الحقونى بسرعه ارجوكم

[aymangalal]

من خلال تجربة مع مركز م / فريد شوقة وعلى وجه الخصوص الاخ بيسو اللى شغال معاه بيبص للعربيات القديمة بقرف شوية لان عنده بسم الله ماشاء الله عربيات احدث موديل فأنا ماحبيتش يتعامل مع عربيتى على انها صفيحة زبالة وكمان بيحكم على الاعطال من الكلام مش من التجربه والكشف غير ان وقته طويل جدا اما بالنسبة للامور الفنية ماليش تجربة معاه
والاخ اللى بيقول بيعها خرده احسن احب اقوله : لوعندك نصيحة للزميل صاحب الموضوع قولها لو ماعندكش يبقى بلش تريقة على خلق الله والخردة اللى مش عجباك دى بتقضى له مصالحة وترحمة من زحمة المواصلات وقرفها وباين من تصنيفك انك عضو نشيط وليك مشاركات كتير فيا ريت ترد بالافادة او تكتفى بالصمت
بالنسبة للاخ سيف صاحب الموضوع ماتقلقش خالص من موضوع الموتور ده ان شاء الله هتلاقية متوفر عند تجار قطع غيار الستروين والفرنساوى عموما واعتقد مش هيزيد سعرة عن
(2000 او 2200 جنية لو 1400 سي سي) ولو (1600 سى سى ممكن يدخله فى 3000ج) وان شاء الله تلاقية متوفر سواء فى الحرفيين او الوكاله وعندك موضوع مثبت فى اول القسم فيه ارقام وعناوين معظم التجار اتصل واسأل او انزل بنفسك خد لك جوله فى الحرفيين
(ياسر- شعبان-مؤمن-جو-زعتر) ( جسر السويس الحاج فرج وغيره) (الوكاله محمد سلاقون)
دى الاسامى اللى انا اعرفها حاليا وكان ليا تعامل مع بعضهم بس مش فى المواتير
وان شاء الله العربية تتظبط وترجع احسن من الاول الـ ZX ممتازة وماتتعوضش غير بالاحدث
دعواتى بالتوفيق

المشاركة الأصلية كتبت بواسطة حميدة مطروح بيعها خردة

يا ريت بلاش التعليقات الاستفزازيه ديه لانك لو مكانه مش هتبقي مستحمل ان حد يعلق عليك تعليق زي ده

[ahmed abd elnaby]

شكر للزميل

aymangalal

علي الرد الصارم

[Mohamed Elmassry]

موضوع تغيير الموتور من أسهل ما يكون المهم أن تأخذ معك من يفهم فيهم و على العموم البيع على التجربة و أنصحك تشوف الإسراء فى الحرفيين فعنده مواتير كتير و بحالتها و أسعاره معقولة و خليك فى 1400 وهذا رقم على شغال فى الإسراء 01114576166 و بالتوفيق إن شاء الله و طمنا