اسعار قطع غيار فيات برافو 2011

[ahmed_love10]

السلام عليكم
انا بسال عن اسعار قطع غيار فيات برافو 2011 لان انشاء الله ناوى اجيب العربية و كنت بسال عن الصيانة فى التوكيل جيدا ولا سيئة انا بجد بحب فيات برافو جدا اكثر من اى عربية تانية لانها شبابية جدا و عربية تحفة بجد وبجد موضوع قطع الغيار مخلينى متردد فى ان اشترى العربية و لا و لو فية عربية اتوماتيك بسعرمن 150الف الى 160 الف بنفس اوبشن و قوة و جمال البرافو يريت يقولى فارجو المساعدة
شكرا لكم

[فادى]

انا مالك حديث للفيات برافو, و بالتالى تجربتى مع التوكيل قصيرة, لكن حتى الأن فان قطع الغيار معقولة نسبيا بالنسبة للسيارات فى فئتها,
مثلا :
صيانة ال10 الاف
تغيير زيت موبيل 1+ فلتر هواء + فلتر زيت اتكلفت 650 جنيه.
فانوس امامى : 1500 جنيه.
اكصدام امامى : 2000 جنيه.
و هحاول اجيبلك كل اسعار قطع الغيار.
بس الاسعار اللى فى ايدينا بتبين انو و عكس الشائع قطع غيارها معقولة (نسبيا).
التوكيل مشكلته انو مزدحم بعض الشىء, و عليه ضغط و ملوش فروع كثيرة فى مناطق متقاربة, هناك توكيل واحد فى جسر السويس و مركزين خدمة واحد فى الهرم و التانى فى زهراء المعادى, و بالتالى كل واحد منهم بيخدم منطقة جغرافية واسعة.
ممكن تحجز ميعاد و تروح فيه عشان تخش علطول,
أو الحل الأخر (اللى انا بعمله), انك تيجى و يقولك هنحط فى الwait و نصيحتى انك تقعد تقرفهم و تعمل غاغة لحد ما يدخلو العربية !!
على فكرة هما مؤدبين فى التعامل و الاستراحة جيدة و فيها انترنت و تليفزيون و مشاريب.

ده اختبار انا كاتبة عن العربية, ممكن يفيدك,
http://www.masrmotors.com/vb/showthread.php?t=64160

فى المجمل العربية أكثر من رائعة, أداء و متعة و راحة و فخامة و شكل طبعا, بس كمصاريف تشغيل اعمل حسابك انك راكب حاجة زى الجيتا او الجولف مش هيونداى و لا كيا.