبت بواسطة مهند سالم أنا بأحب الجبنة القريش لو في يعني

تأمر يا مهند بك وان شاء الله أحد الأعضاء الكرام يضيف لسفرة المنتدى العمرانة دائما بأذن الله أحلى جبنة قريس لسيادتك