مفتاح العربية اتسرق

[noureymo]

سلام عليكم
نسخة من مفاتيح العربية اتسرقت يا جماعة ومش عارف اعمل ايه
العربية كيا ريو 2012 (مفتاح بريموت)
دلوقتي انا ماشي بالنسخة التانية
يا ترى في اي طريقة تلغي النسخة الي اتسرقت
يا ريت تفيدوني ضروري
قلقان علشان ممكن الي اخدها يكون ناوي يسرقها.

[memodina1]

الموضوع مش سهل شوية لانى المشكلة فى انى المفتاح والريموت ليهم 3 شغلات
1-مفتاح الباب والريموت للباب ايضا -يعنى هتغير ريموت وكالون الباب
2-نفس المفتاح للكونتاك هتضطر اسفا تغير كونتاك
3-شنطة العربية برضة هتتغير لكالون تانى
حل المشكلة تروح التوكيل وتغيرهم
انما سهل تغييرهم جدا بس مكلف شوية
دا على حد معلوماتى ممكن يكون فى حلول تانى والله الموفق

[sayed2077]

روح التوكيل افضلك لو دفعت حتى 1000 او 2000 جنية افضل من ان العربيه كلها تضيع منك

[احمد على 1999]

لو المفتاح فى خاصية الاموبلايزر احتمال و الله اعلم يبقى على قد تغيير الشريحة اللى فى التابلوه و اعادة تشفير المفتاح
ده استنتاج و الله اعلم
لان فعلا الحل التانى مكلف جدا زيى ما قال الاستاذ memodina1

[noureymo]

شكرا يا جماعة على اهتمامكم بالرد
امبارح رحت توكيل كيا في ابو رواش وغيره طقم الكوالين (كالون الباب والكونتاكت) وعملوا كود جديد للمفتاحين الجداد
كده المفتاح القديم الي معايا ، جربته مش شغال حتى الريموت مش شغال.
الموضوع اتكلف 1045 جم وما أخدش ساعة جوة التوكيل