بماذا تمتاز البطاريات الجافه عن البطاريات العاديه

[samirayad]

لقيت بطارية اسمها بنديكس ايطالي 2*1 جافة وسايله في نفس الوقت

البطاريات الجافه فى السوق حاليا

كلها برضه 2x1

ومشكور على مرورك الكريم

[Hisham.Elgazzar]

المشاركة الأصلية كتبت بواسطة samirayad لماذا تمتاز البطاريات الجافه عن البطاريات التقليديه فى مجال السيارت أو محركات الأحتراق الداخلى بوجه عام أولا دى ما أسمهاش بطاريه جافه بمعنى عدم تواجد سوائل داخلها أبدأ دى بطاريه حمضيه بالفعل ومعاير وسيط التشغيل الخاص بها بطرق هندسيه غايه فى الدقه ولذا يطلق على هذا النوع من البطاريات الحمضيه المحكمة التصنيع sealed batteries أى بطاريات محصنه ضد فقد وسيط التشغيل ( الماء + الحامض ) ويزود هذا النوع من البطاريات فى بعض الأنواع بجهاز قياس كثافة الإلكتروليت للتعرف على حالة البطاريه أثناء خدمتها الجهاز ده بيسمى بالهيدروميتر المبنى داخل نسيج البطاريه المهم بماذا تمتاز البطاريات المسماه بالجافه عن البطاريات التقليديه ...............؟ 1- لايوجد أى حاجه لأضافة ماء مقطر أثناء خدمة البطاريه بالسياره 2- البطاريه كمكون هندسى من هذا النوع فى أمان تام ضد التعرض للشحن الزائد وبالتالى التأثير على عمر البطاريه مثل مايحدث فى البطاريات التقليديه ( أم غطيان كشف ) وخصوصا مع تواجد خلل فى عمل منظم الشحن الأوتوماتيكى الخاص بالدينامو وهنا أدعو الأخ : اللى بيقول هات فى القديم بطاريه عاديه وفى الجديد بطاريه جافه وبيقول ده نظام فشخره .....وهو لا يعلم تماما هذه النقطه الفنيه الحساسه هذا رد الزميل ( ميمو ذا بست ) اقتباس: بص من الأخر لو سيارتك موديل قديم خليك في السايلة على قد الحال و مش حتقول لأ وسيبك من الفشخرة الفاضية انت مش حتركب البطارية برة العربية و تتنظر بيها دي حاجة داخلية مطلوب منها أنها تؤدي وظيفتها و بس بصرف النظر عن كونها سايلة أو جافة و استفيد بفرق السعر الذي قد يصل الى الضعف أمل لو كانت السيارة حيثة و بها دوائر و نظم الكترونية متطورة فأفضل الجافة حتى تكون مناسبة لنظام السيارة الإلكتروني الأكثر تنظيما و إذا لم تكن السيارة مكيفة يمكنك شراء بطارية أقل من 70 أمبير و لكن عموما أداء ال70 أمبير أكثر ثبات و أطول عمرا و الله الموفق ماهى تلك النقطه الفنيه .............؟ المفروض لو حنمشى وراء كلام ( الأخ : ميمو ذا بست ) يبقى نعمل العكس نخللى البطاريه العاديه مع السياره الجديده والعكس مع السياره القديمه طيب ليه كده ...........وفين الفوله موجوده وتحت أمرك ألست معى أن الدينامو كمكون كهربى ....مع الطرازات القديمه عمره ما حيكون زى السيارات اللى لسه جديده يبقى أيه الصح ( مع أعتبار تلك النقطه الحساسه فى الحسبان ) 3- حجم البطاريه الجافه أصغر وأخف من قرينتها العاديه ( لنفس معدل القدره الكهربيه ) 4- مزوده بهيدروميتر داخلى داخل بناء البطاريه التصميمى ( ماشى بعربيتك ومعاك كهربائى آلى بيقيسلك شحن البطاريه كل لحظه ) الكهربائى الآلى ده بثلاث عيون أسود ..............خللى بالك البطاريه عاوزه تتشحن أخضر ..........بطاريتك تمام وطريقك أخضر أبيض ..........كل سنه وأنت طيب وغير البطاريه 5- ليست معرضه لفقد شحنتها الكهربيه مع فترات التخزين الطويله مقارنة بالنوع التقليدى يعنى جرش عربيتك وسيب بطاريتك وروح صيف وأطمن أنك حترجع تدور بمنتهى السهوله مش تبقى مسافر وأيدك على قلبك ( لو كانت البطاريه عاديه )

شكرا يا باشمهندس على المعلومات القيمة

[samirayad]

الله يخليك

[الصقر_الجارح]

المشاركة الأصلية كتبت بواسطة corsair موضوع ممتاز يا استاذ سمير وانا فعلا كنت في حيرة لا تتخيلها وانا بشتري البطارية واخر ما زهقت لقيت بطارية اسمها بنديكس ايطالي 2*1 جافة وسايله في نفس الوقت

أستاذ كورسير ازاي جافة وساية في نفس الوقت؟!!!

[samirayad]

المشاركة الأصلية كتبت بواسطة الصقر_الجارح أستاذ كورسير ازاي جافة وساية في نفس الوقت؟!!!

شوف يا أستاذ : خالد

ماتسمعه بالعاميه عن مصطلح بطاريه جافه

ليس صحيحا علميا

وأنما هى فى الواقع الأمر بطاريه سائله

ولكنها محكمة الغلق ولا يعاير وسيط التشغيل بداخلها

بإضافة ماء أو حامض أثناء عمر البطاريه

ولذا فأن مسماها الصحيح

sealed battary

( أى بطاريه محكمة الحبك أو الغلق ضد أى تسريب للإلكتروليت )

ملحوظه

الإلكتروليت

عباره عن ( ماء مقطر + حامض ) بنسب معينه ومقننه

ومن هنا جاء المسمى

عاميا

إثنين فى واحد