قفل الدركسيون لو واحد جامد من حرامية العربيات ( بيعطلة شوية لغاية ما يفكة )

[ashussein]

السلام عليكم ورحمه الله وبركاته

lock1.jpg 2.jpg

دة قفل الدركسيون زي ما هو باين في الصور

في يوم واحد "شار" علية بية اركبة ( علشان حوادث السرقة لاقدر الله)
قالي " لو واحد جامد من حرامية العربيات ( بيعطلة شوية لغاية ما يفكة )"

المهم يا اخواني في يوم المطرة اللي فات دة وقعت مفاتيحة بعد ما ركبتة ومش لاقيها
طبعا بعد ما (( لفيت واتغرقت واتبليت ولغيت المشوار ))

مش ها طول عليكم ( قعدت طول النهار ادور علي حد يفكة ) مالاقتش

لغاية ما جبت الحداد
((( ببطارية عربية كده وصاروخ حدادي ونشرة قدامي علشان يشيلة )))

وعرفت ان القفل دة كويس اي نعم اليوم باظ ودفعت فلوس وخدت برد
بس في النهاية عرفت انة جاب نتيجة كويسة (( في العطلة والوقت والدوشة ))

ياترا حد عندة رأي تاني ..؟؟
... حفظم الله ...

[احمد على 1999]

الحرامى بيدور على الاسهل و الاسرع و الاهدأ فلو شاف القفل حيبعد ان شاء الله

[MmFFoR]

ربنا يستر انا والله عاوز انزل اشتري واحد بس مش فاضي

[hanymi45]

كلام حضرتك صح جدا فعلا
وعلل فكره كمان فى منه انواع بلاش النوع المنتشر اللى هو المفتاح باربع فتحات لانه مش معمر وبيبوظ بسرعه اللى هو بحوالى 25 او 30 جنيه انت وشاطرتك يعنى فى نوع كويس جدا بيبقى المفتاح بتاعه مفتاح كومبيوتر ذى بتاع الابواب وده صعب فكه وتلاقيه الخامه بتاعته انظف وكمان بيكون اتقل وفى منه تخانات على فكره ان جبته من التوفيقيه فى انواع اتقل نوع بـ 90 جنيه تحس حاجه مكلبشه فى العربيه كده ولكن انا جبت النوع الى قبله على طول بسـ 70 جنيه وانا شايف انه برضه مناسب جدا واتقل برضه من العادى بكتير وطبعا كل مايكون اتقل الحديد بيكون افضل وخلعه مايكونش سهل خالص وعلى فكره الأسف انا ملقتوش غير فى محل واحد فى التوفيقيه دوخت ودورت ورجعت لنفس المحل تانى

[hosar]

طب و بالنسبة لقفة الدريكسيون بعد ما تشيل المفتاح هوا مفيد ولا مالوش لازمة