ارائكم فى رفع اداء محركى الجديد

[maxvan]

السلام عليكم

طبعا اول شىء احب اشكر محمد ابيزا على متابعتة لية فى اختيارى موتور لعربيتى ابيزا 98

موتورى القديم كان 1.0 سس 50 حصان
موتور الجديد لسة راكب من يومين 1.6 1.5 حصان

المهم اول حاجة دية صورة للعربية بتاعتى


--

لقد تم قطع باقى الموضوع لمشاهدة بقيه الموضوع اضغط للتسجيل

إضغط هُنا للتسّجيل

[Injection]

الف مبروووووووك, الموتور قوى, والعربية شكلها تحفة ربنا يباركلك فيها.
من رأيى أنت تعمل التالى:-
1- فلتر هواء أسبور مع cold air intake يعنى هتركب الفلتر تحت حوض الموتور علشان ياخد هواء ساقع مش سخن (الهواء الساقع الأكسجين فيه أكثر), بس متهيألى مينفعش تركبه تحت الموتور عندك, وهات k&n غالى بس تمنه فيه وهتحس بالفرق أداءا وصوتا.
2-لو مغيرتش نظام الشكمان القديم لازم تغيره بمواسير قطرها أوسع مع علبة ديفل نضيفة والأداء والصوت هيتحسنوا.
3- غير سلوك البوجيهات بسلوك أكبر فى القطر , أسبليت فاير مثلا علشان تقوى الشرارة و وتحرق بنزين بكفاءة أعلى.
4- ممكن تحط stp fuel system cleaner علشان يزيل الشوائب من دورة البنزين كلها, وبيتحط على تفويلة كاملة.
5- غير الزيت فى مواعيده وحافظ على مواعيد الصيانة الدورية علشان العربية تعتنى بيك زى ما أنت بتعتنى بيها.
وربنا يخليهاك ويحفظكوا لبعض.
ولو عندك أستفسار أنا موجود.

[mohamed ibiza]

مبرووووووووووووووووك و عقبال ما تركب جولف R32

و الموتور اللي معاك ده فعلا ممتاز و بيستحمل جدا و ربنا يبارك فيه ان شاء الله

و بالنسبة للأداء زي ما انجكشن قالك كده ظبط الحاجات دي و هتحس بفرق ان شاء الله

[maxvan]

الله يبارك فيكم
الف شكر انجيكشن ومحمد على سرعة الرد

بص ياانجيكشن انا اصلا كنت مركب ديفل فى الموتور القديم
بس كان علبة اى حاجة مش ماركة وكنت ناوى اركب نظام شكمان كامل ان شاء الله
بس مش عارف انواع اية الى تمشى معايا فى الموتور الجديد وعاوز اجيب ديفل ماركة بردة حاجة زى ريموس والكلام دة
والاسعار مش عارف فى حدود كام ؟؟

بالنسبة للفلتر الاسبور يعنى ان بتقول الفلتر هينفع يركب عندى ولا لاء ؟؟

اخر سوال كل الحاجات دية ترفع العربية كام هورس باور ؟؟
وشكرا للاستجابة السريعة

[Injection]

الفلتر أكيد هيركب, أنا قصدى ماعرفش هتعرف تمشيله ماسورة الى تحت الحوض ولا لأ, لأن الفلتر فى الصورة اللى فوق فى نص الموتور, عندى فى اللانوس عند العجلة الشمال من فوق وتحتيه فتحة, جبت مواسير صرف صحى وركبت الفلتر عند الأكصدام وعامل شغل خيالى.
الحاجات دى هتزود حوالى 10 حصان بالكتير, بس هتحس بالتغيير فى سحب الموتور وأستجابته وصوته.
الحاجات الخاصة بالموتور يعنى ينفع شكمان أيه والأسعار دى تخصص محمد باشا أبيزا هو يجاوب حضرتك عليها لأن معرفتى فيها مش كتير.
وربنا يوفقك فى مشوارك.

[maxvan]

الف شكر ياباشا على ردك ومتابعتك والله بئمانة انت والا محمد ابيزا من الناس المحترمين بجد وفعلا بتحبوا مساعدة الناس ربنا يبارك فيكم الف الف شكر
وفى انتظار محمد ان شاء الله

[islam-muhammad]

عايز اسألك سؤال عايز اعرف جبت الموتور بكام علشان انا محتار اركب في البولو 1999 موتور 1400cc و لا 1600cc دا في ناس بيتقولي 1400 كتير على البولو و هيكون في خطورة في السرعة و كدة انت ابه رأيك
موتور البولو عندي 1000cc بردو
اعتقد البولو زي الابيزا