كم أكثر سرعة مشيت عليها؟؟؟

[bmkbmk]

المشاركة الأصلية كتبت بواسطة hyundai2005 العربيه كل التعديل اللي فيها فلتر هواء رياضي بس نازله بشكمان وشجره قطرها واسع جدا زي اللي بينزل بيه الديفل او الهيدرز وبوجيهات اربعه شمعه علما بان اخر عداد العربيه 260 الاصلي طبعا ملف مرفق 10714

ربنا يبارك لك يا باشا

المشاركة الأصلية كتبت بواسطة sad-bird كام اكثر سرعة مشيت عليها ؟ 140 عملت الكارثة دى فين بالظبط و امتى ؟ على طريق الزقازيق القاهرة الصحراوي 2001 كان ايه السبب فى التهور؟ كنت لسه بتعلم السواقة :w6w2 00504112246446a:w6w200504 112246446a:w6w20050411224 6446a واللي بيعلمني اخدني على الصحراوي وقعد يتنطط عليا خليته نزل في الدواسة وهو بيصوت نوع العربية و الموديل ؟ بيجو 504 ايه اخبار ثبات العربية ؟ (stability ) ؟؟؟ معرفش لاني كنت ماشي في خط مستقيم بقولك كنت لسه بتعلم :w6w2 00504112246446a:w6w200504 112246446a:w6w20050411224 6446a كان احساسك ايه اثناء و بعد التجربة الحياتية المريرة دى ؟ كنت فرحان جدااااااااااااااااااا خصوصا في البية اللي كان قاعد جمنبي وهو بيصوت وكان نفسي اكمل اكتر من كده والحمد لله اني مكملتش لاني عرفت بعد كده ان 504 على سرعة 160 وزنها يساوي صفررررررررررررررررر تعليقك على الموضوع كعادة موضوعات مصر موتورز كلها جميلة ابو كمال

ههههههههه يا باشا ربنا يكرمك كلك ذوق ... و انا كمان فرحان فى الراجل اللى كان معاك

المشاركة الأصلية كتبت بواسطة abutreka55555 انا اقصى سرعه جبتها 130 طريق قنا _ اسيوط الصحراوى

تمام يا باشا العقل زينة برده

المشاركة الأصلية كتبت بواسطة ahmed_eng2001 السلام عليكم انا حبيت اشارك بس فى الموضوع كنوع من الاختلاف كام اكثر سرعة مشيت عليها ؟ 120 كم/ساعة عملت الكارثة دى فين بالظبط و امتى ؟ على اول الدائرى بتاع دريم و انا رايح شغلى الصبح كان ايه السبب فى التهور؟ الطريق كان فاضى و حبيت اجرب العربية نوع العربية و الموديل ؟ جى ام سى - بليزر كى 5 - موديل 1980 ايه اخبار ثبات العربية ؟ (stability ) ؟؟؟ يعنى ايه ثبات ؟؟ العربية مش ثابتة و هى واقفة على الارض - طبعا مفيش ثبات خالص و الهواء عمال يرزع فى كل حتة و العربية بتتنطط و تتمرجح كأنى فى دريم بارك بالظبط كان احساسك ايه اثناء و بعد التجربة الحياتية المريرة دى ؟ كنت مبسوط جدا ان العربية جابت السرعة دى لوحدها - و قررت انى معملهاش تانى عشان انا حسيت انى فقدت التحكم على العربية تماما تعليقك على الموضوع انا بناشد كل السادة المسؤولين الاعضاء فى المنتدى انهم ميجروش بعربياتهم و اى حد بيجرى جنبى انا مش بتاثر ولا بسخن و لا بحقد عليه ولا اى حاجة - انا بس بقول ربنا يخليلى عزيزة و تفضل ماشية على اى سرعة انا راضى , المهم انها متعطلش منى فى السكة

شكرا ياباشا على نقل تجربتك و ربنا يبارك لك فى عربيتك يا رب

المشاركة الأصلية كتبت بواسطة Mr.NoLoVe اقصى سرعه 150 كان فى طريق مصر السويس كنت بجرب العربيه وشويه هبل كده يعنى هههههههههههه العربيه : رينو لوجان 2011 ثبات : مقدرش ااقول اكتر من ان العربيه لازقه فى الارض ازاى محدش يسألنى يروح يجرب ويرد عليا رغم ارتفاع العربيه وكانت العربيه فاضيه كمان احساسى اثناء التجربه : اكتر من احساس بضحك / مبسوط / خايف / قلقان / طبعا الادرينالين كان عالى جدا جدا تقدر تقول كان فى نشوه وخوف فى نفس الوقت احساس رهيب وعندى استعداد اجيب بالعربيه 200 بس على طريق يكون جيد وتكون العربيه محمله تعليقى على الموضوع بكل صراحه : موضوع مش فى محله خالص لان السرعه دى شئ خطر جدا جدا جدا جدا رغم ان سنى 17 سنه يعنى المفروض بجرى . السرعه شئ خطر جدا جدا رغم انى بجرى بس الموضوع لذيذ الى حد كبير. ونصيحه من اخ صغير ( العربيه بتبقى بتاعتك لحد 120 بعد كده الظروف هى اللى سايقه يا ريس ) بلاش جرى علشان سلامتك وسلامه اللى معاك وربنا يحفظنا وايضا تجربه تانيه بمرسيديس c280 كمبروسور موديل 2006 السرعه : 250 الثبات : كأن العربيه ماشيه على 20 وكمان اخد غرز على 200 و 220 وغرز نتش كمان احساس اكتر من رهيب انا محستش انى جبيت السرعه غير لما روحت ولقيت نفسى واقف على رجلى طبعا هجيب السرعه دى كمان واعلى منها بس العربيه مكانتش بتاعتى بتاعت عمى وكان عايز ينام وانا سوقت العربيه هههههههههههه ضحكت عليه وقتله كنت ماشى على 120 انا انسان مغامر بطبعى ولو معايا عربيه بورش كاريرا عندى استعداد ااقفل عدادها ههههههههههههه الموضوع جميل جدا جدا طبعا اسف على الاطاله

انت كدة يا باشا كاتب تجربتين بانطباعين مختلفين جدا و احساسك صح فى الاتنين .. تسلم يا باشا

[bishbishco]

بجد الموضوع دة شدنى اوى لدرجة انى سجلت مخصوص فى المنتدى عشان اشارك فية و طبعا اتشرف انى اسجل و اكون معاكوا
اول تجربة ليا كانت ب fiat 126 و دى جبت بيها لغاية 110 و طبعا مفيش ثبات و لا اية حاجة و كويس انها و قفت اصلا
تانى تجربة ب fiat 127 1050cc و دى بجمع بيها على الرابع لغاية 145 و هيا ثابتة فى الغرز و الطرق النضيفة انما لو جت تحت الكاوتش زرة تراب بتعوم العربية و ممكن لة دوست فرامل جامد شوية تاخودنى و تنزل برة الطريق
من ناحية بحس بأية بحس انى عملت حاجة وهمية احساس رهيب اصلا ان الواحد يجرى بعربيات قديمة و يخاطر بيها و تحس بعد اما تقف ان جسمك كلة زى الى بيرتعش من كتر الادرينالين الى فية
و سبب الجرى تهور شباب و حب فوق العادة او مش حب دة ادمان على السرعة العالية و الجرى و المخاطرة

[طارق ابوذيد]

اقصى سرعه مشيت عليها كانت 180 كم وانتهت بطصادم وكانت فى الكويت بسياره تيوتا وربنا ستر والحمد لله اخر السرعه ضمارفاحظروها .

[bolbol_675]

• أنا اقصى سرعه جبتها كانت 140كم

• السبب / لأن ده آخر حاجه في العربية عندي

• الثبات / ثاااااااابت وكأني لازق في الأرض ( دي طبيعة المرسيدس)

• النوع / مرسيدس e230 موديل 91 (بس طبعاً الموتور طالع عينه من التكييف علشان كده كفآته قلت)

• الاحساس/ عادي لأن بيكون جمبي عربيات بتجري على 220 ياعني أنا سلحفه بالنسبه لهم
• المكان/ كل طرق الكويت

[Egy News]

كام اكثر سرعة مشيت عليها ؟ 230
عملت الكارثة دى فين بالظبط و امتى ؟ و انا طالع علي القاهره من بورسعيد
كان ايه السبب فى التهور؟ الواحد بيحب الجري بس مش في اي حته
نوع العربية و الموديل ؟ BMW 525 موديل 1999
ايه اخبار ثبات العربية ؟ (stability ) ؟؟؟ مش هتكلم دي BMW فئه خامسه
كان احساسك ايه اثناء و بعد التجربة الحياتية المريرة دى ؟ اول و اخر مره اجيب السرعه دي