انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني

[xahmedfaragx]

والله يادكتور انا كنت بافكر اشتيريها بس بعد كلامك ده غيرت رائى ربنا معاك

[pro mada]

المشاركة الأصلية كتبت بواسطة xahmedfaragx والله يادكتور انا كنت بافكر اشتيريها بس بعد كلامك ده غيرت رائى ربنا معاك

يا باشا الصني زي الفل
هي عربيه دكتور محمد فيها تقريبا عيوب صناعه و دي عيوب فرديه
متعيبش صناعه العربيه ذات نفسها
لو نفسك تجيب الصني توكل علي الله

[bele334001]

ربنا يكون في عونك يا اخي الكريم,,
والله العظيم انا كنت خلاص استقريت عليها و نازل اشتريها ,, ومقتنع تماما انها مع قدم شكلها و تابلوها القديم جدا ,, لكن ياباني و احسن من الكوري ,, لكن بعد الحوار ده يغور الياباني على التقفيل المصري ,,
هو على رايك الواحد معاه كام 100 الف جنيه يحطهم في عربيه
و بعدين يا اخواننا عيوب فرديه دي مصيبه اكتر من الجماعيه ,,
الجماعيه هتبقى مشكله عامه و وهتتصلح غصب عن التخين ,, انما فرديه و يلطموا الراجل في التوكيل الزباله ده ,,
يعني بدل ما تريحه العربيه و تمتعه تطلع عينه عند اولاد ال ...... بتوع التوكيل دي حاجه تقرف ,,
و الله العظيم يا راجل انا نفسي اصدت عن شراء العربيه ,,,
مش عارف اقولك ايه ,, ربنا يكون في عونك و الله و ما تسيبش اولاد الايه دول لازم تخرب بيتهم ,,
و شكرا ,,

[saied]

اخى العزيز السلام عليكم ورحمه الله وبركاته
انا معى صنى منذ 3 سنوات تقريبا ولايوجد بها اى شى يستدعى التذمر سوى
استهلاك البنزين وضيق المساحه بين الراكب فى الكنبه الخلفيه.
لدى اصدقاء كثيرين لديهم صنى ولم اسمع منهم شكوى.
الشكوتين الذين سمعتم خلال 3 سنوات كانت كما يلى
الاولى ظهور بقع بيضاء فى الدهان فى سقف السياره والكبوت وكانت حاله فرديه.

الثانيه ظهور بعض العيوب فى ضفيره الكهرباء فى بعض السيارات وتم استبدالها وتلافيها.

انا استشفيت من كلامك انك طالب فى كليه الطب وذكرت انك تقود سيارات منذ 8 سنوات ولم ترد على كم تبلغ من العمر عندما سالك احد الاخوه سابقا


انا لى ملاحظات كثيره على المشاكل الكثيره التى ذكرتها واسلوب قيادتك للسياره
فلا عتقد انه احد منا قد قاد السياره على سرعه 120 كم فى فتره التليين - ايضا اسلوب تعاملك مع المشكله ومع مهندسين الصيانه فى التوكيل.

لاتزعل من كلامى انا لم اشاهد سيارتك ولكنى اعتقد انه صادفك سوء حظ وانت ايضا تبالغ بعض الشى لاننى لا اتوقع تجمع جميع هذه المشاكل فى سياره واحده - احتمال اكون مخطى .

ولذلك لديك حلين
الحل الاول ان تبيع السياره وتتخلص منها باى سعر
الحل الثانى ان تهدى اعصابك شوى وتلحا لاسلوب هادى ولكنه سوف ياخذ بعض الوقت - بما انه لديك مستدات بالمشاكل التى ذكرتها ان تلجا بها لجهاز حمايه المستهلك

ملحوظه السياره التى تتحدث عنها ثمنها 100000 جنيها
انا منذ كام يوم قرات موضوع مماثل عن سياره مرسيدس ثمنها 500000 جنيها
الموتور بتاعها دخن بعد 700كم وهذا حدث منذ 5 شهور ودخلت التوكيل وظلت مركونه 3 شهور لحين وصول قطع الغيار من الخارج.
وبعد تبديل قطع الغيار والاصلاح ةعند استلام السياره وجد الموكيت بتاع السياره به بقع ومتبهدل بالوساخه .
وهذه سياره المانى تعتبر القمه فى السيارات


فى النهايه اتمنى ربنا يكرمك ويريحك من مشاكل السياره لانها توثر على صاحبها وتوتر حياته

[ahmed beik]

بص حقك اصلا تبقي متنرفز كده واكتر انا معايا صني 2007 انا اشتريت العربية زي الفل وجملية وكل حاجة بس اما ركبت العربية من جوة كدة تؤ موش هية دي القاعدة اللي هية يعني قلت سيبك يا واد تقفيل مصري والصناعة المصري فضحانا في كل حتة اجي اشغل الكاسيت الاقي السماعات في الباي باي رحت لهم كذا مرة يقولولي مفيش سماعات تاني مرة مفيش سماعات تالت مرة لسة مجاتش رابع مرة قالي ايوة جت يا باشا قلت له الاربع سماعات ضاربين يا جميل قالي متقلقش هيتظبطوا وتدخل العربية واطلع الاقيه مغير سماعة ورا شمال والسماعات زي ما هية وبيكلمني علي اساس اني بطلب منه شفقة
انا دخلت فيه شمال اصلا وعملت له هوليله وفي الاخر مغيروش السماعات برضو وتوكيل وسايط وحاجة زبالة واسيب له العربية واقعد في الاستراحة اطلع الاقي العربية محكوكة من الاخر مركز خدمة مودن موتورز ده زبالة ولو البت اللي بتتصل تسالني عن التوكيل دي اتصلت هتسمع من المنقي يا خيار واللي قلبك يحبه ياريت المرة الجاي ة تهلل له وتعمل له فرح ومتنكسفش انتا طالب حقك وغصب عن اللي جابوهم يظبطولك العربية انتا دافع فلوس ياسطي وابقي طمني