|
القيادة فن و ذوق كل ما يتعلق بفن قيادة السيارات |
|
أدوات الموضوع |
#1
|
||||
|
||||
سؤال لأهل الخبرة ماهى عيوب السيارة 128
بسم الله الرحمن الرحيم السلام عليكم ورحمة الله وبركاته ,,,,,,,,,,,,,,,,,,,,,,,,, ,,,,,,,,,,,,,,,,,, اخوانى الافضل اعضاء المنتدى انا عايزة اعرف ماهى عيوب السيارة 128 لانى سمعت ان لها عيوب كثيرة هل هى مناسبة للتعليم وليه دايما عند الميكانيكى صحيح قطع غيارها رخيصة زى ماسمعت لكن هى صديقة الميكانيكى لكثرة ذهابها اليه فلماذا ...؟؟؟ هل قطع غيارها لا تعيش ام هو عيب فى العفشة وخصائص السيارة ؟ ؟؟ ؟ جزى الله خيرا كل من افادنى بخبرته ~~~~~~~ |
#2
|
||||
|
||||
رد: سؤال لأهل الخبرة ماهى عيوب السيارة 128
بص يا باشا العربية ال128 ارخص قطع غيار تلاقيها فيها زى ما بيقولو بتتباع عند البقال
ومشاكلها مش كتير ولا حاجة هى عايزة بس مسايسة يعنى مينفعش تعمل بها اللى بيتعمل بعربية سعة ماتورها اكبر او موديلها احدث زى مانا كنت بعمل واروح عايز اشد مع فرنا مثلا ( جنان طبعا )المهم كمان متسكتش على اى حاجة تظهر فيها علشان بتفتح حاجات تانية والمهم جدا ان الصيانات الدورية اوعى تنساها لان هى دى اللى بتتعبها يعىن كل 3 شهور طقم كهربا ابلتين وكوندينسر وبوجيهات كل داخلة صيف او شتا ظبط تاكيهات كل 4 شهور تظبيط وتنضيف كاربيراتير كل شهر تقريبا تربيط عفشة ظبط زوايا ومتنساش كل 6 شهور تغير سير كاتينة وسير دينمو دى الاساسيات اللى من ساعة ما مشيت عليها وانا مرتاح ناهيك بقى ان الصنايعية بتختلف بمعنى ان فى الاول كنت بتعامل مع ميكانيكى وكهربائي كل يوم والتانى العربية عندهم والاعطال كل شوية بعدها مع الوقت ومع سؤال الاهل والجيران والاصحاب وصلت لاتنين تانين غيرهم بتاعمل معاهم بقالى اكتر من سنتين وتقريبا الميكانيكى مش بيشوف العربية غير زى ما بقولك فى الصيانة الدورية والكهربائي نفس الكلام او علشان اغير لمبات ولا حاجة تظبيط عادية لانهم فعلا صنايعية نضاف ومحترمين وبيظبطوا شغلهم كويس ومن اهم مميزات العربية دى اها بتاعت تعليم بمعنى انك لما تجيبها فى اول تعليمك السواقة هتتعلم عليها السواقة وهتعرفك الميكانيكا وهتعرفك سكة الكهربائي والعفشجى والميكانيكى وحاجات كتير وهتخلى عندك خبرة كبيرة هتنفعك لما تغيرها انشاء الله |
#3
|
|||
|
|||
رد: سؤال لأهل الخبرة ماهى عيوب السيارة 128
~~~ربنا المستعان
جاتلك اجابة وافيه الله يبارك فى اللى كتبها امين
__________________
محمد لخدمات الليموزين 01280903325 |
#4
|
|||
|
|||
رد: سؤال لأهل الخبرة ماهى عيوب السيارة 128
انا من واقع خبرتي اقولك العربيه دى بتبات عند الميكانيكى اكتر ما بتركبها ناهيك عن انها مفيهاش اى وسيله ترفيه
|
#5
|
|||
|
|||
رد: سؤال لأهل الخبرة ماهى عيوب السيارة 128
لو هتشتري عربية نضيفة هتريحك
أنا كان معايا مو 90 فبريكا كنت بروح للميكانبكي مرة كل 5 شهور مثلا غلي قكرة سير الكاتبنة بيتغير كل 30 ألف كم أشتري حاجة بيتي غالية مش هتتعبك |
|
|