تقسيط 7 سنين؟!!

[LARA]

السلام عليكم ورحمة الله
بجد منتدى جميل جدا ومفيد وربنا يباركلكم يا رب
انا لقيت المنتدى النهاردة وانا بدور في موضوع التقسيط بسبب المشكلة اللي قابلت زوجي في تقسيط السيارة من بنك ناصر وللاسف المشكلة حصلت في اخر لحظة بعد ما باع عربيته

هو كان معاه سكودا فيلشيا موديل 96 وباعها ب 28,500 وكانت خطته دفع 25 الف مقدم وشراء نيسان صني الموديل القديم اوتوماتيك وراح فعلا بنك ناصر وبدا في الاجراءات بقاله حوالي 10 ايام..واالقسط كان هيبقى 1400 تقريبا والعربية ب 110 الاف تقريبا
هو يعمل طبيب بيطري بشركة ادوية وعشان كده البنك طلب 2 ضامن حكومي ..المشكلة ان موظف البنك شخص غريب جدا ياخذ الورق ويقول تمام ويخليك تكشي في الخطوة اللي بعدها وييجي في الاخر يقولك الورق مش نافع..عملها معانا مرتين..اول مرة مع احد الضامنين حيث انه موظف حكومي في مصلحة الضرائب ولكنه بيقبض من بنك تاني و الموظف كان شاف المفردات من الاول وما علقش عليها غير ف اخر لحظة وللاسف ما نفعش الضامن ده لان المصلحة رفضت تمضي على خطاب ضمان تحويل المرتب لانهم مرتبطين ببنكين حكوميين تانيين وقالوا ما ينفعش

دخلت انا ضامن بدل الشخص ده ,انا موظفة حكومية(طبيبة) وجبت مفردات مرتبي وخد مننا كل الورق وادالنا ورق اخلصه من الادارة الصحية اللي انا تابعة ليها وكل حاجة مشيت تمام , وراح فعلا زوجي البنك وخلاص كان الموظف هيفتحله لحساب وتقريبا مضى على عقد التامين على الحياة وهنا " اكتشف" الموظف ان مرتبي 1100 وهو اقل من قيمة القسط , ومرتب الضامن التاني حوالي 1500 وبكده مش هينفع..وده كان في اخر لحظة والمفروض انه الورق كان معاه من قبلها بايام يعني...

للاسف مش عارفين نلاقي ضامن تالت زي ما اقترح الموظف, وبصراحة اتقفلنا من البنك وموظفينه لان بعنا عربيتنا القديمة فعلا ودلوقت مش عارفين ايه الحل..ومينفعش حد من زمايله يضمنه لانهم مش موظفين حكوميين! وكل موظف حكومي من قرايبنا عنده او.. والموظف بيقول مينفعش ضامن ع المعاش ولا ينفع ان زوجي يحول معاش والده ع البنك
هو الفكرة ان بنك ناصر بيقسط على 7 سنين بفايدة 6% فقط ودي ميزة كويسة طبعا..لان مش هنقدر نجيب نفس العربية على 5 سنين من بنك تاني لان القسط هيكون كبير جدا


اتمنى اسمع اقتراحاتكم بالنسبة لبنوك تانية تقسط على 7 سنوات, ولو تعرفوا حاجة عن تقسيط السيارات من نقابة الاطباء او اي جهة اخرى..او اي اقتراح مناسب حتى لو لعربية تانية بامكانيات قريبة
ومتشكرين جدا ليكم

[ahmed_eng2001]

بالرغم من معارضتى لموضوع التقسيط ..... بس ممكن افيد حضرتك بالى اعرفه

كل البنوك ممكن يتم التقسيط من خلالها ... بس اعتقد ان اقصى فترة تقسيط هى 5 سنوات
انا اتعاملت مع كونتاكت كارز من فترة طويلة .... و كانوا محترمين جدا

ربنا يوفق للى فيه الخير

[AbOnOrA]

معرفش بنك تانى بيقسط 7 سنين كان بس سوستيه جينرال NSGB بيقسط 6 سنين بس طبعاً خدى بالك كل ما بتزيد مدة الاقساط كل ما بتزيد الفوائد وحتى لو حبيتى تخلصو العربيه بعد سنتين او تلاته هتلاقو نفسكو بتدفعو نفس مبلغ القرض لان اول سنتين تلاته بتبقى قيمة القرض وعموماً ده رقم استاذ سيف الدين المشرف التجارى هو اكتر واحد يقدر يفيدك فى موضوع التقسيط 01225485222

[Saif eldien]

المشاركة الأصلية كتبت بواسطة LARA السلام عليكم ورحمة الله بجد منتدى جميل جدا ومفيد وربنا يباركلكم يا رب انا لقيت المنتدى النهاردة وانا بدور في موضوع التقسيط بسبب المشكلة اللي قابلت زوجي في تقسيط السيارة من بنك ناصر وللاسف المشكلة حصلت في اخر لحظة بعد ما باع عربيته هو كان معاه سكودا فيلشيا موديل 96 وباعها ب 28,500 وكانت خطته دفع 25 الف مقدم وشراء نيسان صني الموديل القديم اوتوماتيك وراح فعلا بنك ناصر وبدا في الاجراءات بقاله حوالي 10 ايام..واالقسط كان هيبقى 1400 تقريبا والعربية ب 110 الاف تقريبا هو يعمل طبيب بيطري بشركة ادوية وعشان كده البنك طلب 2 ضامن حكومي ..المشكلة ان موظف البنك شخص غريب جدا ياخذ الورق ويقول تمام ويخليك تكشي في الخطوة اللي بعدها وييجي في الاخر يقولك الورق مش نافع..عملها معانا مرتين..اول مرة مع احد الضامنين حيث انه موظف حكومي في مصلحة الضرائب ولكنه بيقبض من بنك تاني و الموظف كان شاف المفردات من الاول وما علقش عليها غير ف اخر لحظة وللاسف ما نفعش الضامن ده لان المصلحة رفضت تمضي على خطاب ضمان تحويل المرتب لانهم مرتبطين ببنكين حكوميين تانيين وقالوا ما ينفعش دخلت انا ضامن بدل الشخص ده ,انا موظفة حكومية(طبيبة) وجبت مفردات مرتبي وخد مننا كل الورق وادالنا ورق اخلصه من الادارة الصحية اللي انا تابعة ليها وكل حاجة مشيت تمام , وراح فعلا زوجي البنك وخلاص كان الموظف هيفتحله لحساب وتقريبا مضى على عقد التامين على الحياة وهنا " اكتشف" الموظف ان مرتبي 1100 وهو اقل من قيمة القسط , ومرتب الضامن التاني حوالي 1500 وبكده مش هينفع..وده كان في اخر لحظة والمفروض انه الورق كان معاه من قبلها بايام يعني... للاسف مش عارفين نلاقي ضامن تالت زي ما اقترح الموظف, وبصراحة اتقفلنا من البنك وموظفينه لان بعنا عربيتنا القديمة فعلا ودلوقت مش عارفين ايه الحل..ومينفعش حد من زمايله يضمنه لانهم مش موظفين حكوميين! وكل موظف حكومي من قرايبنا عنده او.. والموظف بيقول مينفعش ضامن ع المعاش ولا ينفع ان زوجي يحول معاش والده ع البنك هو الفكرة ان بنك ناصر بيقسط على 7 سنين بفايدة 6% فقط ودي ميزة كويسة طبعا..لان مش هنقدر نجيب نفس العربية على 5 سنين من بنك تاني لان القسط هيكون كبير جدا اتمنى اسمع اقتراحاتكم بالنسبة لبنوك تانية تقسط على 7 سنوات, ولو تعرفوا حاجة عن تقسيط السيارات من نقابة الاطباء او اي جهة اخرى..او اي اقتراح مناسب حتى لو لعربية تانية بامكانيات قريبة ومتشكرين جدا ليكم

لو لم تجدى اى حد يضمن مع بنك ناصر فمش هيكون امام حضرتك غير حل تانى
تقليل نوع السيارة المطلوب شرائها وبتالى تعرفى تقسطى على مدة 5 سنوات مع اى بنك او تقسيط مباشر
للاستفسار السريع
01225485222

[alladinad]

الوظيفه ايه ؟؟؟؟؟