لخبراء الرينو : محتاج مساعده ف موتور 1400

[romyo_alex]

السلام عليكم و رحمه الله و بركاته

كل سنه و انتوا طيبين جميعا

من الاخر انا مش بفهم اوى ف العربيات بس الحاجات الاساسيه اعرفها بس الاعطال مليش فيها العربيه رينو 9 موديل 1985عطلت منى ع الطريق الزراعى و ف الاخر عرفت ان العربيه مفهاش و لا نقطه زيت و ناس قالولى المكنه كانت خفيفه و اكلت زيت بسرعه

دلوقتى ف حلين و انا محتار فيهم بصراحه الميكانيكى قالى حنودى الموتور للخراط و ممكن ياخد 400 جنيه مصنعيه و كمان انا حجيب حاجات للموتور بساتم و حاجات تانيه مش فاكرها و الموضوع حيعدى ال 1000 جنيه ده غير المصنعيه و حتاخد اسبوع لانها حتدخل ف عمره موتور

و الحل التانى بدل ما اوديها للخراط اجيب موتور جاهز و يكون فاضى بس المشكله ان اسعار محلات قطع غيار الرينو غالى جدا و بعدين قالى لو انت حتصرف ع الموتور القديم ما تجيب واحد مستعمل احسن

دلوقتى انا محتاج مساعدتكم رايكو ايه اعمل عمره ف الموتور و لا اشترى واحد مستعمل

و ياريت لو حد يعرف ناس بتبيع قطع غيار و اسعارهم كويسه و ياريت ارقامهم لانى بجد مش عارف اعمل ايه و الاسعار مثلا حتكون ف حدود كام

و اسف ع الاطاله و شكرا

[islam sabry]

واحد استيراد افضل طبعاً من الهم وخلي التاني معاك فيه قطع غيار لا الرينو مقرفه في قطع غيارها ....هو في واحد بيبيع قطع غيار الرينو اسمه الشيخ ....العنوان بالظبط هجبهولك النهارده بليل ان شاء الله وحاول تجيب الموتور اوائل تسعينات هيكون افضل ليك

[romyo_alex]

المشاركة الأصلية كتبت بواسطة islam sabry واحد استيراد افضل طبعاً من الهم وخلي التاني معاك فيه قطع غيار لا الرينو مقرفه في قطع غيارها ....هو في واحد بيبيع قطع غيار الرينو اسمه الشيخ ....العنوان بالظبط هجبهولك النهارده بليل ان شاء الله وحاول تجيب الموتور اوائل تسعينات هيكون افضل ليك

تمام كلامك و فعلا كذا حد نصحنى و قالى موتور مستورد بس المشكله دلوقتى ف الاسعار انا سالت ع الموتور فاااضى عامل 2500 و لو كامل و الكمال لله وحده عامل 3500 ديه اسعار مبدأيا و ف ناس قالتلى انزل بورسعيد او القاهره ع فكره انا من اسكندريه عشان كده عايز اعرف لو ف حد عنده اسعار كويسه يبقى احسن لو مفيش يبقى اسافر و امرى لله

منتظرك يا باشا

[HA_2000]

جيب موتور استعمال بالكامل احسن ليك من ان انت تصرف على العمره
بس للعلم مواتير الرينو مش محتاجه اى اعمال خراطة
هى كلها بساتم بتتشال وتتركب وعمره الرينو والبيجو من اسرع العمرات علشان يدوب بتغير جوانات وبساتم مش محتاج تسقط الموتور

[islam sabry]

افضلك بورسعيد كدا .. انت لو عملتلو عمره الميكانيكي لوحده هياخد حوالي 500 مصنعيه دا غير البساتم والشنابر والجوانات والخرط وكمان هيكلفك حوالي 4000 جنيه فا احسنلك واريحلك كتير الموتور الاستيراد زي ما قولتلك لا تليين ولا مشوره ولا اي هم فكدا وركب دا على طول وربنا الموفق