|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
 |
|
|
أدوات الموضوع |
|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
|
|
أدوات الموضوع |
|
#1
09-04-2010, 01:47 AM
|
||||
|
||||
|
نور الحرية
راحت أمانى بعد طول الإنتظار
ونفس تعانى من أشواك فى الحصار لكن قلبى نابض بروح الإنتصار بعزيمة الرجال و قوة الأحرار برحيق الإرادة وعدل الأقدار فأنا نور الحرية المولود من رحم القيود نفس كريمة أبيّة موعود بالنعيم الممدود مهما ذقت من كأس المرار مهما خضت فى غمار النار لو كان دربى مسدود وضاقت بى كل الحدود وزافت كل الوعود فأنا موجود مناضل مقاتل باق لأقصى الحدود
__________________
|
|
#2
10-04-2010, 10:25 AM
|
|||
|
|||
رد: نور الحرية
الله عليك يا دكتور تامر يا شاعر يا عظيم الواحد كان حاسس انه بقا معندهوش احساس من كتر الكلام الفارغ اللي بنسمعه اخير الواحد بقا بيسمع حاجه ليها قيمة وتقبل تحياتي
|
|
#3
10-04-2010, 10:01 PM
|
|||
|
|||
|
رد: نور الحرية
سألت يوما:
ممكن في يوم الشمس ما تطلعش يعني الليل يمتد يعني الظلام يسود وهل لو اتعودنا على الظلام هيبقى نور قالوا: ما تسألش يعني إيه ما أسألش برده مش فاهم يعني هأفضل نايم ولا هأصحى وأقوم ولما أصحى هألاقيها نور ولو ما لقيتهاش، كدة ينفع أكون صحيت قالوا: ما تصحاش إحنا أصلا عايزينك ما تفوقش يعني إيه ما أفوقش يعني هأفضل مسطول عاجز مشلول طيب وأعيش ليه ما الأفضل أموت ولا لأ ما تتمناش الموت اتمنى المنبه يضرب ويفوقك بس إزاي وأنا ما ظبطوش يعني إيه برده، مش فاهمك معنى كلامك إني لازم أنا أبدأ لازم أتحرك قالوا: لأ ما تتحركوش، استنوا المنبه يضرب لوحده، لكن ما تتحركوش برده مش فاهم هيضرب لوحده إزاي إنتم إلا صنعتوه ظبطوه على إنه ما يضربش عشان ما نصحاش وما نتحركش بس نرجع تاني للسؤال الأولاني لو ظبطه هأصحى ألاقيها نور قالوا: المهم ما تظبطوش لأ هأظبطه ما أنا لازم أبدأ لازم أتحرك مش هيضرب وحده أنا متأكد لازم حد يدوس على الزر يظبط المؤشر على ميعاد الصبح على ميعاد النور وحتى لو صحيت ما لقيتش النور هأفضل كل ليلة أحاول ولازم في يوم هأصحى ألاقيه هأصحى ألاقي النور موجود قالوا: لازم تيأس، من غيرنا النور ما يتوجدش لأ، عمر النور ما كان بإيديكم إلي بإيديكم الظلم لكن الشمس لازم هتطلع ربنا أخرها علينا عشان بس طاوعناكم في الظلم أيوة كل ده وهم هما عايزينا نفضل عايشين في الوهم لكن الشمس لازم تطلع دي سنة ربنا في الكون مستحيل الشمس ما تطلعش ده حتى في آخر يوم هتطلع من الغرب، بس هتطلع أما كونها ما تطلعش لأ مستحيل الشمس ما تطلعش وبأحب مواضيعك يا دكتور تامر، بتصحي في الواحد حاجات كان فاكر إنه نسيها، أشكرك، وتقبل مروري التعديل الأخير تم بواسطة مهند سالم ; 10-04-2010 الساعة 10:11 PM
|
|
|
|
