الفرق بين لانسر البومة والشارك ؟؟

[tengy]

أرجو من لديه الخبرة يفيدنى
أنا ناوى أشترى لانسر 2012 او 2013 ان شاء الله ومحتار اشترى اوتوماتيك شكل البومة ولا شكل الشارك لأنى لا أعلم الفرق بينهم غير فى الشكل
أرجو الإفادة وشكرا

[tarekbadran]

متابع ..................

[3bdo]

بص يا باشا الشارك اغلى وقطع غيارها اغلى ومش منتشرة زى البومة بس الشارك الاوبشنز اللى فيها اكتر من البوما بس الفتيس اللى فى البومة ستيبترونيك يعنى بيشتغل مانوال و اوتوماتيك الفتيس اللى فى الشارك اوتوماتيك عادى
اللانسر شارك عربية جميلة جدا عيوبها كلاتى
1-عفشة ناشفة حبتين
2-سعر اعادة بيع سىء
3-قطع غيار غالية نسبيا
4- شنطة صغيرة شوية
5- الاكصدام اللى قدام تعبان اوى و من اى حاجة هتلاقيه قشر بس هو شكله حلو
مميزاتها
1- واسعة من ورا
2-موتور قوى
3- ثبات جميل جدا
4- عالية عن الارض
5- شكلها شبابى
مميزات وعيوب البومة
مميزات
1- ماتور قوى
2-عالية عن الارض
3- اقتصادية فى استهلاك البنزين وقطع غيارها متوفرة صينى واتايوانى واسبانى ده غير الاصلى طبعا
4-واسعة من ورا
5-ثباتها جامد
6-سعراعادة بيع ممتاز وممكن تكسب فيها لو جبتها مستعملة
7- خامات محترمة
8- تكيف قوى
عيوب
عفشة ناشفة شوية عشان عفشة سبور بتديك ثبات جامد بس بتبقى ناشفة شوية1-
2-فقيرة الاوبشنز والكماليات مقارنة بالكورى
3- لازم تحافظ عليها بمعنى تصرف عليها كويس و مقابل كده هتصونك وعمرها ماهتخيب املك
الاوبشنز: اللى فى الشارك اكتر
قطع الغيار :ارخص فى ابوما
سعر اعادة بيع لصالح البومة
الشكل الخارجى ده زوقك انت
واى سؤال تانى اسال براحتك

[mesho70]

- موتور الشارك 1500 cc
- البوما 1600 cc

[كومندا]

المشاركة الأصلية كتبت بواسطة mesho70 - موتور الشارك 1500 cc - البوما 1600 cc

وفى شارك حاليا
cc1600