تغطيه وصول و تجربه قياده هيونداي النترا و ازيرا 2012

[احمد على 1999]

الى فهمته ان الميزة الوحيدة فى التورشين بييم عن المالتى لينك انه اخف و اصغر فحيدى مساحة اكبر ورا
لكن الثبات و الراحة حيبقى لصالح المالتى لينك
ده غير ان فى التورشين بييم لو العجلة خبطت رصيف او حفره و البييم اتعوج ملهاش ظبط زوايا (الكامبر) يعوض العوجة زى المالتى لينك يعنى حتطر تغير البييم و الله اعلم

[samirsaid1]

موضوع جميل والعربية جميلة

[sam ram]

المشاركة الأصلية كتبت بواسطة SuccessCre8or الأهرام كاتب ان الإلانترا تعليقها مستقل .... ههههههههههههههه شوفت النصب يا باشا؟

لا مش نصب و لا حاجه .... هما بس بيدشوا كلام مش فاهمينه
الظاهر التوكيل المره دي مفطنهمش البوقين صح
انا جالي استبحس اساسا من مقال الاهرام ... نص صفحه رغي مفيهاش اي كلمه مفيده تهم الواحد
وكمان معلومات غلط

المشاركة الأصلية كتبت بواسطة عصام غنايم ده عيب اساسى فى التعليق المتصل لازم تحس بعومان مؤخرة السياره فى الملفات وبخاصه لو دوست على زلطه على ملف مش هتعرف تلم ضهر العربيه

هو لو العيب في الاحساس بس يبقى مقدور عليه ... ويجي بالتعود
لكن للاسف واضح ان النظام بيختلف من عربيه للتانيه
كمثال السيينا كانت بتعوم جامد في الملفات خصوصا مع شنطتها الطويله ... لكن الاحساس اقل كتير بالنيسان صني
فالسؤال حيكون هل التعليق الخلفي في الالنترا الجديده اسواء من القديمه .. و لا مجرد احساس فرق نظام عن التاني

المشاركة الأصلية كتبت بواسطة bmkbmk ربنا يخليك يا سامح باشا ... بس شكلنا فعلا هنروح نعمل تست درايف تانى لأننا واجهنا خيبة أمل كبيرة جدا من كتير من الاعضاء و احنا نفسنا طبعا مصابين بخيبة الامل دا غير ان كتير من الاراء على المواقع العالمية عن الثبات فى المنحنيات و التمايل احسن من النسخة السابقة من العربية فا فعلا شاكين ان فيه حاجة غلط يا إما هى بتنزل برة بقى ملتى لنك و بالنسبة للجيتا يا باشا هى اكيد طبعا مظبطينها بطريقة او بأخرى حتى لو تعليقها الخلفى قضيب متصل انت عارف الالمان و ان شاء الله نعمل لها تست درايف قريب

بس التقارير و التست درايف للجتا اغلبها قالت ان نظام التعليق المستقل كان افضل من المتصل
واضح ان نسبه المبيعات وخفض التكلفه بقت هدف حتى لو كانت النتيجه اداء اقل واستخدام انظمه وخامات اقل تكلفه

بالطريقه دي فولكس ( الالمان ) هي اللي حتنافس هيونداي ( الاسيوي ) مش العكس

[SuccessCre8or]

بالطريقه دي فولكس ( الالمان ) هي اللي حتنافس هيونداي ( الاسيوي ) مش العكس

true

اتفرج وشوف بنفسك:

http://www.youtube.com/watch?v=iiYKjf8lXA8

[horas3000]

المشاركة الأصلية كتبت بواسطة sam ram بس التقارير و التست درايف للجتا اغلبها قالت ان نظام التعليق المستقل كان افضل من المتصل واضح ان نسبه المبيعات وخفض التكلفه بقت هدف حتى لو كانت النتيجه اداء اقل واستخدام انظمه وخامات اقل تكلفه بالطريقه دي فولكس ( الالمان ) هي اللي حتنافس هيونداي ( الاسيوي ) مش العكس

مفيش خلاف طبعا ان الملتي لينك بيدي ثبات احسن من التورشن بيم
لكن واضح ان حتي التورشن بيم الالماني مش زي الكوري
و دي واضح من الفيديو اللي تكرم SuccessCre8or و حطه
و خطه رفع المبيعات و خفض التكلفه و الخامات فولكس متجراتش تعملها الا في امريكا بدليل ان الجيتا الاوروبي هتنزل بملتي لنك و خامات اعلي كمان
يعني من الاخر فولكس بتقول للامريكان في وشهم انهم مبيفهموش في العربيات