#1
|
||||
|
||||
يايات اتكسرت العمل ايه؟
السلام عليكم ورحمه الله وبركات
اعضاء المنتدى الكرام ... حصل معايا امبارح وانا ماشي على الدائري بسرعه 70 كم ان احد اليايات الخلفيه اتكسر( دون اي انظار ومن غير مطابات مفاجئه ولا تحميل زائد ) مما سبب في هبوط السيارة من الخلف دون خلل في التوازن والحمد لله وكملت بيها مشوراري حواي 30-40 كم كنت عاوز اعرف - تمن اليايت وهل في منها جديد ولا استراد بس وايهما افضل ؟ - هل لو مشيت عليها شويه (كام يوم) او اتاخرت في تركبهم شويه في خطر على السيارة ؟ انا ضورت كتير وملقتش المشكله دي مذكورة على النت فياريت حد ينصحني , وانا ان شاء الله هابلغكم بالمستجدات |
#2
|
||||
|
||||
رد: يايات اتكسرت العمل ايه؟
السلام عليكم ورحمه الله
انا سعيد ان قي 64 مشاهدة دون رد (ممكن يكون المشكله مش متكررة فنفيد الناس) المهم انا رحت للعفشجي امبارح وشرحتله المشكله قالي القصه دي مش عندة دي عند الحداد وبتاع اليايات رحت لواحد جمبه متخصص في ( ورق اليايات ) وقالي في وحدة مكسورة وبيفصل هو وحدة تانيه حديد وبتركب مكانها انا استغربت حديد ايه المفروض يبقى معدن خفيف وفي مرونه شويه لان ورق اليايات تحل محل السست في العربيات الاخرى ودي بتبقى من معدن لين يتحمل الانضخاط المتكرر , لكن الحديد هيبقى ناشف على العربيه جدا ومع الوقت من كتر الانضغاط هايتكسر قالي مافيش جديد يابيه وماتتفزلكش وخلينا نشوف شغلنا . ماشي ياعم بكام بقى الليله دي قلى الورقتين بـ 140 جـ ومصنعيه تركيب 30 جـ (اجمالي 180جـ قبل الفصال) سبته ومشيت على اني اروحله لمى يبقى معايا فلوس واسال عن الاستراد عشان كدة الاستراد افضل بكتير من الحديد لقيت الورقتين الاستراد بـ( 120 جـ قبل الفصال ) وفعلن الورقه اخف وارفع من الحديد ودي ميزة على فكرة مش عيب انا هاجيب باذن الله 2 ورق يايات استراد واركبهم مع الي موجودة يعني هاركب وحدة زياد لانه نصحني بكدة , وسوف نوافيكم تباعا . |
#3
|
||||
|
||||
رد: يايات اتكسرت العمل ايه؟
بعتزر عن عدم الرد لان فعلا ما شوفتش الموضوع
فعلا الاستيراد افضل مية مرة من اللى هايركبهم بس نصيحة خليك فى الفبريكة يعنى الفبريكة ورقتين ورقة اوم وورقة زيادة يبقى نعمل زى الفبريكة بالظبط لان الورقة التالتة هاتنشف العربية اوى بس قبل التركيب خلى الحداد يقنطر السوست عشان ارتفاع العربية ويحط بنهم شحم مطاطى والقفيز يلفة بشنبر قديم
__________________
يااااااااااااا رب إرحمنا بقدرتك علينا |
#4
|
|||
|
|||
رد: يايات اتكسرت العمل ايه؟
الموضوع ده حصل معايا قبل كده ودخلت فى قصه طويله عريضه كده ....المهم من الاخر سيبك من الاستيراد لانى جربتهم قبل كده اشتريتهم من عزبه شلبى ب90 جنيه وهما عباره عن ورقتين كده رفيعين من الاطراف وفى بينهم زى فبر ابيض كده بتاع الفبريكه وبعد ما ركبتهم عينك ما تشوف الا النور طلعو طراى جدا والعربيه بقت على الارض منغير ما حد يركب فيها وفك وتركيب بقى يا معلم وانت وحظك لان معظم السوست الاستراد زباله بيكون الحديد بتاعهم مجهد وطرى ..نصيحه من الاخر روح شركه اسمها ابو الوفاء فى فى المؤسسه وانت ماشى على الدائرى هتلاقى مصنع بتاع سوست هناك اشترى السوسته كامله بس خليها 3 ورقات خليه يقنطرهملك قوى علشان تهبط العربيه العربيه هتبقى ناشفه شويه بس من الاخر لو ركبت معاك 3 ورا العربيه مش هتنخ وهتنبسط
|
#5
|
|||
|
|||
رد: يايات اتكسرت العمل ايه؟
وبالمناسبه السوسته انا ركبتها لمده سنتين ونسيتهم خالص لحد ما حبيت اوطى العربيه شويه من حوالى 3 شهور وبالمناسبه كمان لما السوسته تكون ناشفه شويه اهون مليون مره ما تتقطم منك وانت ماشى لانها لما اتقطمت منى كسرتلى القنطره ده غير انها بتكون خطر جدا
دى عصاره خبرتى فى موضوع السوسته دى لانها طلعت عينى بجد وكنت هبيع العربيه بسببها |
|
|