ما هى عيوب اللادا 2107 ؟

[waelsalah]

متشكر جدا لاهتمامك القيم والغالى جدا

معلش استفسارات من وجهات نظر اخرى
1- هل الزبون دلوقتى من تحديثات التكاسي الى لانسر بومه مثلا واوبترا ولانوس وفيرنا وصنى وكمان كورولا هل يكون النظر للادا من منطلق انها قديمه ويكون رزقها قليل وطبعا الارزاق بالله ده يقينا بس بناخد بالاسباب ؟
2- هل لو جبتها مثلا تكون مخزية للعين ومش مطمع للسرقه ولا كله فى كفة واحده
3- ومن النقطه السابقه هل مؤثرة لو جبت مثلا فيرنا او byd هتكون افضل ولا لا ؟
علما بانى من المنصورة والنمر الاجره هنا وصلت 100 الف ج ؟
4- انا حاليا معايا هيونداى اكسيل هل لو جبت لادا هحس بفرق كبير بين النعومه والخشونه ولا مش كبير اوى
مع العلم ان كان معايا 128 ولما غيرت للاكسيل وبعتها ورجعت اشتري سويفت مرتاحتش فيها خالص ورجعت للاكسيل عربيه ما اشاء الله كبيره ومريحه وناعمه كعادة الهيونداى عموما ؟
جزاكم الله خيرا
وشكرا جزيلا

[mr_astra]

العيب اللى حضرتك ذكرتة ان الزبون بيقارن بنها وبين العربيات الاحسن هو فعلا عيب ولكن ميزة بنفس الوقت لان فى زبون يخاف يشاور للعربيات دى ويؤلك دى على اد جيبى

لو قارنتها بالبى واى دى طبعا الصينى هايكسب بدون نقاش

ولما تنزل من الاكسل وتركب لادا هاتحس بفرق ملحوظ لصالح الاكسل لان لادا خشنة شوية

لكن بشكل عام حضرتك هاتجبها عشان تشتغل تاكسي يبقى انا من راى لادا احسن فى حاجات كتير
قطع غيارها بالفعل رخيصة جدا جدا جدا ودة اللى حضرتك عاوزة
لادا اعتمادية اكتر بكتير من الكورى والصينى
هاتريحك لانك جايبها تاكل عليها عيش مش عشان تتفسح بيها والعربية دى الوحيدة اللى تمشى مع المطبات وانا بجد مستغرب لكمية الحديد فى العربية بجد دبابة
كلمتين فى اخر الحديث
لو هاتجيب ملاكى يبقى كورى وصينى
هاتجيب تاكسي لادا هى الاختيار الامثل

[eng/walaaeldeen]

السلام عليكم
هات فيرنا او اي هيونداي احسن من اللادا
والله المستعان