طلب نصيحة........(ستروين وللا 127) ؟؟؟؟؟؟؟

[Om Omar]

من شهرين طلبت من سمسار يشوفلى ماروتى صغننة على قدى أتعلم عليها السواقة
مالقاش و جابلى ستروين 97 وقالى دى أحسن هى (هاتشباك بس واسعة وحاساها رجالى قوى)

المهم ماحبتهاش وما كملتش سواقة
عرضتها هنا للبيع أو للبدل بماروتى
بس واضح إن اللى عنده ماروتى ماسك فيها بإيده وسنانه


دلوقتى بلاقى إعلانات كتير ل127 ناس عايزين يبيعوها عشان يشتروا أكبر

السؤال بقى.............
أبدل مع حد ب 127 على أساس إنها أصغر وأقدم (أحدثها مو86)وأخبط فيها براحتى:w6w200504112257276 b
لأنى لسة ماسوقتش يعتبر خاااااااااااااالص وحرام أخبط فى 22000 ج

وللا عشان قديمة حتبهدلنى وتكرهنى فى السواقة هى كمان ؟؟؟؟؟؟؟؟؟؟؟؟؟

[mr_astra]

انا شوفت الموضوع بتاع حضرتك بتاع البدل من سيتروين زد اكس الى ماروتى
وبصراحة كنت متسغرب لكن كل واحد حر ويختار اللى يناسبة
لكن توصل تبدليها بـ 127 بيعة خسرانة مية فى المية
المفروض اننا بنجيب عربية عشان تخدمنا مش نجيب عربية عشان احنا نخدمها
عربيتك انا شوفت صورتها ربنا يباركلك فيها جميلة بصراحة
ابداى مارسي السواقة واحدة واحدة عليها ابداى مثلا بيوم جمعة قبل الصلاو كل الشوارع بتبقى فاضية
بس ابعدى عن قصر الاتحادية

[eng/walaaeldeen]

السلام عليكم
بلا شك الستروين افضل من 127
والله المستعان

[Om Omar]

المشاركة الأصلية كتبت بواسطة mr_astra انا شوفت الموضوع بتاع حضرتك بتاع البدل من سيتروين زد اكس الى ماروتى وبصراحة كنت متسغرب لكن كل واحد حر ويختار اللى يناسبة لكن توصل تبدليها بـ 127 بيعة خسرانة مية فى المية المفروض اننا بنجيب عربية عشان تخدمنا مش نجيب عربية عشان احنا نخدمها عربيتك انا شوفت صورتها ربنا يباركلك فيها جميلة بصراحة ابداى مارسي السواقة واحدة واحدة عليها ابداى مثلا بيوم جمعة قبل الصلاو كل الشوارع بتبقى فاضية بس ابعدى عن قصر الاتحادية

ههههههههه لأ حضرتك أنا من إسكندرية ومش ناحية القائد
ربنا يصلح الأحوال
************************* ************************* ********
بس المشكلة إنى خايفة جداااااااااااااااااا من السواقة فى الشارع لكن أنا اتعلمت وبسوق كويس
بس فى شارع فاضى للأسف
يعنى قلبى ضعيف جدا
المشكلة التانية إنى معايا ولادى ولد3سنين و التانى 4 شهور
يعنى مش بعرف أنزل بيهم فى حتة
وأنا أصلا مدرسة
يعنى محتاجة أنزل بالولاد وبشنط كمان بسهولة
فقلت الماروتى صغيرة واللى بيسوقوا بيخافو يكسروا عليها أو يمشو جنبها أو وراها بسرعة لأن غالبا جواها سيدة والرجال بتخاف من سواقة السيدات
وده عز الطلب

إيه رأى حضرتك ؟
أنتظر لما تتباع ويجى نصيبها وبعدين أتدرب ع اللى حتيجى وأحاول تانى (ماروتى)
وللا أتعلم عليها ولما أتمكن أرشها لأنى بحب شكلها يكون جديد

[Romantica_4all]

السلام عليكم

اولا انا فى اعتقادى المتواضع ان الستروين افضلك من الماروتى و127 واجمد منهم من حيث الشكل والمتانه وكمان الستروين هاتشباك يعنى تليق بركوبة السيدات.

ومن الواضح ان حضرتك هتخسرى كتير بدون اى استخدام فانا شايف انك تتوكلى على الله وتسوقيها ومش هتخسرى اكتر من اللى انتى هتخسريه بدون ركوبها انتى بس جمدى قلبك وسوقيها وتوكلى على الله.

هى زى اى عربية يعنى ما تحطيش فى دماغك انها اكبر من الماروتى او 127 وان الماروتى الكل بيعرف ان اللى سايقها ست شيلى الموضوع ده من دماغك نهائى.

ونصيحه اخيرة من اخ
لو هتخافى بلاش تسوقى عربية خالص


تقبلى مرورى