العودة   مصر موتورز مجتمع السيارات > السيارات الأوروبية > لادا LADA

لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان


إضافة رد
 
أدوات الموضوع
  #26  
قديم 29-05-2010, 09:49 PM
Emy-Q7 Emy-Q7 غير متواجد حالياً
 
تاريخ التسجيل: May 2010
المشاركات: 3
Emy-Q7 is on a distinguished road
افتراضي رد: عيوب لادا 2107 ادخل فوراً

محدش يا جماعة لو سمحتم يفكر في اللادا دي واضح انها معمولة لسيبريا مشكلة السخونة في هذا النوع ده من السيارات ليس لها حل عفشة قوية فعلا وفي المقابل عمودك الفقري و دريكسيون حجري فعلا و حتي التوكيل مش حيفيد في حاجات كتير زي مشاكل الكهرباء والشكمان . قطع غيار رخيصة فعلا بس محتاجها باستمر اللي معهوش فلوس و عاوز عربية محترمة هي فولكس البيتل (كيفر )
امضاء ضحية عربية لادا
رد مع اقتباس
  #27  
قديم 02-06-2010, 02:45 AM
ahmed al badr ahmed al badr غير متواجد حالياً
 
تاريخ التسجيل: Jun 2010
المشاركات: 1
ahmed al badr is on a distinguished road
افتراضي رد: عيوب لادا 2107 ادخل فوراً

أنا مبعرفش سوق قوى والناس نصحتنى بالادا بس خيف من العيوب بتعتها انا ناوى اجيبها زيرو تنصحنى اعمل اية واية رأيك فى الادا 2115 وهل الادا2107
موديل 2010 فيها تطوير واية رايك انهى احسن الادا المحلى ولا الروسى
رد مع اقتباس
  #28  
قديم 21-06-2010, 11:17 AM
adel sadek adel sadek غير متواجد حالياً
 
تاريخ التسجيل: Jun 2010
المشاركات: 3
adel sadek is on a distinguished road
رد: عيوب لادا 2107 ادخل فوراً

انا اشتريت لادا 2107 زيرو من الوكيل شركة الامل موديل 2009تجميع محلى – وبصراحة اخدت اكبر مقلب فى حياتى.- سيارتى القديمة 131 موديل 1979 كانت برقبتها بالرغم من انها كانت عاملة فوق 200 الف كم.fficeffice" />
بالاضافة ال عيوب السيارة التى سبق ذكرها من باق الاعضاء اضيف التالى:
- التجميع المحلى سيء للغاية بالنسبة للابواب و تقفيل غطاء الشنطة
- بعد اقل من شهر حدث تسريب للزيت من علب الزيت فوق الماستر و الدبرياج ناتج عن شرخ فى اسفل العلب عند المخرج - وذلك لان الوكيل يسخدم خراطيم فرامل بتيل من الخارج وهى غير مرنة بدرجة كافيه وتسبب شد على الصباع الخارج من العلبة و على مدخل الماستر و تسبب شرخ فى قاع العلبة او خروج صباع الماستر من مكانة وتسرب الزيت. وقد راجعت التوكيل وتم تغيير علبتى الزيت واعادة تثبيت مدخل الماستر و رفضوا تغيير الخراطيم و تكرر نفس الشئ عدة مرات . اخيرا قمت بنفسى بتغيير الخراطيم بنوع مطاط سهل الانحناء ولكن سعرة اغلى شوية لكن من يومها المشكلة اتحلت ووفرت ثمن الزيت الى بيروح فى كل مرة. حل سهل و بسيط لم يستطع مهندسى الشركة التوصل الية لان محدش عايز يفكر.
- بعد اقل من ثلاثة شهور سمعت طقطقة فى الجانب الايمن ولما رحت للتوكيل قالولى ان تم اللازم ولكن تانى يوم لقيت الطقطقة هى هى. رحت للميكانيكى بتاعى قال لى دة عادى لانهم بيركبوا نوع رخيص من البيض فى العجل وقالى امشى علية شوية وبعدين نغيرة بنوع احسن علشان التوكيل ما يتلككش عليك.
- كل مرة تروح التوكيل تعمل حسابك ان اليوم ضايع – انا بروح حوالى السعة 10 صباحا واخرج من هناك حوالى الساعة 4 دة بالاضافة الى المعاملة السيئة من مهندس الاستقبال واسمة محمد لانى لازم استناة لما يفطر ويشرب الشاى علشان يدخلنى - ولو اعترضت هتبقى عربيتك اخر واحدة تطلع
- اوعى تشترى العربية بتكييف – هو صحيح تكييف جيد لكن توزيع الهوا ردئ جدا لانة يتم تركيبة محليا فى ورشة برة المصنع بجسر السويس لكن بالطريقة البلدى وليسbuilt in زى العربيات المحترمة - لكن المشكلة فى الجزء الخاص بتحريك الاكسيراتير لزيادة سرعة المحرك عند تشغيل التكييف , حيث انة يفقد عملة فى حالة المسافات الطويلة نتيجة السخونة وعندها تجد المحرك يطفي لوحدة – فى هذه الحالة امامك حليين اما تطفى التكييف و تموت من الحر او تستخدم الشفاط فى تعلية المحرك وامرك للة فى شوية بنزين زيادة
- تنك البنزين صغير اعتقد انة بالكاد بياخد 30 لتر ان لم يكن اقل – يعنى لو رايح مرسى مطروح خلى بالك من محطات التموين لحسن تتسوح.
- العربية بتسخن لدرجة انة فى ايام الحر الشديد وفى طريق السفر على سرعة عالية الاقى برضة المروحة بتشتغل و دة بياثر على شحن البطارية
مرة تانية انصحك اوعى تاخد المقلب الى انا اخدتة لانى مسمعتش كلام اللى نصحونى
واللى مصر على لادا انا مستعد ابيع عربيتى ب 45000 جنية و عوضى على اللة مع انى معملتش غير 3500 كم فقط


التعديل الأخير تم بواسطة adel sadek ; 21-06-2010 الساعة 11:36 AM
رد مع اقتباس
  #29  
قديم 10-07-2010, 12:12 PM
محمد سلمىسلمان محمد سلمىسلمان غير متواجد حالياً
 
تاريخ التسجيل: Jul 2010
المشاركات: 1
محمد سلمىسلمان is on a distinguished road
افتراضي رد: عيوب لادا 2107 ادخل فوراً

عيب أخر مهم للسيارة اللادا متعبة فى السواقة فى الجو الحر الشديد و خصوصا فى الأماكن المزدحمة أما على الطريق السريع مريحة فى السواقة و لكنها بتعوم بعد سرعة 120 كيلو متر
رد مع اقتباس
  #30  
قديم 11-07-2010, 05:36 PM
hack_storm hack_storm غير متواجد حالياً
 
تاريخ التسجيل: Apr 2010
المشاركات: 6
hack_storm has a spectacular aura abouthack_storm has a spectacular aura about
افتراضي رد: عيوب لادا 2107 ادخل فوراً


المشاركة الأصلية كتبت بواسطة adel sadek مشاهدة المشاركة

انا اشتريت لادا 2107 زيرو من الوكيل شركة الامل موديل 2009تجميع محلى – وبصراحة اخدت اكبر مقلب فى حياتى.- سيارتى القديمة 131 موديل 1979 كانت برقبتها بالرغم من انها كانت عاملة فوق 200 الف كم.fficeffice" />
بالاضافة ال عيوب السيارة التى سبق ذكرها من باق الاعضاء اضيف التالى:
- التجميع المحلى سيء للغاية بالنسبة للابواب و تقفيل غطاء الشنطة
- بعد اقل من شهر حدث تسريب للزيت من علب الزيت فوق الماستر و الدبرياج ناتج عن شرخ فى اسفل العلب عند المخرج - وذلك لان الوكيل يسخدم خراطيم فرامل بتيل من الخارج وهى غير مرنة بدرجة كافيه وتسبب شد على الصباع الخارج من العلبة و على مدخل الماستر و تسبب شرخ فى قاع العلبة او خروج صباع الماستر من مكانة وتسرب الزيت. وقد راجعت التوكيل وتم تغيير علبتى الزيت واعادة تثبيت مدخل الماستر و رفضوا تغيير الخراطيم و تكرر نفس الشئ عدة مرات . اخيرا قمت بنفسى بتغيير الخراطيم بنوع مطاط سهل الانحناء ولكن سعرة اغلى شوية لكن من يومها المشكلة اتحلت ووفرت ثمن الزيت الى بيروح فى كل مرة. حل سهل و بسيط لم يستطع مهندسى الشركة التوصل الية لان محدش عايز يفكر.
- بعد اقل من ثلاثة شهور سمعت طقطقة فى الجانب الايمن ولما رحت للتوكيل قالولى ان تم اللازم ولكن تانى يوم لقيت الطقطقة هى هى. رحت للميكانيكى بتاعى قال لى دة عادى لانهم بيركبوا نوع رخيص من البيض فى العجل وقالى امشى علية شوية وبعدين نغيرة بنوع احسن علشان التوكيل ما يتلككش عليك.
- كل مرة تروح التوكيل تعمل حسابك ان اليوم ضايع – انا بروح حوالى السعة 10 صباحا واخرج من هناك حوالى الساعة 4 دة بالاضافة الى المعاملة السيئة من مهندس الاستقبال واسمة محمد لانى لازم استناة لما يفطر ويشرب الشاى علشان يدخلنى - ولو اعترضت هتبقى عربيتك اخر واحدة تطلع
- اوعى تشترى العربية بتكييف – هو صحيح تكييف جيد لكن توزيع الهوا ردئ جدا لانة يتم تركيبة محليا فى ورشة برة المصنع بجسر السويس لكن بالطريقة البلدى وليسbuilt in زى العربيات المحترمة - لكن المشكلة فى الجزء الخاص بتحريك الاكسيراتير لزيادة سرعة المحرك عند تشغيل التكييف , حيث انة يفقد عملة فى حالة المسافات الطويلة نتيجة السخونة وعندها تجد المحرك يطفي لوحدة – فى هذه الحالة امامك حليين اما تطفى التكييف و تموت من الحر او تستخدم الشفاط فى تعلية المحرك وامرك للة فى شوية بنزين زيادة
- تنك البنزين صغير اعتقد انة بالكاد بياخد 30 لتر ان لم يكن اقل – يعنى لو رايح مرسى مطروح خلى بالك من محطات التموين لحسن تتسوح.
- العربية بتسخن لدرجة انة فى ايام الحر الشديد وفى طريق السفر على سرعة عالية الاقى برضة المروحة بتشتغل و دة بياثر على شحن البطارية
مرة تانية انصحك اوعى تاخد المقلب الى انا اخدتة لانى مسمعتش كلام اللى نصحونى
واللى مصر على لادا انا مستعد ابيع عربيتى ب 45000 جنية و عوضى على اللة مع انى معملتش غير 3500 كم فقط

أتفق معاك تماما في نقطة خراطيم التيل دي وكانت عندي نفس المشكلة فعلا
وبالاضافة لتغيير الخراطيم فيه حل تاني انا عن نفسي عملته لما زهقت من حوار البوز البلاستيك اللي دايما بيتكسر في ماستر الفرامل خصوصا لأن وضعه عمودي
غيرت الماستر كله بماستر فيات البوز بتاعه نايم مش عمودي
من ساعتها مفيش حاجة اسمها تسريب زيت عندي

موضوع التكييف ده برضو نقطة مهمة فعلا لأنه وجوده زي عدمه نظرا لعدم وجود اي توزيع للهواء البارد اصلا وده كلام مظبوط جدااااااا
موضوع الطقطقة ده انا وضحته قبل كدة ومتنساش تخلي بتاع العفشة يركب جوز بيضات تحتاني مش فوقاني وتحتاني وبيتهيألي هو أكيد عارف المعلومة دي
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 07:33 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017