|
#46
20-09-2009, 09:02 PM
|
||||
|
||||
رد: مشكاح وريما 2009
-21-
تم حجز الشيخ مشكاح بالقسم فى واقعة التعدى على الفتى المجنون وهنا ظهر زبادى فى صحبة ريما لانقاذ ما يمكن انقاذه ! جلس المتر زبادى مع أهل الفتى محاولا التصالح قبل ان تتطور الامور وتصل الى القضاء وعندها بلا رجعة00 وتقرير أمام تقرير باظت قضية التعدى لكن نشاط الشيخ قرد هو المشكلة وممارسته للدجل والشعوذة والنصب قضية أخرى وبعد الاتفاق على مبلغ مالى محترم تم التعتيم على هذا الشق وخرج مشكاح للنور !! جلسوا فى بيت مشكاح القديم 00 تربع زبادى وهو يأمر ريما: -شوفى لنا عشوة مفتخرة يا ست ريما أنا على لحم بطنى م الصبح بسبب مصايب جوزك اللى مجرجرنا وراه كل شوية ف الاقسام قالت بفتور: -عينيا يا غالى وقبل أن تنصرف قال: -بصى أنا أكلى لوحدى بعيد عن الصاروخ جوزك اللى أوله شرط آخره نور 00آه قال مشكاح وهو يزفر: -وبعدين يا استاذ ح أعمل أيه ف شغلى؟ -أهدى يا مشكح00 لازم توقف النشاط شوية بدل ما تروح ف داهيه -ازاى الكلام ده دول ولاد الكلب خلصوا على اللى حيلتى وبقيت على الحديدة -الحديدة أرحم من البورش ولا أيه؟ -أيه العمل يعنى؟ -شوف أنت ليك معايا شغلانه سقع00 -صحيح يابيه؟ -بص أنت ح تشتغل عند واحد حبيبى أسبوع واحد بعشر تلاف جنيه !! قلت أيه يا مشكح؟ -عسل وقشطة وشغلانه أيه دى؟ -بعدين أقول لك لما نجهز العملية -شغلانه من بتوعك أياهم اللى تودى ف داهيه -هوه فيه داهيه اكتر من اللى انت فيها يا مدهول على عينك تنهد مشكاح وقال: -على رأيك نادى على ريما صارخا: -الاكل ياست ريما وجاءت ريما بالصينية عامرة بالطعام00ووضعتها أمام زبادى وعين مشكاح ح تطلع على البطة وجوز الفراخ سال لعاب زبادى وهو يقول: -تسلم الايادى بس ياريت ميكونوش فطيس ولا من على سطح الجيران قالت ساخطة : -هوه أكل ولا بحلقة!! قال زبادى: -ما علينا وعندما مدّ زبادى يده على الطعام كان مشكاح قد سبقه فضرب زبادى يد مشكاح وقال: -عندك ياحلو أخلص أنا الاول وبعدين تاكل أنت أصل انا محبش العضم تراجع مشكاح وهو يشعر بالاختناق ويتململ فى جلسته تتبع
__________________
|
|
#47
06-12-2009, 04:33 AM
|
||||
|
||||
|
رد: مشكاح وريما 2009
22-
أصبح مشكاح أسيرا لزبادى وألاعيبه 00 إستبد به الغضب وهو يشعر بالطوق فى رقبته وزبادى يخنقه به وقتما يريد ويسحبه به وقت اللزوم ولا يستطيع فكاكا !! فكر كثيرا فى كيفيه الخلاص منه ولكن لم يجد فكاكا وإستسلم لأنه فى الوقت الحالى يحتاجه بشدة لكونه الممول الوحيد لكرشه الذى لايهدأ !! أستيقظ فى هذا اليوم والضيق يخيم على نفسه00 نادى على ريما وهو يكاد يصرخ : -إنتى يا وليه يازفت جاءت ريما تتمطع كعادتها وقالت: -يا فتاح يا عليم00 نعم يا سبعى نظر إليها بقرف: - أنا عارف كنت إنطسيت فى نظرى وأتجوزتك على أيه؟! أشاح بوجهه عنها وقال : - ياباى حداية دى ولا بومة قالت ببرود: - الحال من بعضه ياغراب قال صارخا: -غورى من وشى جاتك داهية 00الفطار بسرعة قالت بنفس البرود: -مفيش00 وبسرعة يحسد عليها ناولها فردة شبشب فى وجهها فتفادتها بمهارتها المعتادة وقالت: -تنشك فى إيدك يا بعيد قوم هز كرشك وهات لنا فطار قال بمنتهى الغضب: - طب عليا ال00 قال تقطع عبارته : -هوا يا حبيبى ويكون الفطار جاهز وتحركت من أمامه كالريح قام لدخول الحمام بينما غابت هى لدقائق لتحضير الإفطار وعندما خرجت كان الطعام جاهزا00 نظر مشكاح إلى الطعام بإشمئزاز وقال: -إيه ده ؟! قالت وهى تمط شفتيها: -نعمة00فول وطعمية وجبنة قديمة قال ساخطا: - هوه ده فطار 00 - ماخلاص فات أوان اللحمة والزفر00كل سنة وأنت طيب يا شيخ مشكاح وبعودة الأيام - بكرة ترجع يا بت يا ريما قالت بفرح: -صحيح يا مشكوحتى -ح تتعدل يا رمرومتى00جالتى فوكيرة بلاس ناكل ونحبس ونمخمخ على رواقة -أموت فى أفكارك يا مشكوحتى وأنكب مشكاح على الطعام وألتهمه فى ثوان وريما مازالت تمضع فى ثانى لقمة!! تتبع
__________________
|
 |
|
|
