اخر مفأجات العم غبور رفع اسعار السيارات من 1000 الى 5000 جم

[amrmohamed1975]

المشاركة الأصلية كتبت بواسطة amir hassan المفروض ان سيادتك عضو فعال وترميش كلام وخلاص كل العربيات فى غبور 2011 والاسعار اللى فوق كلها 2011 والاسعار دى حصل عليها عروض غير ان الناس بتتكلم وخلاص عن لاعلم الجمارك ياجماعه كانت الاول بتاخد الــ 40% من تمن العربية بس دلوقتى بتاخد الـ40% من تمن الربية +مصاريف الشحن والتفريغ والصيانه البحرية وده اللى زود الاسعار هو انتو مبتقوش جرايد خالص مقارتوش بالمانشيت العريض فى الاهرام سوق السيارات يصاب بحاله من الشلل

الاستاذ امير اشكرك على مداخلتك بس ارجو ان كلام حضرتك يكون موضوعي شوية اولا الاسعار الموجودة اعلي المشاركة و انا قلت انها منقولة و لو حضرتك بصيت كويس على الموديل الموجود امام كل سيارة كنت اتكدت ان الكلام ده لموديلات 2010 مكانش نزل 2011 لسه غير فى نيو اكسنت سبورت و الكلام ده انا متاكد منه فيما يخص موضوع الموديل لاني استلمت عربيتي فى شهر 6 موديل 2010 ماتريكس و ماكنش نزل 2011

[Amir Hassan]

على مدى خمس صفحات
ومن اول اغسطس لحد دلوقتى وعلى مدى اكتر من 30 مشاركة
لاقيت فى الموضوع ده كمية معلومات غلط بشكل
انا رديت على البعض
لكن بجد
زهقت من كتر الرد
مش ملاحق
كل اللى عنده حاجة بيقولها صح غلط يلا ارمى البوقين بتوعى وخلاص
ده غير الشتايم فى الكبر مصنع وسائل نقل فى الشرق الاوسط
وخامس اكبر شركاء هيونداى موتورز على مستوى العالم
الزيادة من الجمارك
واللى يقول غير كده يبقى عامل زى النعامة ( من غير مكمل المثل )
انهاردة 13-10-2010
غبور متصدر مبيعات السوق
العربيات التانية ابتدت تغلى وده ناتج عن انهم مش بيبيعوا كتير فبالتالى مش بيجمرك عربيات جديدة
مازالت هيونداى هى الاقوى
فى
سعر العربية مقابل الاوبشنز
سعر قطع الغيار
قطع الغيار عند البقال
اعلى سعر لاعادة البيع
مع احترامى للجميع
فى وسط التوكيلات المتخلفة اللى فمصر غبوووور فوق الجميع بعقله وبفكره وبمبيعاته
واللى مش مصدق يدخل على موقع الاميك ( مجلس معلومات السيارات المصرى ) ويشوف بنفسه
والى للقاء اخر انشاء الله وتصبحو على خير عشان ادخل انام احسن

[Amir Hassan]

المشاركة الأصلية كتبت بواسطة amrmohamed1975 الاستاذ امير اشكرك على مداخلتك بس ارجو ان كلام حضرتك يكون موضوعي شوية اولا الاسعار الموجودة اعلي المشاركة و انا قلت انها منقولة و لو حضرتك بصيت كويس على الموديل الموجود امام كل سيارة كنت اتكدت ان الكلام ده لموديلات 2010 مكانش نزل 2011 لسه غير فى نيو اكسنت سبورت و الكلام ده انا متاكد منه فيما يخص موضوع الموديل لاني استلمت عربيتي فى شهر 6 موديل 2010 ماتريكس و ماكنش نزل 2011

ياباشا الموضوع منشا فى 3-8-2010
ان مالى انك استلمت عربيتك فى شهر 6
شهر 6 سيادتك كان نص العربيات 2010 والنص التانى 2011
7 يوليو يعنى
كان كل العربيات 2011
مفيش غير باواقى النترا فتحة سقف وايرباج 2010 عليها خصومات
الراجل محترم جدا
انما
الاسعار اللى فى اول المشاركة غلط كلها

[amrmohamed1975]

المشاركة الأصلية كتبت بواسطة amir hassan حتى لما بقى فى ناس مثقفة وبتفهم بتتكلم لازم نهجمهم من باب ان عيب اطلع انا غلط الخبر اللى اتقال واتكتب كل الناس قرته فى الجرايد يعنى الزيادة تطبقمن 1-8-2010 وغبور رفع الاسعار فى 3-8-2010 وخلى بالك للباشا اللى بيقول على العربيات الخليجى خليجى ايه ياباش هو فى خليجى بضمان ولا بتدخله توكيلات الخبر بيقولك التوكيلات ومركز خدمة الوكلاء جبت بقى منين خليجى وتجار دى الخبر بيقول للمشافش ولا سمع ( على أساس تقديم الوكلاء خدمات ما بعد البيع‏ والضمان والصيانة للسيارات‏،‏ ) يبقى نقول طور تقولوا احلبوا الرحمة من عندك يارب

انا برضو بشكر حضرتك على مشاركتك استاذي اذا هاجم احدنا غبور او غيره من وكلاء السيارات فهذا بسبب اننا دفعين فى العربيات دي فلوس مش ورق كوتشينة و فى نفس الوقت نري ما يفعله الوكلاء و مراكز الخدمة فى طريقة معاملة العميل فى الدول الاخري التي اشك تماما فى ان التوكيل الذي تدافع عنه يفعل ربع ما يفعلون و بعدين حضرتك بتدافع عنه قوي ممكن افهم ده اذا كان حضرتك موظف مثلا فى مجموعة غبور يبقي تدافع و ترد بموضوعية و بدون تهكم او تريقة على الاعضاء انماء بهذا الشكل و داخل تخبط فى الناس كلها على العموم بالتوفيق اذا كنت موظف او لا بس متخليش حماسك يخليك تغلط مع الشكر بس الكلام ده برضوه على لسان رئيس مصلحة الجمارك و منقول من كونتكت كار ارجو ان تقراه بعناية فتح جلال أبو الفتوح مستشار وزير المالية لشئون الجمارك النيران على وكلاء السيارات وأصحاب الشركات العاملة في المجال رداً على إدعاءاتهم بأن الجمارك تسببت في رفع أسعار السيارات بالسوق المصري مؤخراً.

وأكد أبوالفتوح أن ما حدث من ارتفاع في أسعار السيارات ليس له علاقة بزيادة جديدة على التعريفة الجمركية على السيارات، حيث لم يحدث أي زيادات على التعريفة الجمركية على السيارات ، لافتا إلى أن ارتفاع أسعار السيارات مؤخراً يرجع إلى إصرار وكلاء السيارات على الاحتفاظ بنفس الأرباح التي يحققونها من تجارة السيارات سواء ارتفعت أسعار العملات الأجنبية أو انخفضت أمام الجنيه المصري.حسب صحيفة "المساء" يوم السبت.

أكد مستشار وزير المالية لشئون الجمارك أن اجتماعا تم مع وكلاء السيارات والجمارك تبين منه أن تجار استيراد السيارات الخليجي كشفوا ارتفاع أسعار السيارات لدى الوكلاء، ومن ثم لم يجد الوكلاء مبرراً إلى ارتفاع أسعارهم إلا الادعاء أن الجمارك السبب في رفع أسعار السيارات.

قال أبوالفتوح إن مصلحة الجمارك أكدت في اجتماعها مع الوكلاء رفضها طلبات الوكلاء بخصم بعض المصاريف ومنها مصاريف خدمة ما بعد البيع التي يسددونها للمورد بالخارج وكذا تكلفة الإعلانات من القيمة التي يتم على أساسها حساب الرسوم الجمركية مؤكداً تلك المصاريف غير مبررة.

وكانت وزارة المالية قد أنهت الإعفاء الذي كان مقررا على خدمة ما بعد البيع والذي يقدر بـ9% من قيمة السيارات المستوردة، ليتحمله الوكلاء بعدما كانت معفية خلال السنوات الثلاث الأخيرة

[mohamedkamel8677]

مش المفروض ان الغرفة التجارية فيها ادارة لمكافحة و رقابة الحاجات اللى زى كدة؟؟؟؟؟