ألحقونى قبل ما جوزى يرجع فى كلامه

[zain2007]

المشاركة الأصلية كتبت بواسطة hazem_khidr اهلا و سهلا بيكي معانا في مصر موتورز ز نتمني نشوف مشاركاتك زي ما بتقولي بالنسبه للتساؤلات فالدكتور عبد السلام جاوب عليها مشكورا اما بالنسبه للون التلات الوان حلوين الاسود و الكحلي و النبيتي و شايف ان النبيتي اشيك لون فيهم و علي فكره التلاته بيلموا تراب مش فارقه كتير شوفي اللي يعجبك و لو الاسود عاجبك توكلي علي الله

أهلا بحضرتك أنا بس ربنا يكرمنى ويتمم الموضوع على خير وهأعملكم تقرير مفصل

ريحتنى كتير الله يكرمك لأنى فعلا حابه النبيتى قوى

كل سنه وحضرتك طيب

[oceanboy425]

اولا ربنا يجعلها وش السعد عليكى.
العربية محترمة جدا انا شخصيا حجزتها بقاللى 20يوم.
على فكرة انا حاجز اللون الكحلى بس خلى بالك دى ازواق ياريت تشوفى كل الالوان وبعدين قررى.
ياريت توضحيلى يعنى اية فايدة اسلامية؟
مشكلة الباور الكهربائى تقريبا منزل مصر من اساسة كلها زيت.
واخيرا ربنا يعطيكى خيرها ويكفيكى شرها وآسف على الاطالة

[zain2007]

المشاركة الأصلية كتبت بواسطة oceanboy425 اولا ربنا يجعلها وش السعد عليكى. العربية محترمة جدا انا شخصيا حجزتها بقاللى 20يوم. على فكرة انا حاجز اللون الكحلى بس خلى بالك دى ازواق ياريت تشوفى كل الالوان وبعدين قررى. ياريت توضحيلى يعنى اية فايدة اسلامية؟ مشكلة الباور الكهربائى تقريبا منزل مصر من اساسة كلها زيت. واخيرا ربنا يعطيكى خيرها ويكفيكى شرها وآسف على الاطالة

شوف يا سيدى أولا ألف مليون مبروك ربنا يديك خيرها ويكفيك شرها سؤالى لحضرتك انت شوفت الكحلى قبل ما تحجزها ولا ما شوفتهاش قبل كده

بالنسبه لموضوع التقسيط الأسلامى ده يختلف عن التقسيط العادى لأن فى العادى البنك مجرد ممول يعنى بيدفعلك فلوس العربيه وياخدهم منك بفوايد وده يبقى ربا اللهم أحفظنا
أما الاسلامى فالبنك بيمتلك العربيه الاول وبعدين بتشتريها من خلاله وطبعا فيه فايده لكن فى الوقت ده الفايده مش حرام زيه زى اى تقسيط مباشروفى معارض بتعمل تقسيط مباشر ودى زيها زى الاسلامى لأنك بتقسط من المالك
يا ريت اكون قدرت أفهم حضرتك
وألف مبروك مره تانيه ويا ريت حضرتك تقولى انت أشتريت من معرض ولا من التوكيل وهاتستلم بعد قد أيه
أسفه على الأطاله

[AHMEDCAR]

انسب لون النيتى و الاسود و ان كنت افضل النبيتى للسيدات

لكن الاسود فى اعاده البيع بيكون افضل

[zain2007]

معقول الأسود فى الريسيل بيكون أفضل مع ان الناس كرهتنى فيه بسبب النضافه
بس أنى واى الأسود بأحس أنه كبير قوى على السيدات
لون وقور زياده عن اللازم
أشكرك من كل قلبى