|
|||||||
| بيجو PEUGEOT بيجو PEUGEOT الفرنسية انشأت فى عام 1880 وهى من اقدم السيارات استخداما فى مصر وتمتلك حاليا شركة ستروين الفرنسية ايضا من اهم موديلاتها بيجو 307 و 307SW و 407 و 607 |
 |
|
|
أدوات الموضوع |
|
|||||||
| بيجو PEUGEOT بيجو PEUGEOT الفرنسية انشأت فى عام 1880 وهى من اقدم السيارات استخداما فى مصر وتمتلك حاليا شركة ستروين الفرنسية ايضا من اهم موديلاتها بيجو 307 و 307SW و 407 و 607 |
|
|
|
أدوات الموضوع |
|
#1
13-10-2013, 11:45 PM
|
|||
|
|||
قواعد موتور ال 307
العربية عندي فيها خربطة و رحت للعفشجي و كشف على العفشة و قالي سليمة و المشكلة في قواعد الموتور..
انا مش عارف سعرها كام و اجبها منين و هل تركيبها يحتاج فك الموتور ولا عادي و هل لو فضلت الخربطة فترة فيها ضرر ولا عادي؟؟؟ 
|
|
#2
14-10-2013, 04:35 PM
|
|||
|
|||
|
رد: قواعد موتور ال 307
هيا البيجو الـ 307 ليها 3 كراسي مكينة منهم واحد بيعمل رجة شديدة في العربية لو مقطوع ودة تحت العربية وبيعدي فيه عمود الكوبلن بتاع الفردة اليمين للعربية... انا غيرت التلت كراسي في الحرفيين هنا في القاهرة عند واحد أعرفه واحد بـ 550 ودة الكبير ألي بتشوفه لما تكون فاتح الكبوت عالشمال والاتنين التانيين صغيرين وكل واحد فيهم بـ 100 ورغم ان اسعارهم تافهة واحجامهم اتفه بس واضح انهم بيعملوا مشكلة كبيرة للعربية زي ما كانوا عاملينلي...
تغييرهم مش محتاج رفع المكينة ولا حاجة بس ياريت تروح عند حد بيفهم لأن مش أي حد يعرف يغيرهم انا رحت في الاول لناس مبتفهمش في البيجو وكانت النتيجة انهم دخلوا للكرسي الي تحت المكنة عن طريق انهم فكوا الفردو اليمين قدام والمساعد والديسك والكوبلن وكانت قصة طويلة خدت 3 ساعات في كرسي واحد بس لكن في الحقيقة لما روحت الحرفيين غيروا التلت كراسي في 45 دقيقة وخدوا مني حوالي 950 جنيه... أتمنى أكون أفدتك وآسف للإطالة... ربنا معاك
|
|
#3
16-10-2013, 01:44 AM
|
|||
|
|||
|
رد: قواعد موتور ال 307
شكراااااااااااااااااا
بس هل لازم اغير ال 3؟؟ انا الخربطة بحسها ناحية الفردة الشماال فهل ممكن اغير واحدة بس ولا لازم كله؟؟ و ال950 دول ثمن ال 3 و بحساب الميكانيكي صح؟؟ و ازاي اعرف اذا كانت الموجودة فوق على الشمال سليمة ولا بايظة؟؟
|
|
#4
17-10-2013, 04:21 AM
|
|||
|
|||
|
رد: قواعد موتور ال 307
أستاذ محمد الي يحدد عربيتك محتاجة ايه بالظبط العفشجي وحضرتك انا ممكن أقولك بس ان المشكلة عندي الي خلتني أغير كراسي المكينة اني كان عندي رجة شديدة مستمرة في العربية طول ماهي شغالة وواقفة وبناءًا عليها انا غيرت كراسي المكينة وانا كان ممكن اغير واحد بس الي هو تحت الميكنة بس بتوصيات مركز صيانة بيجو مصر أبو رواش غيرت التلاتة بس مش عندهم طبعا...
الـ 950 تمن التلاتة وبحساب الميكانيكي آه... وهو مش ميكانيكي أوي هو عبارة عن مركز خدمة في الحرفيين بتاع بيجو وستروين بس... وبس كدا
|
|
#5
03-11-2013, 12:31 PM
|
|||
|
|||
|
رد: قواعد موتور ال 307
شكرااا
انا كشفت على القواعد و طلعت سليمة و الخربطة لسه موجودة و بتفضل موجودة غلى سرعة 120 او 130 مش بتروح في العادي بتكون مع المطبات الخفيفة جدا او لو دوست على زلط في الطريق انما المطبات او الحفر لا يوجد صوت خربطة و بصراحة مش عارف اعمل ايه و ايه الحل العفشجي قالي سليمة و القواعد طلعت سليمة هل البلي او الكبلن يعمل صوت كده؟؟؟ خربطة و ليس طقطقة
|
|
|
|
