العودة   مصر موتورز مجتمع السيارات > السيارات اليابانية > سوزوكى Suzuki

سوزوكى Suzuki بدات شركة سوزوكى نشاطها فى عام 1909 كشركة اقمشة لاكن مع الثورة الصناعية فى اليابان تحولت لانتاج السيارات عام 1952 وهيا تخضع حاليا لشركة جنرال موتورز حيث تملك الاخيرة نسبة 20% من اسهمها كما تمتلك سوزوكى شركة ماروتى الهندية Maruti من اشهر موديلاتها: سويفت ماروتى التو ليانا وايجنيس وجيمنى وجراند فيتارا و SX4 XL7


إضافة رد
 
أدوات الموضوع
  #6  
قديم 23-05-2013, 09:12 AM
الصورة الرمزية BlackCat07
BlackCat07 BlackCat07 غير متواجد حالياً
 
تاريخ التسجيل: May 2013
المشاركات: 7
BlackCat07 is on a distinguished road
افتراضي رد: استفسارات ضروري في اسرع وقت عن سوزوكي التو 2013


المشاركة الأصلية كتبت بواسطة AbOnOrA مشاهدة المشاركة

اولاً انا لو مكانك وجيب تقسيط يبقى الماروتى ابرك ميت مرة
الفرق كبير حوالى 15 الف فرق فلوس وفوائد وفى المقابل الفرق بين العربيتين مش كبير اوى
ولو انت شاطر بعد الخمس سنين دول حوش الفرق ده وساعتها تبيع اللى معاك وتكمل على تمنها وتخش فى حاجة اعلى

كمان الماروتى اكثر انتشاراً واسهل فى اعادة البيع وقطع غيارها ارخص واكثر توفراً
والقرار ليك طبعاً

واجابة اسئلتك

1- هل تكيف اللالتو قوي مع العلم اني ساكن في مدينة 6 اكتوبر والدنيا هنا شبه صحراء + ان انا طبيعة عملي في مواقع انشاء مباني سكنيه ؟؟؟!!!

لو العربيه مركونة فى مكان ضل وشغلت التكييف هيبقى كويس
لكن لو العربيه متسابه فى الشمس وشغلت التكييف هياخد وقت على ما يعادل درجة الحرارة وهيبقى مروحة بتجيب هواء ساقع اكتر منه تكييف


2- هل السياره تستحمل السفر لمسافات طويله زي مرسي مطروح وغيرها ؟؟؟!!!

يا باشا الموتسيكل اللى ماتورة اصغر ممكن يسافر مفيش مشاكل وربط الناس بين حجم الموتور والقدرة على السفر مش صحيحة
اى عربيه ممكن تسافر اى مكان وبكفائه وكمان يبقى اريح من المشى فى المدن المهم تسوق من غير قرص على الموتور وتتابع الصيانات بتاعة العربيه
وسفريات مرسى مطروح او اى مسافه اكتر من 200 - 300 كم طبيعى انت والعربيه بتحتاج تريح شويه وتطمن على كل حاجة
انا كنت بسافر سنويا مرسى مطروح بكيا برايد 1100 حصان واعرف ناس كانت بتسافر لاخر الدنيا ب 128 و 127 عادى المهم حالة العربيه وطريقة السواقة بس مش اكتر



3- هل يوجد مشاكل عامه بتظهر في السياره؟؟؟!!!

الالتو مش عارف بصراحة انصحك تراجع المنتدى وتستخدم محرك البحث وتشوف بنفسك اراء كل الناس

4- مكان الصيانه الخاصه بيها (التوكيل) عشان الصيانات الدوريه؟؟؟!!!

مودرن موتورز وهتلاقى مواضيع كتير عن مراكز الخدمة فى قسم السوزوكى

5- الصيانه الاولانيه بعد كام كيلو من الاستخدام؟؟؟!!!

ممكن بعد تانى يوم مفيش مشكلة بس المهم انت تاخد وقت كفايه تمشى بالعربيه وتشوف اذا ليك شكاوى او تعليقات على اى حاجة تعملها فى الصيانة الاولى لكن اصلاً الصيانة ديه المفروض تتعمل فى الالف كيلو الاولى

6- قطاع الغيار متوفره واسعرها غاليه ولا رخيصه؟؟؟!!!

لاء ديه معرفش بالظبط وانصحك تسأل بنفسك ولو بالتليفونات حتى وهتلاقى مواضيع عن التوكيل ومراكز الخدمة فيها التليفونات اتصل واسأل وخد فكرة بنفسك لكن غالباً هتبقى اغلى من الماروتى

7- تقييم خاص من 10 للسياره من وجهة نظرك؟؟؟!!!

مش مهم تقييم حد ومتاخدش تقييم من حد لان كل واحد ليه مطلبات مختلفة واولويات مختلفة ووجهه نظر مختلفة المهم انت تختار العربيه المناسبة لامكانيات وطبيعة استخدامك واولوياتك

8- ما هو افضل لون للسياره؟؟؟!!!
الالوان الفاتحة عموماً حلوة فى العربيات الصغيرة وعملية
تسلم علي الاهتمام والرد يا ابو نوره
وطبعا انا لسه بتعلم منكم ايه الفرق وبفهم عشان انا بطيخ في الموضوع ده خصوصا اني حاليا انا عندي عربيه افيو 2005 وهي بتاعت والدي وهو محافظ عليها جدا وانا قدرت رغبته فتعودت علي السواقه الهاديه بس طبعا انا مأثر معايا موضوع التكييف ده لاني اكيد هلاقي فرق في القوه وطبعا وسع الصالون وحجم العربيه ده لواحده عايز فتره عقبال ما اخد عاليه ..فلو جبت الماروتي ومفيهاش تكييف واستحملت شويه اكيد مش هطول وهركب واحد علي الاقل بارد بس وساعتها بقي هبقي يهين العربيه + ان الشكل فارق معايا وزي ما حضرتك عارف بقي جو الشباب وانا 21 سنه فده مهتم به شويه..بس الفكره بقي الفرق بين سعر العربيتين ده يستاهل من حيث الشكل وموضوع التكييف اللي هيبقي موجود ولا لا؟؟
رد مع اقتباس
  #7  
قديم 23-05-2013, 09:25 AM
الصورة الرمزية BlackCat07
BlackCat07 BlackCat07 غير متواجد حالياً
 
تاريخ التسجيل: May 2013
المشاركات: 7
BlackCat07 is on a distinguished road
افتراضي رد: استفسارات ضروري في اسرع وقت عن سوزوكي التو 2013


المشاركة الأصلية كتبت بواسطة sherif_hamdy مشاهدة المشاركة

الماروتي ب 48 الف ؟ ازاي دي موديل 2013 ب 40 الف

والالتو كانت 50 الف هو فيه ايه يا جدعان
وال 1000 سي سي كانت ب 60 الف :O

هي العربيات غليت ولا ايه يا جدعان حد يفهمني ؟

بص يا معلم انا عايز عربيه فنفس السعر تقريبا

وكنت هجيب بي واي دي f0 هي دلوقتي ب 55 الف
بس من وجهه نظري افضل من السوزوكي مع انها صيني بس متأفله بره وده احسن حاجه فيها
بس عيبها ان سوقها قليل ومش منتشره لانها نزلت سنه ومنزلتش تاني وبعد كده نزلت السنه دي
غير ان شركه الامل مش عامله اعلانات ليها كويس
عموما اسال كويس وان شاء الله ربنا يوفقك
اهو كله غلي مره واحده ويعني هي جت علي دي عشان كده انا قررت اجيب دلوقتي عشان غالبا مش هستحمل اي غلو تاني .
بس صدقني فكك من حوارات الصيني ده لان فعلا الصيني في مصر مش مخدوم واللي زاد وغطي بقي ان اصلا المستوردين بيستوردوا اسواء فرز من هناك وبعدين مش كل يوم بنجيب عربيه يعني وكده كده السوزوكي تكنولوجيا ياباني تقفيل هندي فأكيد هيبقي افضل من الصيني علي اي حال بس طبعا القرار قرارك وانت ادري بحالك وبفلوسك وبطريقة استعمالك
وشرفتني بمرور حضرتك
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:54 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017