عيوب و مميزات الفيرنا ال 1600cc

[sonata]

انا محتاجة العربية فى الشغل -- فمثلا مسافة كل يوم رايح جاى تقريبا 40كم وفى بعض الأحيان بيستدعى الأمر لسفر للقاهرة لإنى من اسكندرية ولا يمنع ان بيبقى فيه مشاوير فرعية بتطلع من وقت للتانى -- فإيه رايك اتوكل على الله وأجيب الفيرنا وطالما موش فارقة يبقى المانيوال !!!!

قبل كدة قريت ان المهندس محمد بيومى موش عارفين تخلوه ينضم للمنتدى فإيه رايك لو كل اسبوعين مثلا ترحله وتعمل معاه حوار عن اى شىء خاص بالسيارات اللى هو متخصص فى صيانتها او مثلا حلول لمشاكل معينة او نصايح وغيرها وتنقل كلامه بإسمه طبعا على المنتدى وبكدة يبقى جه على المنتدى بشكل غير روتينى ودى شبه اللى بيعمل حوار صحفى مع شخص وينشره على حلقات. ** وشكرا على مجهودك**

[AHMEDCAR]

يبقى كده فعلا الفيرنا انسب حل ليكى

انا امبارح كنت فى توكيل عمارات العبور و قولت اشوف الاى10 علشان اقدر افيد حضرتك بصراحه العربيه ممتازه من جهه التقفيل و شكلها حلو لكن مسا حتها صغيره جدا جدا و الشنطه بتاعتها بالنسبه للفيرنا نفطه فى بحر بجد

لكن مش هاتصدقى لما اقولك انها من الخلف ممكن تكون قاعده مستريحه شويه عن الفيرنا بدرجه بسيطه

بس عموما طبقا للاحتياجاتك انتى كده محتاجه الفيرنا الاى10 حلو لكنها مش هاتنفعك فى مشاوير السفر و خصوصا لو فى شنط و افراد كتير هايركبوا معاكى غير كده موتور الفيرنا جبار بمعنى الكلمه



بخصوص محمد بيومى انا عن نفسى يعتبر يوم و يوم معاه يعنى مش كل يوم و لما بيكون فى مشكله و بكون مش فاهمها بساله فيها و برد بعد كده على صاحبها بلسان محمد بيومى اساسا بيومى ده صديقى و طلع صديق زوج اختى من زمان و كان موقف طريف اوى زوج اختى كان عنده مشكله قولتله تعالى هوديك لمهندس محترم قالى منا عارف واحد كويس برضوا لما روحنا مع بعض انا اتفاجائت انهم يعرفوا بعض بس بصراحه زوج اختى كان صديقه من ايام الطفوله


و يلا بقى عاوزين نباركلك على العربيه الجديده

احيكى على الفكره الجيده

[sonata]

اشكرك على مجهودك حقيقى انا حاسة انى بتقّل عليك لكن استحملنى شوية **عضوة جديدة واستغلالية بقى**
قريبا جدا انشاء الله حشترى العربية وفعلا انا خلاص اقتنعت بشراء الفيرنا رغم ان العربية حيكون حجمها كبير شوية فربنا يستر -- ويمكن دة اللى كان مخلينى فى الاول بفكر فى الحجم الصغير لإن استخدامى ليها شخصى جدا لكن بكل اسف مفيش عربيات صغيرة تستحمل فخلاص الفيرنا دخلت دماغى قوى قوى وربنا ييسّر بشراها**

معلش استحملنى شوية كماااان -- ممكن اسأل ايه الفرق لو انى اشتريت العربية من توكيل خاص بالماركة بس زى مثلا ابو غالى وانى اشتريها من معرض عادى عنده ماركات كتيرة مختلفة ؟؟؟ ياريت دى بقى تستعلم عنها بالتفصيل لإن جنب البيت فى معرض لتوكيل هيونداى يعنى لو كان الشراء فى صالح التوكيل يبقى كويس جداااا

بخصوص فكرة الحوار مع المهندس بيومى فطالما انها كانت بتطبق مسبقا بشكل او بآخر تبقى مووووش فكرة جديدة ولا حاجة -- ولكن فعلا كنت اتمنى ان المهندس محمد بيومى يبقالوا مقالات فى الصيانة مثبتة فى المنتدى.
-- وشكرا --

[AHMEDCAR]

الف مبروك مقدما

و بخصوا الشراء من الوكيل نفسه بيكون افضل من االمعرص طبعا لان الوكيل بيكون ارخص من المعرض بحوالى اقل 2000 جنيه و كمان بيكون العربيه مضمونه ان محدش قربلها غير حضرتك لكن المعرض بيكونوا فاصلين عداد وبيلفوا بالعربيه و لما تشتريها لاقيها لسه العداد زيرو و ده معظم المعارض بيعملوها و طبعا السواقين بيسقوها و بيقولوا هيا عربيه ابويا اللى يشتريها يقى يصلحها علشان كده الوكيل افضل لكن المشكله بتاعته انه بتستنى شهر على ميعاد الاستيلام لكن امعارض بتدفعى و تستلمى على طول
انا عن نفسى استلمت من الوكيل افضل و احسن و انا برجحلك الوكيل

ما فيش تعب ولا حاجه احنا هنا نفيد و نستفيد و مسيى فى يوم هاحتاج حاجه من حضرتك و يبقى كده نا بتفقل على حضرتك لا طبعا و عموما الف شكرا علىالكلام الجميل ده

و بخصوص محمد بيومى اشكرك على جرد التفكير فى شي لمصلحه الاعضاء الف شكرا


احمد ابوزيد

[sonata]

لك تحية على سرعة ردك على اسئلتى الكتيييييرة واللى شكلها موووووش حتخلص -- ولكن ممكن اعرف ليه مشكلة الوكيل (انى انتظر شهر على ميعاد الاستيلام طالما انى بادفع كااااش يبقى ليه التأخير ؟؟؟؟؟؟ )
وايه لازمة الشهر دة -- -- هل ممكن فى الفترة دى يعملوا زى المعارض ويبقوا (فاصلين العداد وبيلفوا بالعربيه و لما تشتريها تلاقيها لسه العداد زيرو ) طالما انها شهر دى فترة مووووش بسيطة انى ادفع وكل يوم اروح ابص على العربية وأقول دى عربيتى وأطمّن عليها من بعيد واللا بالنسبة لى موووش حيكون فى قلق اقدّر انى ركناها فى جراج حنب البيت -- انا مستغربة جدا -- فأرجو من خبير هيونداى الإفادة *** وشكرا على مجهودك***