يوميات رينو رينبو ... اسعار قطع غيار وكل شيئ عنها

[Dragonkiss]

[نادرصلاح الدين عبد الرحمن]

السلام عليكم يا ملاك الرينو المحترمين.
ربنا كرمني بعربية رينو رينبو موديل 99، وكالعادة استلمني مفتيين الديار المصرية "ملقتش غير رينو" "دي قطع غيارها مش موجودة" "قطع غيارها نار"، ومع ذلك عاندت واشتريت العربية عشان كانت عجباني.
اول حاجة حبيت اعملها في العربية كانت العفشة رحت كشفت عليها لقيتها محتاجة علبة دركسيون وبارة طرف دركسيون، وكانت المفاجأة في الاسعار
علبة الدركسيون = 350 جنيه
بارة الطرف (الجوز) = 110 جنيه
مع العلم اني كنت مغير علبة الدركسيون قبل كده في عربية 131 وكانت عاملة من سنة ونص 320 جنيه
ودي باقي اسعار الحاجات اللى احتاجتها العربية
فلتر هواء = 25 جنيه
فلتر بنزين = 5 جنيه
سير الكاتينة "جنزير" = 35 جنيه
سير الدينامو = 20 جنيه
سير التكييف = 25 جنيه
دراع هاند بريك = 150 جنيه
وش فانوس امامي = 35 جنيه
تيل أمامي = 100 جنيه
والحاجات دي كلها جبتها من عند محل اسمه "الطيب" وده شغال رينو بس، راجل محترم وفاهم شغله كويس، هو في امبابة، شارع الوحدة امام التوحيد والنور.
وبالمناسبة انا عملت العفشة عند واحد شاطر قوي في امبابة برضه جنب مركز شباب امبابة، اسمه الاسطى رضا، راجل كويس قوي ومصنعيته معقولة جدا.
انا حبيت احكي تجربتي مع الرينو واشارك في المنتدى الرائع ده، وعذراً للإطالة.

[mohmedkamel]

مبروك السيارة ربنا يجعلها لك فى الخير ويبعدها عن الشر
والاسعار فيها تقارب بسيط مع اسعارعين شمس وفى انواع

[mohnned]

المشاركة الأصلية كتبت بواسطة mohmedkamel الموتور الانيرجى صناعة فرنسية والموتور ال1300بتاع الرينبو صناعة تركى

جميع المواتير الرينو كلها فرنساوى 100%
مهما كان التجميع تركى مغربى رومانى

[eslamabad]

مبروك السياره ربنا يعطيك خيرها ويكفيك شرها