الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

[medo akef]

المشاركة الأصلية كتبت بواسطة corsair وهو انا قولت يا ميدو ان اللي انا بعمله ده صح ديه مكنتش الا تجربة فقط ومخدتش معايا اكتر من 10 دقائق وبعدين رجعت مشيت علي مهلي مش نظام جري وخلاص ده كان اختبار للزوايا والترصيص اللي عملتهم لا اكثر ولا اقل وبلاش بردك اخذ الملف علي الحامي علشان لما العربية تتقلب بالواحد محدش هيسقفلك ساعتها

اوك بيس يا مان بس ولله انا راكب بومه يعني لزقه في الارض بغرا يا مان و لو كنت ناوي اخد ملفات بشويش كان زماني جبت الانترا و خلاص انا ان شاء الله هجنط قريبا و الحياه هتبقا زي الفل هاخد الملفات علي 160ptmnlo123per122

المشاركة الأصلية كتبت بواسطة خالدخليفة كل الموال ده وتستفز الناس والناس ترد وانت ترد ماشاء الله 10 صفحات ردود على 10 دقايق ؟؟؟؟؟هههههههههههههه اومال لو اخدتها من هنا لمطروح مسافة 450 كيلو بدون راحة على سرعة 180 كنت عملت تمثال للفيرنا ؟؟؟؟؟؟؟؟ 3 ساعات الا حوالى 5 دقايق او 10 دقايق كنت فى مطروح

طب خد دي يا مان سياره مرسيدس معدله موتور 2800 سي سي تربو بنزين الموتور ده طبعا جبار من غير ما حد يقول رائيه المفروق صحبي خلي المكنه دي تفوت في مشوار من حته جمب شرم مش فكرها اسمها المفروض المسافه منها للمنصوره 7 ساعات هو خدها في 3 ساعات بيحلف لي العداد عدي ال200 و نزل تحت اوي و بعدين فصل علي ما روح بطل و جه يدور تاني الموتور كان بينزل زيت من كل حته فيه
دي العملاقه مرسيدس لو بتتكلم عن الافترا تعالا و احنا نعلمك يا مانptmnlo123per122

[خالدخليفة]

ياراجل ياطيب فى حد يتعلم الافترا برضه ثم هو فيه افترا اكتر من تفويت موتور 2800 سى سى بس انا اعتقد الموتور ده مش 2800 سى سى ده 2800 شى شى ( او شى حا ) هههههههههه

[Ahmed_lol2007]

المشاركة الأصلية كتبت بواسطة medo akef اوك بيس يا مان بس ولله انا راكب بومه يعني لزقه في الارض بغرا يا مان و لو كنت ناوي اخد ملفات بشويش كان زماني جبت الانترا و خلاص انا ان شاء الله هجنط قريبا و الحياه هتبقا زي الفل هاخد الملفات علي 160ptmnlo123per122

مالها الالتنرا جميلة والله
وعموما أنا معايا أوبل فيكترا (طبعا معروف ثباتها من غير ما اتكلم عليها) والله العظيم قطعت لانسر 1600 على الزراعى كان يوم جمعة الساعة 8 بليل يعنى فى عز ما المقاطير بتبقى ماشية جبت ال140 بكيك داون لقيت بتاع الانسر بص عليا بصة غريبة أوى من كتر ما العربية فذت من جمبه مع العلم عربيتى موديل 98 والتانية لانسر بومة (بس لان بتاع الانسر غاظنى أوى كان محسسنى انو سايق كورفيت وعمال يتنك على الناس اللى سايقة بالراحة وماشين يمين كمان يعنى مش مضايقينه فى حاجة بس ان بيتمنظر عليهم ومحسسهم أنهم سايقين كارو ) فأنا وريته نفسه وفى الاخر سبقته بس رجعت عاتبت نفسى وقلت كان ايه لزمتها يعنى انك تخاطر كدة وتجرى وسط المقاطير دى
ومع ذلك أنا أقل حاجة كنت بمشى عليها 120 بس دلوقتى بدأت أهدى ومش بحاول أزود عن 100 الا للضرورة
لأنى شفت حادثة (ربنا يبعد عنا الحوادث وشرها ) مقطورة محملة مواسير حديد زى بتاعت شركات البترول داخل فيها من ورا أتوبيس سياحى
طبعا الاوتوبيس الوش اتدمر ومكان ما سواق الاتوبيس كان قاعد على كرسيه دخل فيه ماسورة (يعنى المقطورة وقفت مرة واحدة الاتوبيس ملحقش يفرمل راح داخل فيها وفى ماسورة منهم جت عند وسط السواق )طبعا الدم كان مبهدل الدنيا على الاتوبيس والارض والماسورة (ربنا يرحم السواق ويرحمنا جميعا) عشان كدة مش بحب أجرى دلوقتى خالص
وياجماعة ملهاش لزمة السرعة الزيادة يعنى هتوفر شوية وقت ما أحنا على طول مضيعين وقتنا جت على شوية الوقت اللى هيضيعو من السواقة بهدوء (مجرد رأى)

[MO]

المشاركة الأصلية كتبت بواسطة corsair ياريتني بجد كنت صورت اللقطة ديه علشان تصدق بس المشكلة ان والله الموبيل كان فاصل شحن وكنت مضايق جدا بس انا اساسا بعاني من واطيها هواطيها اكتر الجو مش مستحمل

مصدقك يا سيدي ربنا يباركلك فيها و يوستر طريقك يا برنس ptmnlo123per1147

[mohamed ibiza]

المشاركة الأصلية كتبت بواسطة medo akef اوك بيس يا مان بس ولله انا راكب بومه يعني لزقه في الارض بغرا يا مان و لو كنت ناوي اخد ملفات بشويش كان زماني جبت الانترا و خلاص انا ان شاء الله هجنط قريبا و الحياه هتبقا زي الفل هاخد الملفات علي 160ptmnlo123per122 طب خد دي يا مان سياره مرسيدس معدله موتور 2800 سي سي تربو بنزين الموتور ده طبعا جبار من غير ما حد يقول رائيه المفروق صحبي خلي المكنه دي تفوت في مشوار من حته جمب شرم مش فكرها اسمها المفروض المسافه منها للمنصوره 7 ساعات هو خدها في 3 ساعات بيحلف لي العداد عدي ال200 و نزل تحت اوي و بعدين فصل علي ما روح بطل و جه يدور تاني الموتور كان بينزل زيت من كل حته فيه دي العملاقه مرسيدس لو بتتكلم عن الافترا تعالا و احنا نعلمك يا مانptmnlo123per122

لو تسحملي اسألك سؤال..

انا عربية والدي مرسيدس 280 موديل 84 2800 سي سي 182 حصان و ده موتور ستوك و بنزين طبعا مش ديزل و اقدر اقولك بكل المقاييس ان الموتور ده لو ركب عليه تربو و اتظبط صح هيستحمله و مش هيقول لا

بس ازاي صاحبك عملها ؟؟ اللي اعرفه ان التربو بيمثل ضغط شديد علي الموتور و بيبقي فيه compression عالي علي البلوك بس ده مش موتور 1300 ده 2800 سي سي و مرسيدس يعني !! ايه اللي كان عامله خلا الموتور يفوت هل التربو مكنش مظبوط ؟ هل كان فاتح Psi جامد اوي فوق قدرة المحرك ؟ و يا ريت تقولنا تفاصيل التعديل لو تعرفها و كانت واصله كام حصان و العربية نفسها موديل كام