رعشة ورجة فى السيارة لانسر بومة 2007 أوتو

[mego moga]

لا مش بتغيب يا استاذ احمد

وع فكرة انا روحت لميكانيكى شاطر جدا وطلع جرب العربية وقرص عليها اوى اتعدلت بس الار بى ام اترفع وبقى 1100 ولما بدوس بنزين بيعلى ل 1300 المهم روحتلة وهدى السلانسية من المسمار الى ف البوابة وخلى السلانسية ف الار بى ام ع 900 بس لما بدى غيار D بينزل اوى المهم قالى حساس الايدل هو الى عامل المشاكل دى كلها وعلى السلانسية تانى من مسمار الهواء ظبط العربية الى حد ما بس الار بى ام ف N و P بيبقى ع 1000 وف D بيوصل 950 ولما بفضل دايس فرامل بينزل لحد 900 فهو قالى انا قايلك قبل كدة حساس الايدل محتاج يتغير وفعلا انا اول واحد روحتلة وقالى حساس الايدل ضعيف وهو الى عامل المشاكل دى كلها

اول لما روحتلة قالى ان انا مشى بالعربية جوا البلد داخلى وقالى لازم تقرص ع العربية شوية عشان تفوقها وفعلا لما قرصت فاقت بس الار بى ام على بقى 1100 وزى ماقولت لحضرتك كدة

[ahmed_eng2001]

لو العربية كانت بتغيب فى الدوارة .... نبص على حساس الكامة .. الكرنك .. الموبينة .. البوجيهات
ظبط البوبة من المسمار ده حل مؤقت لغاية لما تعرف العيب من فين
على العموم احنا بنجرب كل الحاجات لغاية لما المشكلة تتحل ان شاء الله
لو عاوز تغير الايدل و البوابة ... ممكن تغيرهم .. بس لو المشكلة استمرت حاول ترجعهم
جربت تشغل التكييف و العربية سلانسيه ؟؟!!

[mego moga]

اة الار بى ام بيعلى 1100 لمدة بتاع 4 ثوانى كدة وينزل تانى لحد 1000 او 950

وع فكرة العربية شوية تتظبط وشوية تبرجل انا تعبت معاها الصراحة وانا واثق ان العيب ف حساس الايدل

انا قولت هجيبة الحساس بالبوابة ومعاة حساس ال tps وممكن اشترى حساب الماب جديد او استيراد ع حسب اما اشوف واجرب الدنيا واشوف فيها اية

[ahmed_eng2001]

ربنا يعينك .... معلش ... فيه حاجات بتكون عاوزة صبر شوية

اخبار تشغيل التكييف ايه ؟؟؟؟؟ لما بتشغل التكييف على السلانسيه ... العربية بتبرجل ( RPM بينزل ) ؟ و لا بيعلى ؟

الطبيعى ان العداد يعلى شوية و بعدين ينزل تانى .... بس مش من الطبيعى ان العربية تبرجل

لو اتكلت على الله و ناوى تشترى ..... هات بوابة و حساس بس ..... و جربهم .. لو الدنيا اتظبطت متشتريش حاجة تانى
سؤال للمعلومات العامة ؟
انت نضفت حساس الايدل ازاى ؟

[mego moga]

بص يا أستاذ احمد ف الاول خالص لما كانت العربية مية مية وزيرو مفهاش الهوا
كان الايدل بيبقى على وضع D الار بى ام بيبقى 950 فالعربية كانت الطالعة بتاعتها كويسة جدا ودة الى كنت متعود علية ولما كنت بنقل لل P و N كان الار بى ام بينزل لمدة ثانيتين كدة ويطلع ع 900 وكان السلانسية مظبوط مية ف المية مفيش اى رجة دة كان الطبيعى ف حساس الايدل لما مكنتش بشتكى منة نهائى

أبتدت المشكلة بأن السلانسية ميبقاش مظبوط والمهم انا كنت وقتها سمعت انك لما تشيل كابل البطارية وتحطة تانية العربية تتظبط وعملت كدة وشلت الكابل بتاع البطارية يجى عشرة مرات لحد لما لقيت العربية فجأة برجلت منى جامد وكان الار بى ام بيوطى اوى روحت للميكانيكى ظبطلى السلانسية من مسمار الهوا وبردة السلانسية مكنش مظبوط لحد لما فكة ورش اسبراى ومن سعتها الحساس زى مانت شايف كدة

فهل تفتكر كل دة من الايدل ولاة حساس تانى ؟؟