مشكله غريبه جدافى متور لانوس 1 ارجو المساعده هتنقط

[ahmed_menaiem]

المشكلة دى مش مشكلة ايديل كنترول دى مشكلة البلف اللى راكب فى خرطوم اللى خارج من السرفو و هتجيبوا استعمال يتراوح بين 20 الى 40 جنيه

[mahmoud_e2007]

السلام عليكم . يا جماعة انا عندي مشكلة لما اجي ادور العربية بعد ما اركنها بفترة يعني مثلا 4 سعات لازم ادوس بنزين وافضل دايس بتاع دقية او 2 وإلا لو شيلت رجلي تقف العربية ولازم استني لحد العربية ما تسخن وامش ولو مسخنتش كويس وجيت امشي تقف بردك وطبعا العملية دية بتزيد كل ما اسيبها مركونه اكثر يعني اكثر من4 سعات . اية المشكلة دية ايديل كنترول ولا السيرفو ولا حاجة تانية حاد يفدني يا رجالة
-صحيح انا عربيتي لانسر 90 عيون صفية اوتوماتيك

[حسام البورسعيدى]

على فكرة الموضوع ده طبيعى لو بتقعد 3 ثوانى وبيعلى الـ rpm الى 2ونص تقريبا وينزل ..

لكن لو بيقعد 10 ثوانى زى ما بتقول يبقى اكيد عندك مشكلة .. وانصحك انك توديها لحد متخصص يكشف عليها وينضف الايدك ومتعملهاش لوحدك لان القطع دى الكترونية حساسة واى لعب فيها ممكن يعمل مشكلة .. وكمان الايدل بيتنضف باسبراى مخصوص ...

[Injection]

المشاركة الأصلية كتبت بواسطة mahmoud_e2007 السلام عليكم . يا جماعة انا عندي مشكلة لما اجي ادور العربية بعد ما اركنها بفترة يعني مثلا 4 سعات لازم ادوس بنزين وافضل دايس بتاع دقية او 2 وإلا لو شيلت رجلي تقف العربية ولازم استني لحد العربية ما تسخن وامش ولو مسخنتش كويس وجيت امشي تقف بردك وطبعا العملية دية بتزيد كل ما اسيبها مركونه اكثر يعني اكثر من4 سعات . اية المشكلة دية ايديل كنترول ولا السيرفو ولا حاجة تانية حاد يفدني يا رجالة -صحيح انا عربيتي لانسر 90 عيون صفية اوتوماتيك

والله ياباشا الأحتمالات عديدة, أنا أستبعد حساس الأيدل لأن العربية بعد مابتسخن بتمشى عادى.

ممكن تكون من فلتر البنزين أو الهواء, وخاصة لو بقالهم فترة ماتغيروش والعربية سحبها ضعيف, أو حتى من البوجيهات وسلوك البوجيهات.

وممكن يكون فيه مشكلة فى خطوط الوقود, بداية من الطلمبة حتى الرشاشات.

بس على العموم يفضل الكشف على العربية بالكومبيوتر, علشان تحدد المشكلة بالظبط.

[mahmoud_e2007]

المشاركة الأصلية كتبت بواسطة Injection والله ياباشا الأحتمالات عديدة, أنا أستبعد حساس الأيدل لأن العربية بعد مابتسخن بتمشى عادى. ممكن تكون من فلتر البنزين أو الهواء, وخاصة لو بقالهم فترة ماتغيروش والعربية سحبها ضعيف, أو حتى من البوجيهات وسلوك البوجيهات. وممكن يكون فيه مشكلة فى خطوط الوقود, بداية من الطلمبة حتى الرشاشات. بس على العموم يفضل الكشف على العربية بالكومبيوتر, علشان تحدد المشكلة بالظبط.

------------
بجد اشكرك بشدة علي سرعة الرد والاهتمام - بس انا عربيتي مفهاش كمبيوتر تقريبا- بس انا عمتا هجرب وهغير البوجيهات واشوف