حرام دي فلوس ناس ( غبور و تجار السيارات )

[waelfarid]

يبقي انت اكيد اكيد في مصر
العربيات المخصصة لمصر (خرج بيت_ اسبوع فضل وبواقي_ملهاش سوق في حتة تانية)واللي زاد وغطي ولاد التيت اللي بيخربوهالك قبل متستلمها قدامك او من وراك
علشان كدة اللي جايب عربية من برة بيدفعوه دم قلبه (انت ازاي ولد ادب سيس خرسيس عاوز تركب عربية نضيفة انت تركب اللي احنا ندهولك وبسسس)
الموضوع عامل كإن ركوب العربيات حرام علينا
ويحضرني هنا نكتة
مرة واحد سأل سواق تاكسي: تاخد كام وتوديني فين؟
كان رد السواق: هات اللي معاك وخليك هنا مطرحك
ههههههههههههههه بايخة
انتظر الساعة اذا ضيعت الامانة وما الامانة ؟
اذا وسد(أسند) الامر لغير أهله

[Devill Blood]

المشاركة الأصلية كتبت بواسطة y7ia انا مصري عايش في ابوظبي وعلى فكره .. هنا السيارات الجديده ... اول ماتستلمها بنحاول نقفل بيها عداد السرعه لان فيه مقوله بتقول الموتور اللي يجري ويتعلم الجري من اول يوم بياخد على كده واللي بتقعد تحسس عليه وتكتفه تحت الميت كيلو بيبقة موتور مخنوق الحقيقه انا مش عارف الصح فين ...اللي بيحصل هنا ولا اللي بتقول عليه شكرا

هههههه أضحك الله سنك
يا أخى العزيز موضوع أن العربية متعديش ال100 دى أسباب فنية بحته مذكورة فى الكاتلوج الخاص بالسيارة ومن يفعل ذلك فى سيارته أى تقفيل العداد فذلك لأنه يحاول التبرير لنفسه المال الضائع بسبب ذكائة

[y7ia]

المشاركة الأصلية كتبت بواسطة Devill Blood هههههه أضحك الله سنك يا أخى العزيز موضوع أن العربية متعديش ال100 دى أسباب فنية بحته مذكورة فى الكاتلوج الخاص بالسيارة ومن يفعل ذلك فى سيارته أى تقفيل العداد فذلك لأنه يحاول التبرير لنفسه المال الضائع بسبب ذكائة

ههههههههههههههه
والله انا بحكي لحضراتكم اللي بيحصل بصرف النظر عن الصح من عدمه
راعي حضرتك ان هنا لو السياره ماوصلتش لاول الف كيلو وحصل فيها اي مشكله حتى ولو تافهه
من حقك تروك الوكيل وتاخد غيرها وانت واقف وكمان يتحمل الوكيل مصاريف التسجيل والتأمين
على فكره سيارتي القديمه كانت كورولا 2005 وعملت فيها زي ماحكيت بالظبط وكانت ماشيه زي الساعه لحد مابعتها من شهرين بس
دلوقت للاسف جبت ياريس نمرة واحد فول اوبشن 1500 سي سي زي الزفت
ومانصحش بيها خالص

[خالداعزالناس]

والله حرام ...... اين حمايه المستهلك من نصب المعارض
مش معقوله ان الواحد يشترى سياره جديده مستعمله وطالع عينها
مش معقول ان الواحد يشترى سيارته الجديده ويمشى على سرعه اقل من 90 كم / ساعه عشان يحافظ عليها .... وتكون سيارته اصلا ..... ممشى بيها على سرعه 190 كم / ساعه
يارب ارحمنا من السفهاء والنصابين والمحتالين واكلين حقوق الناس

[Injection]

عادى جدا, أحنا في جراج جامعة عين شمس عاملين مخزن للسيراتو و العمال بييجوا كل يوم "يشيكوا" عليها و بيجيبوا بالعربيات فوق الخمسين فى جراج مليان عربيات و مطبات و نقر و بياكلوا فيها كشرى و يشغلوا التكييف و الراديو و بيحطوا فيها الكراسى بتاعتهم كمان, محدش عنده ضمير ولا فى رقابة ولا يحزنون.