شراء بيجو جديدة - أرجو المساعدة

[tam_yehia]

شكرا يا نور على ردودك السريعة وخليني اتقل عليك شوية
انا كنت سامع ان ال 307 فيها مشكلة في الموتور والناقل (الجير) هل 308 اتعالج فيها المشاكل دي؟
وكمان ايه اخبار قطع الغيار الاساسية يعني الحاجات الكبيرة زي اسطوانة الدبرياج والحاجات دي
وهل فيه قطع غيار رخيصة يعني ممكن نقرب من اسعار الياباني ولا الفرق كبير؟

[Nour_peugeot]

باشا احب اطمنك و اوقلك ان 308 الموتور و الجير بوكس مصنع بالكامل معا شركه bmw

تعاون مشترك لمده 10 سنين في تصنيع الموتير و الفتيسات فا مفيش قلق

و علي فكره في حججات ارخص من الياباني في قطع الغيار و هي فرق كولتي في السعر مش اكتر

و قطع الغيار كلها متشابها و ياه ياه بجد لو جيبت مانيوال هتبقي اشتريت دماغك جدا

[tam_yehia]

شكرا يا نور على مجهودك
انا بالفعل قررت اخد البيجو 308 هاتشباك
لانها بالفعل تحفة من بره وجوه
بس انا عندي استفسار بالنسبة للجمارك
العربية 4 سلندر 1600 سي سي
بس فيه موتورين
واحد عادي بيدي عزم 120 حصان والتاني تيربو بعزم 140 حصان
انا هاشتري الموتور التيربو هل ده يخليني ادفع اكتر في الجمارك او ان العربية تدخل في فئة السيارات اللى اكتر من 1600 سي سي
وايه اخبار الجمارك على الاوروبي هل فعلا فيه تخفيض 10% سنويا؟
ارجو الرد بسرعة لان وقتي ضيق جدا

[Nour_peugeot]

هتبقي فرق جمارك بسيط ممكن بالكتير اوي هيبقي 20 الف فرق و خلي بالك انه كده كده في خصم استعمال عن كل سنه

و بتتحاسب علي انها 1600 عادي جدا و الموتور التيربو حلو جدا ربنا يبركلك ان شاء الله

و فعلا الجمارك هتقل كل سنه 10 % علي الاوربي

[tam_yehia]

شكرا يا نور على توضيحك واحب اقول ان المنتدى محتاج من شباب البيجو اكتر من كده لان كل الحمل عليك

وبالنسة للجمرك انا قدرت اسال بالنسبة لسعر العربية هنا في الامارات ومفيش ضرايب ع التيربو بس على سعر العربية

بالنسبة للموتور العادي - الموديل بريميوم (وده اللى قررت اشتريه خوفا من مشاكل التيربو في طرق مصر الزحمة) سعر العربية هنا حوالي 71 الف درهم جماركها بتكون حوالي 68 الف

بالنسبة للتيربو 140 حصان - بريميوم برضه سعرها 73 الف درهم بيكون جماركها تقريبا سبعين الف

ربنا يسهل واستلمها وطبعا هابعت لكم صورها