|
#1
10-09-2012, 09:59 PM
|
|||
|
|||
السلام عليكم. عاوز نصيحه منكم لو سمحتوا
انا الحمد لله حجزت ماروتي من توكيلها و مش عارف هستلمها كمان اسبوع ولا اتنين
المهم انا اول ما أكون عندهم ايه اللي المفروض اتاكد منه و ابص عليه؟؟ ومنين اجيبلها غطاء و بيتكلف كام .. و انا هندي سماعتين بس عاوز كاسيت حنين من ناحية الفلوس اسمه ايه وبيعمل كام ؟ تاني حاجه ايه اللي بيحصل ف المرور و اخد معايا ايه وانا رايح و اخد معايا كام و ارخص سنه ولا تلات سنين .. و بالنسبه للمايه ازاي وامتي بزود المايه معلش اصلي لسه ابيض ف الموضوع ده انا اسف علي تعبكم جدا جدا http://masrmotors.com/vb/images/smilies/36_1_1[1].gif 
|
|
#2
11-09-2012, 11:17 AM
|
|||
|
|||
رد: السلام عليكم. عاوز نصيحه منكم لو سمحتوا
ارجوووووو الرد لو سمحتوا الافااااااده
|
|
#3
11-09-2012, 06:14 PM
|
||||
|
||||
|
رد: السلام عليكم. عاوز نصيحه منكم لو سمحتوا
أولا اهلا وسهلا بيك يا استاذ رؤف عبد المنعم ومرحبا بيك في منتدي مصر موتورز
عند استلام السيارة تاكد من انها تعمل بشكل سليم وليس بها اي عيب صناعه وهتستلم معاها عقد بيع من الوكيل لحضرتك وهتستلم جواب موجه للمرور اللي انت تابع ليه علشان الترخيص وممكن مندوب يروح معاك علشان الترخيص وبتستلم كتيب الصيانه تجرب فتح كل الاوباب وتغلقها تجرب الاضائه الاماميه الكشافات عالي وواطي جرب الاشارات يمين وشمال جرب مروحة التهويه للصالون جرب عمل مسحاتات الزجاج الاماميه والخلفيه جرب الماتور من صوته كويس وسلس ولا لأ جرب سواقتها للامام والي الخلف بكده انشاء الله هتكون العربيه كل اجزاها سليمه لو هتيجب غطاء لو انت قريب من وسط البلد يبقي من التوفيقيه لو مش قريب من وسط البلد طول ما انت ماشي بتلاقي ناس بتبقي واقفه بيه علي الارصفه والكباري وسعره ما بين 70 الي 100 للغطاء العادي وحوالي 200 جنيه للغطاء المضاد للماء بس لازم تقيس الغطاء غلي العربيه قبل ما تمشي وممكن تجيب قماش من الوكاله قماش ثقيل للخيام او مخصص لغطيه السيارات وستائر البلكونات وتقوم بتفصيله عند اي سروجي علي مقاس سيارتك بالنسبه للكاسيت فيه في العتبه تحت كوبري الازهر محلات كتير بتبيع كاسيت السياره في انواع كتير رخيصه افضلهم ستي ساندر انا كنت جايب واحد بيشغل mp3 وراديو فقط وده سعره تقريبا 80جنيه لان محدش بيسمع شرائط ولا اسطوانات لانها بتتجرح في العربيه وبتبوض فكده الكاست ده تجيب فيلاشه وكارت ميموري وتحط كل يوم عليهم اللي ان عاوزه وتسمع والراديو لو عاوز تسمع اخبار بالنسبه للترخيص يفضل ترخص سنه واحده علشان متتراكمش عليك المخلافات لكن لو انت واثقمن سواقتك وانك مبتخالف وانت ماشي ولو معاك فلوس رخص 3 سنين علشان ترحم نفسك من وجع الدماغ بتاع المرور بالنسبه للماروتي لازم طفايه حريق تكون موجوده للسياره (ب 120) مثلث عاكس شنطة اسعافات اوليه (مش متزكر سعرهم ) الترخيص 1- تأمين اجباري بتاع المرور تقريبا 90 في السنه الواحده 2- ورق نقل ملكيه وتجديد وفحص تقريبا (30) 3- ضريبه علي السياره 245 في السنه الواحده لو الترخيص 3 سنوات هتجمع الضريبه والتامين وتضرب في 3 يعني 90+245×3=1005 تقريبا يا رب اكون افادتك واي سؤال انا في الخدمه والف مبرك علي العربيه مقدما وربنا يديك خيرها ويكيفيك شرها
__________________
|
|
#4
11-09-2012, 08:47 PM
|
|||
|
|||
|
رد: السلام عليكم. عاوز نصيحه منكم لو سمحتوا
لا انا ان شاء الله هرخص سنه واحده
وبجد شكرا ليك استاذ حبيب الناس ... تعبتك معايا
|
|
#5
12-09-2012, 12:16 PM
|
||||
|
||||
|
رد: السلام عليكم. عاوز نصيحه منكم لو سمحتوا
لا تعب ولا حاجه يا استاذ احنا هناكلنا اخوه وبنفيد بعضنا
__________________
|
 |
|
|
