مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((

[Elm3alem]

المشاركة الأصلية كتبت بواسطة mody112 على فكره انا معايا واحد صاحبى معاه صنى اى اكس اوتو وجاب بيها لحد 180 كم / س وبيقول انه عادى جدا وهى بردوه موديل 2011 وبيقول انه كان لسه فيها تانى . هو كان شاريها فى اخر 2010 وكان ترخيصها 2011

يا باشا قلت كده للمهندس قاللى يباه اللى بيقولك كده بيضحك عليك .... لانه مفيش صنى 2010 او 2011 مش مقفولة .. اللى مش مقفوله 2009 .. و بكل اسف مش هاقدر اكذبه لانى شغال فى شركة و معايا سته وصلوا بيها فعلا حتى 160 و قفلت على كده و مش بتزيد فانا معايا 6 بيايدونى و واحد او اثنين بيقولوا عكس كلامى ففى الغالب كلام المهندس صح هو أدرى منى و منك و فى نفس الوقت اللى قاله صح و رده كان جااااااااااااهز مش بيفتكسلى اى حوار و السلام

شكرا ليك

[bunnybunny77]

مع احترامى الشديد لحرية سيادتكم فى الجرى بس السرعات اللى بتتكلموا فيها دى انتحار فى اى مكان فى العالم فما بالكم بمصر و طرقها و اسلوب قيادة من على الطرق من سائقى النقل و الميكروباص و المفاجات ممن يقطعون الطريق للدوران او السير العكسى
اتمنى من كل من انعم عليه ربنا بسيارة جديدة الا يغامر بحياته و حياة من معه و ان يتذكر انه فى مصر مش فى اوروبا و الاسعاف و الخدمات على الطرق الكل عارفها كويس و ان العربية اللى هوا شاريها دى عربية ركوووووب من الفئة الاقتصادية و ذات بناء و تجهيزات متواضعة جدا و ليست سيارة سباق اسبور او جرى
كما انه هناك ملايين الشباب يحلمون بسيارة مستعملة
و اخيرا من يريد ان يتعظ فلياخذ جولة فى المستشفيات و ليحمد اللة على مل هو فيه(الشباب بعد الحادث يبكون كلاطفال و تذهب لحظات متعة السرعة الشيطانية الزائفة و تبقى الام الجروح و العاهات و الحسرة على من فقدناهم او تسببنا فى فقدهم و هو شعور لوم للنفس يكفى لقتل الانسان) والا يلقى بنفسة فى التهلكة او يسعى للمصيبة برجليه.
و فى رايى المتواضع ان اقصى سرعة فى مصر فى احسن الاحوال هى 120
اسف للقسوة فى الكلام لكن و الله هذه هى الحقيقة
كفى الله الجميع شر الطريق
و حفظ شباب مصر

[mohamedsalahelden]

متابع باهتمام

[dr_eslam_66]

بص أنا مش هقولك إني ماحستشي بالمشكلة دي وكانت هتجنني لدرجة إني كرفت العربية بسبب النقطة دي بالذات الأول أنا عربيتي 2010 إي إكس أوتو مع إيبي إس وإيرباجز.
بتيجي لحد الـ 160 وتحس إنها ماعندهاش تاني مع إني عداد الآر بي إم لسة فيه حاولت بكل الطرق لدرجة إني إستغبيت وقفلت الأوفر درايف على 160 والتكييف فصل من الحمل على المكنة طبعا واحد ماشي على التالت بـ 160 منتهى الإستهبال والله كان عندي افوت المكنة بس أعلى عن الـ 160 أصلي ماتخيلتش عربية تبقى لسة نازلة من المعرض 118 حصان وتقف معايا على الـ 160 مش قادر أوصفلك الإحباط بس لما جريت على الهادي وإديتلها راحتها في الغيارات وصلت لحد 170 على فكرة فا عرفت إني حكاية القفل دي إفتكاسة.
عموما لو إتصلت بس بحد تاني غير المهندس دا وأكد كلامه إسأله على طريقة لكسر القفل الغبي دا لامؤاخذة يا أخي دا الواحد لو راكب عربية 99 ولا 2000 بيبقى جايب بيها 180 بمنتهى السهولة.

[jojojojojo]

انا شايف 160 كتير قوي هي طياره يا شباب متعرضوش انفسكم للخطر عشان في ناس حياتك تهمها زي والدتك والدك مراتك ولادك وعشان كمان متعرضش الاخرين للخطر احنا في مصر ياجماعه يعني لا طرق ولا عربيات سليمه ولا كمان سلوكيات اشخاص سليمه يعني لازم متزدش عن 100 او 120 بكتير عشان ربنا يسلمها