حكايتى مع السيارات فى العراق !

[horas3000]

موضوع اكتر من رائع يا دكتور
و متابع باهتمام

[Dr. Bolbolan]

السيارات اللى كانت هناك كلها كانت برازيلى والله العظيم سيارات ممتازة جدآ ! يعنى أى حد يقولك على سيارة برازيلى يعنى صناعه رديئه يبقى لا مؤاخذه ماشافش على الطبيعه ! دول بياخدوا الحاجه و يطوروها أحسن من
أصحابها الآصليين ( والكلام ده من حوالى 27 سنه ! شوف دلوقت زمانهم وصلوا لآيه ؟ ) - مثلا كانت السيارة
السائده هناك للمهندسين والاداريين هى 127 برازيلى - أصغر حجمآ من الايطالى وأحلى شكلا بكثير وموتور
أقوى و أنعم و له صوت رياضى محبب و موتور ذو سحب سريع لا يكل و لا يمل وبتجرى جرى الوحوش على أرض
ظلطيه غير معبده ولا تشعر بداخلها الا بمتعه حقيقيه ! والتابلوه بع عدادين صغيرين جدا ! واحد للسرعه والآخر
للببنزين والكهرباء وبس ! م الآخر حمارة شغل بس حمارة شقيه ! كمان كان عندهم جميع أنواع الشيفروليه
البليزر وكله برازيلى ! وكل سياره لها عندهم دفتر ! لما ييجى ميعاد الصيانه بتاعها يحضر لك عامل يأخذ السياره
يوم واحد ويرجعهالك معمولها صيانه شامله ! فى الشتاء فى هذه المنطقه الجو كان بارد جدآ لدرجة ان المياه
كانت تتجمد فى المواسير ولدرجة لو انت ناشر ملابس على الحبل تصبح تلاقيها واقفه حته واحده ! يعنى لو مسكت بنطلون من أسفل رجليه تلاقى البنطلون واقف على حيله لفوق ! وأحيانا الجو كان بيعمل صواعق زى اللى بنشوفها فى الآفلام ( بس من بعيد ) وأحيانا الثلج كان ينزل من السماء زى القطن ( برده زى الآفلام )
طب السيارات تعمل ازاى فى الصباح فى جو زى ده ؟؟ كان لايمكن تدور لآن الرادياتير متجمد و يمكن البنزين كمان ! لكن كانوا بيجيبوا ماء ساخن جدا ويضعوه فى و على الرادياتير ويجيبوا كحول ( سبرتوا ) ويقطروا منه داخل
الكاربوراتير تقوم السياره تدور زى العفريت ! وبعدين يغطوا الشبكه الآماميه للسياره ( بتاعة الرادياتير ) بكرتونه
ثقيله لتمنع دخول هواء بارد للموتور فلا يتعطل ! برده شفت هناك حاجه اسمها ( تيريكس) ودى زى عربية نقل
مصيبه بارتفاع دورين وكابينة السواق موجوده على الرفرف الشمال ( أى والله ) وعجلها أعلى من أى سياره نقل فى مصر بحالها ! ودى كانت بتشيل الصخور والآحجار الضخمه من الجبل ( 50 - 70 طن ) علشان تنقلها للكساره
وتتحول الى زلط !! كفايه كده دلوقت واستراحه قصيره أو حسب ما يتيسر !!


Dr. Bolbolan ptmnlo123per1127

[mokhtar872000]

المشاركة الأصلية كتبت بواسطة Bolbolan ايه رأيكم لو بعض الآعضاء اللى زاروا أو عاشوا فى دول أجنبية أو عربية يحكوا شوية عن : 1- ظروف سفرهم وأسبابها ولو كلن فيها طرائف يبقى أحسن ! 2- وصف هذه البلاد وايه اللى عجبهم ولم يعجبهم من كل النواحى ! الناس - الطقس الخ مع التركيز على أنواع وأسعار السيارات والطرق وكل مايهم زوار هذا الموقع الرائع 3-الاجابة عن أسئلة الآعضاء والزوار المحترمين فى هذا الخصوص 4- ياحبذأه آسف ياحبذا لو كان مثل هذا الموضوع يكون مشفوع بصور للبلد والطرق وبعض الخرائط والمعلومات وبرده الطرائف والمواقف المضحكة 5-ويعنى لو أحدهم زار أكثر من دوله يخليهم فى أكثر من موضوع وعلى فترات لآثراء المناقشات وشكراااااا Dr. Bolbolanptmnlo123per1127

الله ينور عليك ياباشا والله خدتها من على طرف لسانى والموضوع ده فى دماغى بقاله فتره لانى بحب جدا اتعرف على البلاد التانيه ومعيشتها وعربياتهم على وجه الخصوص ياريت الكل يشارك باللى يعرفه

[Dr. Bolbolan]

شكرآ يا عم مختار ! شجعتنى أكمل ! ptmnlo123per154 نيجى بقه للواد سونج الصينى طبعآ ده له طرائف كثير بس

سأحاول أختصر ! مثلا مره لقيته قاعد على باب العياده بيلاعب كام كلب صغيرين قوى وبيمصمص شفايفه

وبيتصعب يا عينى ! سألته فيه ايه يا واد يا سونج ؟ فاشتكالى ان المطبخ مش عاوزين يدبحولوا كلاب علشان

كان فيه مصريين و أتراك كتير لو شموا خبر ح تبقى ليله سوده ! وفى مره لقيته قاعد على حيله فى كورنر

فى العياده و ماسك مضرب ذباب فى يده وعمال كل شويه يوطى ويبتسم يوطى ويبتسم ! قلت ليله سوده

دا بياكل الدبان كمان ؟ وعرفت الحكايه وشفت بعينى ما حدش قاللى ! دا كان بيصطاد الدبان ويحطه للنمل اللى

طالع من شق فى الحيطه يقوم النمل شايل الدبانه وطالع يجرى بيها ويقوله كمااااان أو كماننه !!ptmnlo123per1106

وبعدين الممرض المصرى كان عملاق وكمال أجسام بس بيحب الصلاه قوى ! الواد الصينى كل شويه يضجك

عليه لما يلاقيه بيصلى ! يقوم صاحبنا المصرى بعد ما يصلى ويستعيذ بالله من سونج و الشيطان الرجيم !!

يقوم ضارب سونج على قفاه ويقوله فيه ربنا يا سونج ! يقوم التانى ولا كأن القفا المطرقع ده عمل فبه أى حاجه

يبتسم ويهز دماغه يمين و شمال ( يعنى لآ ) ويقول ( أستغفر الله ما معناه لآ ) يقوم المصرى طاخ على قفاه

وتستر الشغله دى بتاع ربع ساعه لدرجة انى فكرت ان الواد سونج بيستحلى الضرب على القفا .


فاصل ونواصل ! والله فيه حكايات كتيير عن الآتراك والبرتغاليين والبرازيليين والصينيين واقصص ناس منهم

ماتت عبره لمن لا يعتبر !! ptmnlo123per111


Dr. Bolbolan ptmnlo123per197

[mokhtar872000]

متابع باهتمام با دكتور
حلوه اوى حكايه القفا دى فعلا المصريين هما اللى بيدوا بالقفا لاى حد.........المصريي اهما ...هههههههههه