غيرت زيت الفتيس امبارح

[shur3000]

رحت للعفشجى وغيرت زيت الفتيس مع العلم انى قبل ما اغير كان نوعا ما بحس بعضة شوية فى الفتيس ومش دائما المهم غيرت الزيت والعفشجى طلع معايا يجرب العربية المهم قالى تمام زى الفل مع العلم انا لما سوقت العربية بليل حست ان الفتيس تقل ما لنش زى ما انا كنت مفكر. دى مشكلة
بس قالى على حاجة تانية قالى ان المكنة عالية وعايزة تهدى خلى اليكانيكى يضبطهالك وعشان يثبت كلامةواحنا ماشين وبسرعة عالية بطل العربية من المفتاح وقالى سامع صوت المكنة المكنة عالية وهى اللى مخشنة العربية مع العلم ان فى رعشة بسيطة عندى سعات بتروح وتيجى على السلانسية. يعنى اية المكنة عالية لان فى كذا واحد ركبوا العربية وقالولى كدة.
وللعلم انا كنت وديتها لميكانيكى غير بوجيهات وسلوكها وفلتر بنزين وسألتة عن الكم دة قالى المكنة زى الفل ومتلعبش فيها وعن الرعشة قالى انة ممكن تبقة من الاسطوانة . اية الحل

[eaglenest]

كل اللي اعرفه عن تجربتي البسيطة مع الرعشة ... قالي برضه ان الاسطوانة وغيرها ومعرفش ايه رحت لميكانيكي تاني قالي دي قاعدة الموتور هيا السبب والله اعلم ! المهم غيرتها والرعشة راحت تماماً اما الاسطوانة فهيا ليها طريقة كده تتعرف بيها سليمة وله لأ تقريبا بتشد الهاند بريك وتديها التاني وتشوف .. ياريت حد من الخبراء يرد بسرعة
انا كمان بحس ساعات بعضة في فتيس اللانوس فعاوز اغير زيته ... ممكن تقولي اتكلف كام

[shur3000]

علبتين موبيل زيت تروس الواحدة الاثنين ب50 وهو خد اجرة ايدة 30 هما كتير بس اكمن العفشجى دة امين معايا مابدقش معاه

[foolh_old_man2010]

ازاى غير الزيت باى طريقه فك الجوان من تحت ولا شفط الزيت

[M.TONSY]

المشاركة الأصلية كتبت بواسطة shur3000 علبتين موبيل زيت تروس الواحدة الاثنين ب50 وهو خد اجرة ايدة 30 هما كتير بس اكمن العفشجى دة امين معايا مابدقش معاه

امين ايه لا مؤاخذة تغيير زيت الفتيس مش قصة ده بيفك طبة ويرجع يقفلها ويحط الزيت يعنى سكة 5 جنيه او عشرة بالكتير اوى
وبعدين مال العفشجى بالزيت دى شغلانة ميكانيكى او محل زيت او بنزينة
ومسألة التقل دى ممكن تكون حطيت نوع لزوجته عالية عن المخصص لفتيسك