ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

[seifmando]

السجاير مهما زادت مينفعش تنسبها للعربية
يعنى الزيادة الـ 10% مثلاً هتعمل الاتي:
1- علبة السجاير اللى بـ10 جنيه هتبى بـ 11 جنيه
2- العربية اللى ب100,000 حنيه هتبقى 110,000 جنيه

اللى عاوز اقوله ان مش معنى ان فيه حاجة فى السوق زادت 10% (اللى تمنها حتى لو بعد الزيادة هيبقى 20 أو حتى 30 جنيه حتى) يبقى انا كمان ازود السلعة بتاعتى باستثناء لو السلعتين مرتبطين (يعنى زيادة سعر البنزين هيغلى اجرة العربيات مثلاً)

لو مشينا بنفس المبدأ يبقى الاسعار هتزيد كل يوم

انت عمال تسألنا تسألنا .... ممكن اسألك سؤال صغير ومش عاوزك تكتب الاجابة بس جاوب قدام نفسك وبس.. انت لو معاك الـ 160,000 تمن الالنترا (اللى لسه هتغلى كمان ) ممكن تعدد الاختيارات وتشوف الالنترا هتبقى ترتيبها الكام مع العلم انك ممكن تدخل معاهم مستعمل (زي BMW 318i موديل الفينات مثلاً)

ومع الاعتذار لكل الاعضاء المشاركين فى الموضوع انا بنسحب من الموضوع لانه تحول لجدال مش مناقشة (شخص واحد هو اللى صح ورب عمله هو اللى صح واحنا الكام مليون مصري اللي غلط)

[Neo206]

المشاركة الأصلية كتبت بواسطة seifmando السجاير مهما زادت مينفعش تنسبها للعربية يعنى الزيادة الـ 10% مثلاً هتعمل الاتي: 1- علبة السجاير اللى بـ10 جنيه هتبى بـ 11 جنيه 2- العربية اللى ب100,000 حنيه هتبقى 110,000 جنيه اللى عاوز اقوله ان مش معنى ان فيه حاجة فى السوق زادت 10% (اللى تمنها حتى لو بعد الزيادة هيبقى 20 أو حتى 30 جنيه حتى) يبقى انا كمان ازود السلعة بتاعتى باستثناء لو السلعتين مرتبطين (يعنى زيادة سعر البنزين هيغلى اجرة العربيات مثلاً) لو مشينا بنفس المبدأ يبقى الاسعار هتزيد كل يوم انت عمال تسألنا تسألنا .... ممكن اسألك سؤال صغير ومش عاوزك تكتب الاجابة بس جاوب قدام نفسك وبس.. انت لو معاك الـ 160,000 تمن الالنترا (اللى لسه هتغلى كمان ) ممكن تعدد الاختيارات وتشوف الالنترا هتبقى ترتيبها الكام مع العلم انك ممكن تدخل معاهم مستعمل (زي BMW 318i موديل الفينات مثلاً) ومع الاعتذار لكل الاعضاء المشاركين فى الموضوع انا بنسحب من الموضوع لانه تحول لجدال مش مناقشة (شخص واحد هو اللى صح ورب عمله هو اللى صح واحنا الكام مليون مصري اللي غلط)

أنا معاك الاستاذ محمود بيتكلم اننا احنا الى نرد عليه
مش هو الى داخل عشان يرد علينا
معلش مع احترامى لما الكل يجمع على ان الاسعار مبالغ فيها
يبقى أكيد مش الكل غلطان ولا رأى حضرتك ايه؟؟؟؟؟

[Mr.Mamo]

الاسعار غاليه
مفيش اعتراض
مبالغ فيها مفيش اعتراض
بس مش بمزاج المستورد ولا بمزاج المنتج
ولا بمزاج المستهلك
دا اللي عايز اقوله
عنوان الموضوع اصلا اقروه يا جماعه كويس




الخلاصه

انا شايف ان في سلعه غاليه قوي و في منافسين افضل خلاص اشتري من اللي انا عايز اشتري منه

اصل الناس مش مدمنه هيونداي يعني
ولا غبور ماسك للناس ذله
انا حبيت افهمكم بس حاجه والظاهر ان اللي كل واحد لسه متمسك برايه ومش قادر يسمع غيره


ع العموم

شوفه ايه الاجراء اللي حضراتكم تقترحوه لمواجه مشكله غلاء الاسعار
وخلينا نشوف ايه الاصح ونبدأ فيه
يعني نعمل حاجه منتكلمش و خلاص

خلينا نقترح


انا من ناحيتي هجمعلكوا اسعار العربيات كلها في مصر وهكتبهالكوا في موضوع منفصل

وانتوا شوفوا ايه الاجراء المتبع


وكخطوة اولي ومبادره مني

انا هعتبر نفسي عضو عادي جدا ليس له علاقه بتوكيل غبور
يكفيني ان اكون في المنتدي بصفتي عضو عادي جدا وليس منسق مبيعات في غبور

[يسري أبو الخير]

المشاركة الأصلية كتبت بواسطة Mr.Mamo زياده الاسعار مش بس في سوق السيارات لا في كل المجالات تقريبا اتمني تكون الرساله وصلت للجميع واعتقد اني مش هتكلم في الموضوع ده تاني فياريت اللي عنده حاجه حابب يقولهالي يذكرها في مشاركته في الموضوع ده

المشاركة الأصلية كتبت بواسطة Mr.Mamo بعد قراءه المشاركات اللي بدأ معظمها يرتقي لاسلوب محترم يا جماعه هو انتوا معندكوش ولا احتمال 10% انكوا غلطانين .. وتحالوا تفهموا ليه السلع كلها بتغلي مش العربيات بس .. ايه كلكوا خبراء اقتصاد بس بجد لو فيه حاجه منظمه محترمه ليها اهداف انا هكون أول المشاركين معاكوا بوقتي ومالي ومجهودي وفكري كمان ومش هستخسر في بلدي حتي وظيفتي ولا حتي روحي بص علي فكره انتوا اللي مردتوش علي سؤالي المدخنين اللي اتكلموا كتير جدا سؤال لو رئيس الجمهوريه الجديد وافق ودعا الناس انها تقاطع المحتكرين ممكن تجاوبوني ازاي هتقاطعو العربيات اللي بتزيد 1و 2 و 3 % وانتوا مش قادرين تقاطعو السجاير اللي غلت 100 و 200 و 300 % جاوبوني علي سؤالي عشان ارد علي مشاركاتكم علي فكره فيه مشاركات كتير محترمه قوي في الموضوع هرد عليها واحده واحده لان الموضوع ما انتهاش بس برده انا مصمم تجاوبوا علي سؤالي عايز اعرف انا بكلم ناس بتتكلم بس ولا بجد نفسها تعمل حاجه للبلد

واضح أن Mr.Mamo ردوده على المشاركات مستفذه اكثر من اللازم .. و لدية اصرار ان السادة الأعضاء بالمنتدي ليسوا على حق فيما يناقشونه فيه .. و أنه الأقتصادي الوحيد .. لرده علينا ( أيه كلكم خبراء اقتصاد ) .. للأسف لم أرى في ردود سيادته أي نوع من حرية الرأي و كذا أحترام الرأي الأخر ..
عموما أسف للتعليق مرة ثانية .. حيث سبق لي التعليق على موضوعة بالصفحة الثانية و كتبت ( لا تعليق ) اعتراضا .. و لكن اسلوب سيادته استفزني مرة اخرى .

[MmFFoR]

بصراحة انا شايف ان ردود اشتاذ مامو منطقية و محترمة جدا

احنا شعب بيحب الكلام و في الاخر مش بنعمل حاجة

هو الزميل وضح ان زيادة السعر ليها اسباب قد تكون منطقية للبعض و غير منطقية للبعض الاخر

و قال اللي عاجبوا يشتري بعد الزيادة اهلا و سهلا و اللي مش عاجبة و الله هو حر لان غبور مش ماسك ذلة على الناس انها لازم تشتري منه!!! و ثم الخليجي مالي السوق للي عايز