اهتزاز السيارة

[jeeran]

السلام عليكم ورحمة الله وبركاته
مشكلتى ان العربية بتتهز بعد 80 كيلو ، عملتها ترصيص ، صحيح الهزة اختفت شوية لكنها لسة موجودة ومتضايقني قوي ، ,وخايف يحصل حاجة لا قدر الله علي الطريق يا تري ايه تاني يكون سبب المشكلة
علما باني غيرت فردة كاوتش امامي .
ارجو الافادة للاهمية .

[Losha.Net]

هو لازم تعمل الثلاثة ورى بعض ومتاتلين
ترصيص & تربيط عفشة صح & ظبط زواية

[AbOnOrA]

انا مرتين قبل كده اعمل ترصيص فى التوكيل والعربيه تفضل فيها نفس المشكلة وعملتهم بره اتظبتطو
الترصيص مش عقدة بس شغالانه برضو عايزة ضمير ودقه فلازم معلش تبقى متاكد انك رصصت والراجل يوزن الفرده على الجهاز لحد ما تظبط والا يبقى فيه مشكلة فى الجنوط
وخد بالك الجنوط السبور ساعات بيجى فيها مشاكل او متكون راكبه كويس على الطنمبوره او تكون المسامير بتاعتها قصيره فمش عامله الحبكه الكافيه بين الجنط والطمبوره ومع السرعه الرجه ديه بتظهر
ديه اغلب الاحتمالات للمشكلة غير كده يفضل طبعا انك تكشف زوايا عموما فتطمن على عفشه العربيه وزوايا العجل لو فيها ترحيل هيعملها بزرجينه والعفشه لو فيها حاجة هيقولك تروح للعفشجى يعملها

[ahmed_eng2001]

حاجة صغيرة ممكن تبص عليها .... الكبالن .... و خاصة الداخلية ... خلى ميكانيكى يبص عليهم

[hayway90]

احياننا يكون المشكله فى الكاوتش او الجنط معوج سنه