كيا ريو 2013 ..مش هتلاقى تقرير اجمد من كدة!!!

[duby]

مساء الخير عليكوا ...حبيت اعمل التقرير ده علشان كل اللى محتار فى الريو يلاقى اجاباته هنا ..انا اشتريت ريو 2013 سودا هاى لاين وكيل لان بصراحة قلبى مجبنيش اجيب الخليجى و اضحى بخمس سنين ضمان من كيا ..و كمان ببساطة لاننا مش فى الخليج ..ناس هاتقولك دى تقفيل احسن او ثبات اعلى ..اللى انا شايفه ان جنط 17 الموجود فى الخليجي مش مناسب تماما لطرق مصر المكسرة..و كمان لو جبت العربية و طلع فيها حاجة مين يعملهالك..فكك بقى يقولوا شركات بتبيع ضمان و الكلام ده..عمره ما هيكون زى ضمان الوكيل....فى البدايه احب اقول ان العربية دى يمكن احسن عربية فى فئتها السعرية ..متحاولش تقارن بينها و بين نيسان لانك كدة هاتظلم نيسان لان العربية دى احسن بكتير و خصوصا بعد مشاكل ثبات نيسان على الطريق اللى المستهلكين اشتكوا منه بسبب طولها المبالغ فيه و ارتفاعها عن الارض حوالى 15 س:140109~347:م ..العربية واسعة الى حد معقول جدا من الداخل و ثباتها عالى على الطريق لحد 150 كم/س و دى كانت اقصى حاجة انا قدرت اجيبها لان الطريق ما ساعدش..نظام الصوت تحفة مش عارف يمكن علشان عربيتى هاى لاين ولا ده العادى بتاع ريو صوت الموتور يكاد يكون منعدم الا فى حالات الشد بتلاقى وحش فى الكبوت مع استهلاك بنزين عالى اثناء عملية الشد..تجميع العربية معقول جدا بالنسبة ل 1400 مع غلق نظام الايكو اللى معجبنيش لانه خانق العربية جوا المدينة و ان كان هايبقا فعال جدا مع السفر على طريق طويل زى طريق شرم مثلا...دريكسيون العربية ناعم بشكل مبالغ فيه اثناء القيادة داخل المدينة وان كان بتقل اثناء السرعات بشكل اتوماتيكى..ده مبدئيا و اسيبكوا تتفرجوا على العربية و بعدين نكمل..

[amrtoti]

مبروك يا باشا ربنا يديلك خيرها ويكفيك شرها

[hal71]

ألف مبروك ومنتظرين تقارير الصيانات و شكراً

[duby]

الله يبارك فيكوا يا جماعة ..بصراحة كان نفسى انزل صور بس مش عارف الموقع ماله مش راضى يرفع صور ليه

[Komy]

كلام مظبوط جدا وعربية بسم الله ماشاء الله جميلة جدا عن تجربة