سيات كوردبا 94

[falcon_nile]

السلام عليكم انا جديد فى المنتدى وبفكر اجيب عربيه قريب ان شاء الله وكنت بفكر فى السيات كوردبا بس مش لاقيها منتشره خالص عكس الابيزا هل قطع غيارها مختلفه او نادره ولا كل قطع غيارها موجوده واسعارها ايه

[tareksakr]

الكوردوبا هي الابيزا مع فرق الشنطة الخلفية وقطع غيارها زيها زي الابيزا

[falcon_nile]

اولا بشكر حضرتك على ردك واهتمامك ثانيا هى الكوردبا عامله كام فى السوق دلوقتى علشان ميضحكش عليا وانا عرفت ان قطع الغيار بتتباع فى شارع دمشق بمصر الجديده وكنت حابب اسال مفيش محلات تانيه فى الجيزه او مكان قريب من الهرم

[tareksakr]

متوسط سعر الكوردوبا موديلات 94 من 28000 ل 32000 جنيه ومحلات قطع الغيار كتير عندك فتح الباب شارع السودان تحت كوبري احمد عرابي وعندك جولف هاوس شارع مراد الجيزة وعندك في التوفيقية شارع زكي اكتر من واحد

[ahmed_x545]

السلام عليكم جميعا .. انا معايا كوردوبا 96 العربيه ماشاء الله عليها و بقالها معايا 5 سنين .. احسن من الابيزا كمان هيه 1400 سى سى وشنطتها كبيرة و قطع غيارها هييه هيه بتاعه الابيزا . وسعرها على حسب حالتها و موديلها .. من اول 28 لحد 35 الف وانصحك تتكل على الله وتجيبها
هتتمتع بيها بس اهم حاجه حالتها تكون حلوة .. بس اهم نصيحه منى اذا ربنا كرمك واشتريتها .. بلالالالالالالالالالالالا لالالالاش تجيب قطع غيار جديدة فى معظم العربيه . حاول تجيب استيراد نضيف لانه احسن مليون مرة من الجديد حتى لو اغلى ..
ربنا يكرمك بعربيه نضيفه ويكفيك شرها واى استفسار عنها انا تحت امرك