أوبشنز غير موجوده فى التيدا

[elsayed.galal]

[quote=medo76;130582]ثبات العربية وحش جدا ركبتها فين بالضبط في الحلم ولا العلم .
أولا حضرتك العربية رائعة بكافة المقاييس , انا لسه شاري العربية ده حوالي شهر وبجد الحمدلله احمدك يارب عربية رائعة بكافة المقاييس واوبشن اعتقد فيه كل حاجة يعني اللي حضرتك بتقولي علييه رفاهيات زيادة عن اللزوم يعني عدم وجودها مالوش تأثير

الاستاذ ميدو انا قلت رايى الشخصى عن تجربه شخصيه وقلت كمان انى مش بكره الناس فى العربيه وكل واحد له رأيه ولكنى لم اكن احلم واعتقد الرد لا يكون بمثل هذه الطريق ولا هو حكر على احد
انا ركبت العربيه وما زلت اركبها فانا مهندس واعمل فى الخليج وهى معى موديل 2009 ولكن حكمى مش نهائى لسيادتك وراى حضرتك فوق الجميع

[elsayed.galal]

ميدو باشا كمان كاتب بلاش تسمعى كلام الفتايين يعنى هو حضرتك بس اللى بتفهم عموما شكرا على ذوق حضرتك

[medo76]

المشاركة الأصلية كتبت بواسطة elsayed.galal ميدو باشا كمان كاتب بلاش تسمعى كلام الفتايين يعنى هو حضرتك بس اللى بتفهم عموما شكرا على ذوق حضرتك

انا اسف وبعتذر لحضرتك بس بجد حضرتك اول واحد تعيب في العربية انا فضلت اكتر من سنة اعمل مقارنات بين كذا عربية لغاية ما توصلت للتيدا واستخرت وتوكلت على الله واشتريت العربية والحمدلله كانت عند حسن ظني وكمان معظم رأي الاخوة مالكي العربية ده بالذات .

انا للمرة التانية بعتذر لحضرتك وكلامك فوق دماغي بس ممكن تكون العربية اللي انت ركبتها كان فيها حاجة مش مضبوطة

[elsayed.galal]

استاذ ميدو مفيش مشكله لان الهدف من المشاركات ان كل واحد يقول رأيه واللى سأل على الموضوع يستفيد وفى الاخر هو هايقول رايه. انا العربيه اللى ركبتها جديده بس وارد طبعا ان يكون فيها عيب لأان مش انا اللى حسيت بالموضوع ده لوحدى وكل اللى جربها قال نفس الكلام وعموما انا اعتقد ان عربيات الخليج ممكن تكون مختلفه عن مصر وانا بقول كده لأنى ركبت الصنى فى الخليج ولقيتها مختلفه فعلا عن الصنى بتاعتى فى مصر.
وطبعا هى فى الاول والاخر يابانى وانا بحب النيسان بصفه عامه

[medo76]

وانا كمان بصراحة بحب الياباني وبحس انها عربية محترمة بغض النظر عن المشكلة اللي موجودة في تويوتا دالوقتي بس بردو العربية الياباني عربية اعتمادية وممتازة

وانا مع حضرتك المنتدى هنا غرضو النصح والارشاد وكل واحد معاه عربية يحب ينصح غيرو اذا كانت تستاهل يشتريها ويمتلكها أو لأ

في كمان حاجة تانية عايزة اقولها : التيدا بتتصنع في كذا مكان وحضرتك اتأكد ان اللي موجودة في الخليج ياباني على الرغم اني اكيد عارف انها ياباني بس بردو اتأكد من المعلومة ده

اللي موجودة في مصر يابانية 100% ولك تحياتي