اريد حلا للحكة في المطبات

[hf2m2002]

بفضل الله اشتريت شيفروليه لانوس 2012 والعربيه بسم الله ما شاء الله تحفة بكل المقاييس ولكن اللي نكد عليا فيها انها واطيه وبتحك في مطبات كتير وخصوصا لما بكون معايا ناس في الكنبه اللي ورا والعربيه بمنتهى الامانه مافيهاش نقيصة وخاصة انها فول اوبش يعني تككيف تلاجة بجد وفاميه البربريز اللي ورا والبابين الخلفيين وواسعة ومريحة وناعمه جدا وبصراحة مش حاسس وانا سايقها ان في ادائها فرق بينها وبين الياباني وانا مجرب الياباني والايطالي والروسي يعني بعرف اتذوق اداء العربييه صح ولكن اللي عايز ليه حل يكون عملي يرفع العربيه عن المطبات وفي نفس الوقت مايخرجنيش من الضمان
الرجاء من اخوتي ملاك اللانوس يساعدوني بخبرتهم في اللانوس وازاي نعليها بحيث ماتحكش نهائي في المطبات مع العلم اني باخد المطبات (مقص) يعني بالورب
ارجو حل الله يجازيكم خيييييييييييييييييييير ولكم كل التحيه ياخواني

[ramyhekal]

فى حلين
اولا لازم تعرف العربيه بتحك وهى محمله ولا وهى فاضيه يعنى والمساعدين مقفوله ولا مفتوحه
لو بتحك وهى محمله فقط يبقى هاتركب صدادات ودى مهمتها تخلى المساعدين الخلفيين مفتوحين بقدر معين مهما حملت فى العربيه
ثانيا لو بتحك وانت فاضى يبقى انت محتاج تعلى العربيه هاتشيل الكاوتش اللى فى المساعد وتجيب اعلى شويه على حسب اللى عندك
الحلول دى من واقع تجربتى مع النوبيرا والحلين مالهومش اى ضرر على العربيه وغير مكلفين
الصدادات نفس الفكره دى

[Pop301]

صدقني يا باشمهندس انا بعت النوبيرا عشان السبب الوحيد ده رغم انها عربيه جميله وواسعه وثابته وكل الحلول مع احترامي للجميع حلول موقته وهو ده عيب الدايو وللاسف شيفورليه مقدرش يشوف حل للعيب ده بعد ما اخد التوكيل حطلها كل الكماليات ما عدا انه يشوف حاجه تعليها شويه

[ramyhekal]

لا هى ظبطت معايا فى النوبيرا كويس بفضل الله انا ركبت العلايات والصدادات مع بعض
وكنت بروج اسكندريه محمل العربيه وبعدى على مطبات دمنهور طبعا مطباات بشعه وكنت باخد اى مطب عدل ولا مطب حك

[mhamdy75]

ركب جنط وكاوتش النوبيرا 14

هاتعلى معاك ( رأى الشخصى )

بس الضمان فى الحالة دى الله أعلم