مساعدة.. سيراتو 2011 وكيل او سيراتو 2012 خليجى ( سعودى )

[ahmedashraf]

zomaworld الله عليك, 100 100.
طيب معلش أبقى طماع لو تسألت إيه من الحاجات دي مش موجود فى SX SRيعني الفئة إللى تحتها على طول, أصل الفرق حوالى 11 ألف.

[Saif eldien]

2012 افضل طبعا
لية اشترى عربية 2011 واخسر موديل اعلى وهى موجودة فعلا انت عارف انك فى اقل من كام شهر كل الناس هتقولك انك شارى عربية من موديل سنة فاتت ومحدش بيفهم انها اخر العام فى الشراء
يعنى لو حبيت تبيع العربية فى عام 2021 هتبقى عربية بقلها 10 اعوم ودة ليها سعرها (حتى لو قولت انك شريها اخر العام مفيش اثبات لان الرخصة مكتوب فيها موديل 2011)
انما لو اشترايت عربية 2012 وفى عام 2021 عايز تبعها هيبقى بقلها 9 سنوات ودة لية قمتة طبعا

[222zzz]

انا كنت محتار زيك بس هختار اكيد الخليجى وممكن اشترلها ضمان سنة بس انا عايز اعرف السعر دا منين 129000 انا سالت معارض كتير كلو واقف على 131000 ياريت ترد ضرورى وسوال كمان الالنترا الجديدة ملعبتش فى دماغك شويى
فى انتظار ردك

[مصطفى العوامى]

الخليجى سعودى موديل 2012 كاملة هاى لاين بالمواصفات السابق ذكرها
السعر 128.5 ألف جنيه فى معرض ناشيونال موتورز إيجيبت
أنا شفتها بنفسى
عنوان المعرض
الدقى - ميدان فينى - 15 شارع السد العالى