الغاااااء الدعم على البنزييين والرضوخ لصندوق النقد الدولى

[زينه***]

المشاركة الأصلية كتبت بواسطة AbOnOrA هو كل واحد مش لاقى حاجة يقولها يقول مصلحة البلد هى البلد ديه فى نيكاراجوا ولا البلد ديه انا وانت وباقى الناس ايه بقى مصلحة البلد فى انهى ادفع ضرائب وجمارك ورسوم على كل حاجة فى حياتى وانا مباخدش اى حاجة من الحكومة ولا الفقراء والمحتاجين بياخدو منها حاجة ده التامين الصحى بيجب لناس المرض والموت والمواصلات العامة شرحة والطرق والكبارى كلها مكسره ومن غير ادارة ولا صيانة ادارات ووحدات المرور اللى مرتباتهم بتدفع من جيبك بيعاملوك كمتسول جاى تاخد حسنه وكمان بتدفع رشاوى دخول العربيات فى مصر فى قمة الفوضى وعربيات غير ادمية بتخش بدون اختبار ولا حساب يا راجل دول بيدفعونا جمارك على وسائل الامان الايرباج فى العربيات واحنا فى بلد عدد اللى بيموتو فيها على الطرق اكتر من اللى ماتو فى حروبها كلها كل ده وتقولى مصلحة البلد يا عم احنا البلد وربنا ومصلحتنا هى مصلحة البلد

لا مصلحه البلد ان الغلبان مايلاقيش يأكل ولا يلبس ولا يركب مواصلات والناس تموت بعضها

[زينه***]

المشاركة الأصلية كتبت بواسطة ahmed_zamalek7 نعمل ايه حضرتك انت شكلك بتمون بنزين 80 ومتاكد ان الدعم شغال الموضوع الغاء الدعم ده هيجلى بالخراب على البلد كلها الاسعار هتبقى الضعف وعلى فكره اغلب العربيات ال موجوده كلها قسط والعربيات دلوقتى كماليات !!!!!!!!! خلاص نجيب حصنه ونركبها عشان وسائل المةاصلات كماليات ولا بلاش ليشيلو الدعم عن البرسيم على فكره الكلام ده كله هيتأثر بيه الطبقه المتوسطه والفقيره عشان الغنى مش هتفرق معاه لو التفويله بى 1000 ولا هتاكل معاه ممكن نوحد الدعم على بنزين مثلا 92 ونلغى كل الانواع هو ده احسن حل ولو عايز يشيل الدعم عن البنزين يشيلو بس يرد ليه فلوس الجمارك والتالمينات الخدها منى ولو شال الدعم هيوقف سوق السيارات عموما وده قطاع مشغل ناس كتير ولا يخرب زى السياحه السحرت اكتر من 3 مليون واحد وكمان لو هنفرض موضوع الكوبانت اتعمل تفتكر هيحددو حصه كل سواق تاكس ازاى ولا ميكروباصات الشغاله بين الخطوط اغلبهم موظفين غلابه يعنى بحسبه بسيطه الموظف الشغال فى القاهره وبيرجع الزقازيق كل يوم بيصرف مواصلات من الزقازيق لموقف العاشر 14 جنيه رايح جاى يعنى فى الشهر يعنى عايز بعد خصم اربع جمعات فى الشهر 365 جنيه وده بالدعم وكمان من غير مواصلات داخليه تخيل لو شلت الدعم ايه الهيحصل ممكن السواقين يستهبلو ويقلك البنزين خلص ومونا بالسعر العادى هتبقى الاجره 15 جنيه لو الحكومه مش عارفه تمسك الحراميه يبقى تسيبها احسن مش نقلها برافو وهنقف جمبيكم فى كل الاحوال الغاء الدعم مصيبه هو الحل اننا نمسك العصايا من النص البنزين المتفق عليه فى اغلب العربيات هو 92 يبقى الدعم كله ليه ونلغى الانواع التانيه او نسبها بالسعر العالمى 95-97 لو حضرتك هتقول سولار ولا غاز طب العنده بنزين يعمل ايه يبوظ العربيه عشان يحولها الا بقى لو الحكومه تدخل مواتير ديزل من غير جمارك اروح اشترى موتور بيجو ديزل

موضوع الحصنه دى والله فكره هايله بس انا عايزه حمار لانى مش هاعرف اركب حصان لكى الله يا مصر

[محمد صالح - المحامى]

المشاركة الأصلية كتبت بواسطة زينه*** لا مصلحه البلد ان الغلبان مايلاقيش يأكل ولا يلبس ولا يركب مواصلات والناس تموت بعضها

========================= =====
الحكومات المصرية غيرتة مفهوم فكرة انشاء الحكومة وهو تنظيم حياه الشعب وحمايتة من الاستغلال وحماية الضعفاء
-------------------------------
هدفنا الاول والاخير تسويد حياه الشعب المصرى اكثر فاكتر
وللعلم حتى الان لم يتم اتخاذ قرار بحد اعلى للاجور
خوفا من غضبهم فى حالة اقرار الحد الاعلى للاجور لانهم طبعا مش هيقدروا ياكلوا ريش وبيتزا كل يوم

[زينه***]

المشاركة الأصلية كتبت بواسطة m_ss2 ========================= ===== الحكومات المصرية غيرتة مفهوم فكرة انشاء الحكومة وهو تنظيم حياه الشعب وحمايتة من الاستغلال وحماية الضعفاء ------------------------------- هدفنا الاول والاخير تسويد حياه الشعب المصرى اكثر فاكتر وللعلم حتى الان لم يتم اتخاذ قرار بحد اعلى للاجور خوفا من غضبهم فى حالة اقرار الحد الاعلى للاجور لانهم طبعا مش هيقدروا ياكلوا ريش وبيتزا كل يوم

حسبى الله ونعم الوكيل يعنى مش قادر على الغنى بيتشطر على الغلبان

[mesho70]

- معلش انا مختلف معكم وشايف ان ارتفاع سعر البنزين لة عدة فوائد
1 - الزحمة هتخف
2 - الى بيفكر يشترى عربية هيتردد وممكن يصرف نظر وبرضو الزحمة هتخف
3 - انا مثلا ً العيال عندى مش هيطلبوا منى اروح مول العرب علشان يشوفوا النافورة الراقصة وبعدين نروح سيتى ستار علشان يركبوا السلالم الكهربا وشوف ان انت المسافة بين 6 اكتوبر ومدينة نصر وبرضوا الزحمة اللى احنا هنعملها هتخف