اى حد محتاج اى معلومه عن رينو

[engsisi]

الف الف شكر يابوب يا جامد
انا ناوى على الرينو 100% بالتاكيد من خلال قراءتى لجميع مواضيع هذا القسم
لكن بصراحه مازلت محتار جدا بسبب معلوماتى البسيطه عن السيارات بشكل عام
واكرر شكرى مره تانيه على كل هذا المجهود والاهتمام

[engsisi]

محتار بين الرينبو والاوبتما وال9 وال 19 و........................
هنزل سوق السيارات قريبا والى فيه الخير هيكون ان شاء الله

[POP EL GAMED]

المشاركة الأصلية كتبت بواسطة engsisi محتار بين الرينبو والاوبتما وال9 وال 19 و........................ هنزل سوق السيارات قريبا والى فيه الخير هيكون ان شاء الله

باشا انت من حقك تحتار بس لو هتخار بين العربيات دى يبقى الترتيب يكون
19
رينبو
اوبتيما
9
ده الترتيب اللى شايف انه الافضل من حيث البحث 19 احسن من الرينبو والرينبو احسن من الاوبتيما والاوبتيما احسن من ال9
وفى الموقف ده يا باشا اللى بيحكم الحاله قبل اقتناعك بالموديل
وارجو انى اكون قدرت افيدك يا باشا وتنضملنا كعضو جديد فى عصابه الفرنساوى عموما وفى عصابه رينو خصوصا

[engsisi]

الف شكر على اهتمامك فعلا قرأت ردك من ايام وفكرت جيدا وارتحت جدا للرينبو . لكن الى كان مخلينى بفكر فى الاوبتيما انى سعرها ( حوالى 23 الف لل 99 ) متاح حاليا بالنسبه لى لكن بعد تفكير قررت ان انتظر 4 او 5 شهور عشان يكون معى تمن الرينبو ( حوالى 28 او 29 الف لموديل 99 تقريبا ) لكن فعلا الرينبو تستحق الانتظار لانى فعلا اقتنعت بيها جدا ومش هتنازل عنها ان شاء الله
وعايز اخد راى حضرتك فى حاجه بما انى لسه بتعلم القياده ولسه ماليش خبره فى السيارات ان اشترى سياره مؤقتا (بان يكون سعرها اقل من 20 ) ترشحوها لى عشان اتعلم فيها لمدة 4 او 5 شهور ثم ابيعها واشترى الرينبو عشان اقدر احافظ عليها بسى يكون اعادة بيعها سهل ومن غير ما اخسر فيها
اسف جدا على الاطاله وفى انتظار ردودكم
مع جزيل الشكر

[emadfayed22]

أخى الفاضل بوب جزاك الله خيراً على مجهودك الرائع جعله الله فى ميزان حسناتك . أخى الفاضل لى عدة استفسارات بخصوص رينو كليو موديل 2004 :
1 - لما بدوس فرامل مع دبرياج بتضاء علامة صفراء فى التابلوه بجوار مؤشر الحرارة . يا ريت تقولى السبب و إيه علاجه
2 - عندى الكبالم بتطقطق عند الدوران . هل ليها علاج ولا لازم تتغير و يا ترى أسعارها أيه جديد و مستعمل .
3 - معدل سعرها كام دلوقتى
و جزاك الله خيرا