لوجان ولا افيو ولا اكسنت

[samiaibr]

بص أنا أستلمت عربيتى اللوجان إمبارح هى كماليات أحلى من الأفيو كمان هى عربية بناتى زى الأفيو و الجيتس يعنى الفرامل و البنزين و الدبرياج جنب بعض قوى تبقى رخمة على واحد مقاس رجلية 50 أنة يتنقل بينهم و كل واحد يتعود بس هى بتوضح البنزين و الحرارة ديجيتل يعنى لسة جديدة و أنضف من الللانوس بس وكماليات عجبانى بس بردة أسمع ان الأفيو هى لانوس أتغير شكلها و عوامل الأمان في اللوجان أعلى علشان ألأير باج بس هو اللى مضايقنى فى اللوجان و قالو ان دى فى ال بى أم دبليو ان بعد ماتدخل العربية و تنزل السنتر لوك أنك ممكن تفتح الأبواب الأمامية من جوة بس ماجربتش من برة بتفتح ام لا لكن التحكم الداخلى للأبواب الخلفية فقط ز فى حاجة كمان أنا ظهرت ليا علامة ان فية باب مفتوح و أقعدت أقفل الأبواب بقوة لدرجة بدأت أخاف أنها تكسر طلع ان الشنطة اللسان الموجود فى العربية مش باب الشنطةلازم تجيبو أدام بأيدك ساعتها الشنطة هتقفل عل طول و العلامة تختفى

[POP EL GAMED]

المشاركة الأصلية كتبت بواسطة samiaibr بص أنا أستلمت عربيتى اللوجان إمبارح هى كماليات أحلى من الأفيو كمان هى عربية بناتى زى الأفيو و الجيتس يعنى الفرامل و البنزين و الدبرياج جنب بعض قوى تبقى رخمة على واحد مقاس رجلية 50 أنة يتنقل بينهم و كل واحد يتعود بس هى بتوضح البنزين و الحرارة ديجيتل يعنى لسة جديدة و أنضف من الللانوس بس وكماليات عجبانى بس بردة أسمع ان الأفيو هى لانوس أتغير شكلها و عوامل الأمان في اللوجان أعلى علشان ألأير باج بس هو اللى مضايقنى فى اللوجان و قالو ان دى فى ال بى أم دبليو ان بعد ماتدخل العربية و تنزل السنتر لوك أنك ممكن تفتح الأبواب الأمامية من جوة بس ماجربتش من برة بتفتح ام لا لكن التحكم الداخلى للأبواب الخلفية فقط ز فى حاجة كمان أنا ظهرت ليا علامة ان فية باب مفتوح و أقعدت أقفل الأبواب بقوة لدرجة بدأت أخاف أنها تكسر طلع ان الشنطة اللسان الموجود فى العربية مش باب الشنطةلازم تجيبو أدام بأيدك ساعتها الشنطة هتقفل عل طول و العلامة تختفى

الف مبروك اللوجان وعلى فكره نظام فتح الابواب الاماميه اعتقد انه نظام عام فى رينو موجود (عن تجربه 9-19-كليو1-رينبو-كليو2-ميجان 1-ومجربتش الموضوع ده فى ميجان 2)
يعنى موجود فى عربيات كتير مش عيب ولا حاجه زى الكلاكس اللى فى دراع النور هى عاده فرنسيه مش عيب برضه
وموضوع الشنطه ده اعتقد انه مش طبيعى والمفروض التوكيل يشوفها فى صيانه الالف
والف مبروك مره تانيه على اللوجان

[ringoo]

اولا مبروك على العربية
لو قافل مفتاح اللوك للابواب العربية كلها تتقفل وما تتفتحش من برة
الابواب الخلفية ما تفتحش ولا من برة ولا من جوة .. الابواب الامامية هى فقط اللى تفتح من جوة
قفل الشنطة عندك فيه حاجة مش مظبوطة وتتعمل فى اول صيانة فى التوكيل بسهولة شديدة

[zkralla]

المشاركة الأصلية كتبت بواسطة midotefa انا بجد خلاص قربت اجنن مش عارف اجيب انهي عربيه كل ما اقول لحد على عربيه يقولي دي فيها و فيها وكده اللوجان مثلا عشان 8 صباب بس و بصراحه معرفش الافيو والاكسنت ايه نظا مهم في الحكايه دي الافيو كل شويه واحد يقولي على عيب فيها وكذلك الاكسنت فبجد يا جماعه عايز مساعدتكم وشكرا

بالاضافة لكلام بوب حبيت انقل لحضرتك الموضوع ده لانك واضح أن موضوع السحب بيهمك

الاستاذ / بشوى كاتب الموضوع قريص قديم شوف تجربته وهو مصور العداد وعامل 185 كيلو متر فى الساعة
"ده كده متوسط السرعة كان 166 ده على التريب كمبيوتر و الواقعى كان بين 150 إلى 185 طول الطريق بملفاتة بكل حاجة فيه "



ـــــــــــــــــــــــــ ــــــــــــــــــــــــ منقول ـــــــــــــــــــــــــ ـــــــــــــــــــــ


الشبورة يوم 7 - 1 صباحا

وسفرر 1150 كيلووو

نزلت من بيتنا على 5 كده وابتديت امسك الأوتوستراد مكنش فيه حاجة باينة قوى او يمكن عشان انا حافظ الطريق فعادى مسكت الدائرى


خير كده الدنيا ابتدت تبيض وانا مش فاهم قوى فيه إيه لأنهم كانوا بيقولوا يوم 5 و 6 بس الشبورة

[IMG]http://www.**********.net/Nile/images/statusicon/wol_error.gif[/IMG]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1280x960 الابعاد 161KB.

[IMG]http://www.**********.net/Nile/images/statusicon/wol_error.gif[/IMG]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1280x960 الابعاد 177KB.

المهم وصلت نزلة اسكندرية وعينك متشوف إلا النور فجأة كده لقيتنى مش شايف الكبوت ولا الحارة اللى ماشى فيها ولا اى حاجة فى اى حاجة بمعنى الكلمة ولا عارف وصلت فين ولا فيه إيه يمينى ولا شمالى و الحالة كانت زى الفل





تريلة او نص نقل كانت بتغرز ده اللى اخدت بالى منة المهم انا ماشى وفعلا اول مرة فى حياتى مبقاش عارف انا فى انهى حتة ولا فاضل ادد إيه على البوابات ولا فى إيه





فجأه بعد ربع ساعة كده لقيت انوار عربيات كتير قوى راكنة
عارفين عارفين انتوا الشارع 3 ولا اربع حارات مبقاش غير حارة واحدة وقول تيرلات و نقل وملاكى وكلة راكن صفين 3 يمين و صفين 3 شمال ومفيش غير حارة واحدة اللى ماشية


المهم انا مش عارف بالظبط انا كنت فين بس اللى فاكرة انى كنت عمال ادور على الفتحة بتاعت بنزينة امارات مصر لأن علامة البنزينة مكنتش ظاهرة دخلت البنزينة وانا مزهول أصلا ركنت عشان افول العربية وطبعا اللى عايز يعرف ويتخيل الشبورة كانت عاملة إزاى بكل بساطة انتة مش شايف الراجل اللى واقف برة فبتفتح الباب عشان تنزل تديلة الفلوس ههههههههه وتتكلم معاه


طبعا بسألة هوة فى إيه لقيتة بيقولى ولا حاجة حضرتك تركن زى كل العربيات ديه بايتة معانا من امبارح قلت له منا ممكن امشى براحة قالى مش هتمشى اصلا لأنهم قافلين الكارتة هههههههههه قلت اليوم باين من اولة المهم خلصت وفولت العربية وركنت على امل انها تمشى على 7 إلا ربع زى مالناس كانت متوقعة جت 7 إلا ربع خفت شوية ابتديت تشوف الكبوت كده بقى فيه تطور يعنى وفتحوا الكارتة وابتدينا نمشى لسة طالع من البنزينة خير كده ورايا ترلة ده اللى عرفة وجنبى مش شايف فى إيه سمعت صوت دربكة كده وخبطة وانا بصراحة مش شايف حاجة يعنى ولا عارف مين اللى خبطنى ولا إيه اللى حصل ولا اتخبطت من انهى ناحية حتة شوية ولقيت عربية رتموا جنبى والراجل بيرفعلى إيده قلت عليه العوض وركنت بالعرض قدامة ونزلت اشوف فى إيه لقيت دهان عربيتة عندى فى جنب الإكصدام اللى ورا يمين مسحتة عال سريع ولقيت خربوش وشوية تجاريح بسيطة قوى لا تذكر قلت الحمد لله وببص لقيت الترلة بيحود وعايز يطلع ( لو كان كمل فى اللى بيعملة كان زمانى بقول باى باى يا لوجى هتوحشينى ) نطيت جوة العربية وكانت ابتدت تمشى يمكن فى ثانية او ثانيتين معرفش انا عملت كده إزاى بس المهم عدت وطالعين طبعا البوليس قالب الدنيا وعربيات جاية من شمال ليمين و كله كان عك فى عك


وصلت للكارتة بسلام وكانت 7 إلا عشرة ( انا كنت ناوى ارجع فبقلة هوة الشبورة ديه بتفضل كده قالى لأ هتخف قولتلة وبليل

قالى لأ مستحيل تيجى فى يوم مرتين قلت طيب الواحد اطمن انة لو راح سليم هيرجع من غير شبورة ههههههههههههههههه ) وطلعت الجو بقى غريب كده


تلاقى زى مطرة خفيفة متفهمش إيه اللى بيحصل

و الدنيا كلها بقيت طينة كده و الأرض من المطرة اسودت والإزاز طبعا المساحات شغالة على طول وابتدينا الطريق طبعا انا كنت مخنوق جدا لأنى كنت قاعد ساعة ولا ساعة ونص فى البنزينة ماشى مع العربيات والغريب كنا كلنا بنجرى مع اننا مش شايفين اكتر من العربيات اللى بتجرى قدامنا بس بصراحة انا كنت طاير زيهم واكتر بصراحة انا مكنتش عارف امشى يمين وهادى ولا اجرى ففكرت وقررت انى اجرى لأنى كنت مرعوب من حاجة اسمها تريلة تيجى تشيلنى بصراحة وانا لسة مجرب عربية ريتمو هههههه





عدينا الطريق بوصلاتة وتحويلاتة وشوية الشبورة متشوفش الكبوت وشوية تلاقى الدنيا احلى وشايف قدامك شوية كانت غريبة وانا مش فاهم ليه المهم وصلت داخلة العالمين وكانت على الساعة 7 ونص ... 8 إلا ربع متوسط السرعة كان حوالى 130 فى الحدود ديه فى الوصلة الأولى بتاعت مصر اسكندرية على مدخل العالمين لقيت لجنة طبعا وكالعادة عشان تشوف الأمين لازم تفتح الباب مش هينفع تشوفة وانتة قاعد جوة هههههههههه




رخصك ادتهالة مبصش فيها اصلا ولا خادها مش فاهم هوة كان عايز إيه


بقلة هيا الشبورة ديه مش المفروض كانت مشيت من ساعة زى مقالوا ؟؟؟ هوة فيه إيه لقيتة بصلى بنظرت حزن كده وقالى معلش وانشاء الله هتخف فى الطريق وعلى مهلك والكمتين دول سألتة نفس السؤال قلتلة طيب انا راجع بليل ؟؟؟ هتكون موجودة قالى لأ قلتلة طيب الحمد لله وخدت بعضى ومشيت



الغريب فى الموضوع انى مشيت حوالى 5 او 6 كيلو ملقتش ولا عربية والطريق كان مغرى جدا بصراحة ممسكتش نفسى و الوصلة ال 137 كيلو ديه خلصت فى حوالى 45 إلى 50 دقيقة وطبعا الشبورة كانت كل مادا بتقل عن اللى قبلية فى ال 137 كيلو مقبلتش اكتر من 9 عربيات انا عمرى فى حياتى مشوفت الطريق ده كده متوسط السرعة كان 166 ده على التريب كمبيوتر و الواقعى كان بين 150 إلى 185 طول الطريق بملفاتة بكل حاجة فيه






بمجرد مالطريق خلص كانت الشبورة ابتدت تخلص والكلام ده على الساعة 9 إلا ربع الصبح

مسكت بقى اخر واصلة وكانت 186 كيلو لمطروح وكالعادة مشيت 7 او 8 كيلو وملقتش ولا عربية فى الطريق والطريق كان بردة نضيف قوى قلت الرادار هيبتدوا على الساعة 10 الصبح لو كملت الوصلة ديه زى الوصلة اللى فاتت على 170 ... 180 يبقى قبل ميبتدوا اكون وصلت مطروح وماشى 170 180 185 ... حوالى 60 كيلو كده


وكان فاضل 125 كيلو ولمحت عربية واقفة بعد حوالى كيلو عند نقطة تفتيش كنت 185 باظبط ومنزل ابتديت ادوس فرامل وعادى خالص وصلت لقيت اللاسلكى شغال قلت شكرا



رخصك ... اتفضل ... رادار ... اتصورت على كام ... 155 ... وخد الرخص وكتب عليها 155 ( على الرخصة نفسها ) معرفش ليه


عملت تصالح فورى والظابط كان دمة خفيف بصراحة قوى بيقلى خلى الوصل معاك بقى عشان لما تبيعها ابقى قول للى هيشتريها انك جبت بيها 155
قلتلة لأ متقلقش انا مصور العداد على 185 وسيبتة ومشيت


نبتدى بقى الملل


ماشى على 99 بعد مكنت 180 لمدة 200 كيلو مثلا ... والخطوط البيضة اللى فى الطريق باينة وحاجة تخنق الطريق مفيهوش ولا عربية وزى الفل وانتة مش عارف تزود ...


مشيت حوالى 80 كيلو ومقدرتش اكمل على كده بصراحة وكان فيه فيرنا جرينا انا وهوة 170 ... 180 ..


بالملفات وكانوا 3 فى الفيرنا وانا لوحدة بس الملاحظة انة كان بيهدى فى الملافات وانا لأ ...


ومكنش بردة عارف يزود عن 175 مش عارف ليه عشان انا كنت بطلع منة وببعد وانا على 185 وهوة مش عارف يكمل مع انى عارف ان الفيرنا بتكسر ال 200 عادى


الحمد لله مكنش فيه رادارات تانى و المهم جيت وانا راجع ماشى هادى بقى ومشغل فيروز و 120 130 و خلصت ال 185 كيلو ومسكت طريق العالمين خير بقى يا جماعة تتوقعوا إيه !!!!


الكلام ده كان على الساعة 9 مثلا يعنى عادى خالص


بدفع الفلوس بتاعت الكارتة وبقولة هيا الدنيا مالها فى إيه قالى ديه الشبورة ابتدت تنزل هوة قال كده وانا بقيت مجنون لأن مش هينفع الشبورة تنزل زى بليل امبارح واركن فى طريق العالمين ابيت واستنى للصبح طبعا لو كملت هادى


المهم انا مشيت زى الصبح ويمكن اسرع كانت ابتدت تنزل وصلت بوابات مصر اسكندرية على على الساعة 10 ونص وابتدت الدنيا تبيض تانى هههههههههههههههههههههه وكويس بعد مشوفت الناس اللى مصورة الصور بتاعت يوم 8 الصبح الساعة 1 انى ممشتش هادى وإلا كان زمانى لسة راجع بيتنا من شوية


نيجى بقى للمهم تقيم استهلاك بنزين العربية

لو ماشى على 90 ... 100 متوسط استهلاك البنزين هيكون من 5.2 ل 6 لتر لكل 100 كيلو

لو ماشى 120 إلى 130 هيكون حوالى من 6.8 ل 7.2 لتر لكل 100 كيلو

لو ماشى 130 140 هيكون من 7.5 ل 8.5 لتر لكل 100 كيلو

لو 150 .. 160 ... هيكون من 10 إلى 12 لتر لكل 100 كيلو

لو 160 إلى 185 وده اللى خلصلى التنك هيكون بالظبط من 12.5 إلى 15 لتر لكل 100 كيلو


ثبات العربية ...

مش محتاج حد يتكلم على النقطة ديه بس هسيبكوا تتخيلو 137 كيلو بملفتهم بكل حاجة على بمتوسط سرعة 166


الثبات ممتاز بصراحة بس لو الدنيا هوه شديد معتقدش انه هيكون كده خالص نظرا لإرتفاع العربية عن الأرض وده اللى لاحظتوا فى كذا مرة قبل كده لكن لو الدنيا طبيعية ملهاش حل


نصيحة محدش يفكر فى يوم من الأيام انة يسافر لو فيه شبورة لأن ده بجد انتحاااااااااااااااار


ملاحظات عامة فى العربية

الفرامل ضعفت عن الأول بكتير معرفش ليه الدواسة بتنزل كتير

صوت الموتور وده كان من زمان بس بقى واضح دلوقتى ياريت الناس تشوف ده طبيعى ولا لأ وتقلى

لو ماشى 80 مثلا على الخامس وزودت سنة بنزين بسيطة قوى تسمع صوت زى حاجة بتشخلل كده فى الموتور !!! مش عارف ده إيه بالظبط بس انا واخد بالى منه من بعد ال 5000 كيلو



هنزل اشوف الزيت نقص ولا لأ لأن ده كان من الأسباب اللى خلتنى اجرى بالعربية عشان مستوى الزيت مش واصل لل ماكسيمم فلو قل عن كده دلوقتى يبقى فيه مشكلة فى الموتور

[samiaibr]

بص يا سيدى انا فتحت الكبوت تانى و جربت أقفلة بالطريقة اللى قلتها ليك بس مش نفعت المرة دى و مرة واحدة علامة الأبواب المفتوحة قفلت و بعدين لما أفتح الباب اللى جنب السائق تفتح تانى قفلت العربية نور السقف مفتوح يعنى فى باب مفتوح (لما أستلمتها اللى سلمنى العربية قال بنطفى النور علشان هنقفل العربية و انا مش أخدت بالى ) المهم واحد بن حلال قفل العربية لقيته مسك باب الشنطة و حركة يمين و قال الباب أعوج من كتر التهبيد فى العربية دى عربية فيبر و خبطة يمين و خبطة شمال العربية تروح أنا قررت مفتحش الشنطة إلا يوم صيانة الألف كيلو لأن دى تانى طريقة علشان قفل الباب و انا مش قوية و مش طويلة علشان أمسك الشنطة بايدى الأتنين كأنى شيلة الباب و احركة يمين أو شمال