الى الاستاذ بوب الجامد

[ahmed_el_gende]

بصراحة انا احب اشكرك على انك رديت عليا لما سألت حضرتك بخصوص الرينبو وكنت عايز اخذ رأى حضرتك فى حاجة كدة فى معرض فى مدينة نصر بيبيع مستعمل وكنت بسأله على رينبو قالى لا عنده كليو فهل الكليو افضل او حتى فى نفس الفئة وهل لها عيوب فادحة وايه رأى حضرتك فى الشراء من المعرض هل هو اضمن من الشراء من الاشخاص تفاديا لما حدث للدكتور احمد ام لا يختلف
اسف على الاطالة

[POP EL GAMED]

المشاركة الأصلية كتبت بواسطة ahmed_el_gende بصراحة انا احب اشكرك على انك رديت عليا لما سألت حضرتك بخصوص الرينبو وكنت عايز اخذ رأى حضرتك فى حاجة كدة فى معرض فى مدينة نصر بيبيع مستعمل وكنت بسأله على رينبو قالى لا عنده كليو فهل الكليو افضل او حتى فى نفس الفئة وهل لها عيوب فادحة وايه رأى حضرتك فى الشراء من المعرض هل هو اضمن من الشراء من الاشخاص تفاديا لما حدث للدكتور احمد ام لا يختلف اسف على الاطالة

بعتذر لحضرتك عن التأخير فى الرد موضوع الكليو الرينبو حضرتك اللى تحدد مش انا
بس كمقارنه سريعه كده
الوسع رينبو
العلو الاتنين زى بعض
الثبات الرينبو بفارق ضئيل
الموتور الكليو احدث وبتخرج احصنه اكتر
السهوله فى الصيانه الرينبو
قطع الغيار الارخص الرينبو
الموديل اكيد الكليو احدث الا لو كانت الكليو الهاتش باك يبقى المقارنه دى كلها هتختلف وهتبقى فى صالح الرينبو
وموضوع المعرض مش كل المعارض بتبقى العربيات بتاعتها وانا تجاربى مع المعارض كانت سيئه فكله محصل بعضه سورى يعنى مع احترامى الشديد لاى تاجر او معرض انما ممكن برضه تلاقى معرض ويكون العن من اشخاص او تلاقى معرض ويكون احسن فى التعامل انت دور على العربيه والمكان اللى تلاقى فيه ربنا يكرم وتكشف وتظبط وتاخد كل احتياطاتك وربنا يسهل ولو وقعت قدامك حاجه وحبيت انى انزل معاك نشوفها مفيش مشاكل يا باشا وربنا يوفقك للى فيه الخير بأذن الله

[ahmed_el_gende]

الله يكرمك يا استاذ بوب فعلا المسلم اخ المسلم اشكرك على كرم اخلاق حضرتك وجزاك الله عنى كل خير

[POP EL GAMED]

المشاركة الأصلية كتبت بواسطة ahmed_el_gende الله يكرمك يا استاذ بوب فعلا المسلم اخ المسلم اشكرك على كرم اخلاق حضرتك وجزاك الله عنى كل خير

الله يكرمك ويوفقك للخير بأذن الله تلاقى عربيه تعجبك