اى حد محتاج اى معلومه عن رينو

[POP EL GAMED]

المشاركة الأصلية كتبت بواسطة احمد هيبة اريد معرفة اسعار قطع غيار رينو كليو 1200 موديل 2002 وافضل اماكن صيانة في الاسكندرية ولو في اي حاجة اقر اعملها علشان احافظ علي السيارة

حضرتك محتاج تعرف اسعار ايه بالظبط عشان اقدر اقولك
مع الاسف يا باشا انا معرفش حد فى اسكندريه عشان اقولك ممكن حضرتك تستنى محمد مجدى هو بيتعامل مع ناس فى اسكندريه
والحاجه اللى تقدر تحافظ بيها على السياره هى مستوى المياه ومستوى الزيت وتغيير الزيت فى مواعيده وانك متجريش فى حتت مكسره عشان العفشه هى دى الحاجات اللى تحافظ بيها على اى عربيه ومبروك العربيه يا باشا(شكلك لسه جايبها)

[hossamhussein0]

المشاركة الأصلية كتبت بواسطة POP EL GAMED يا باشا انا بعتذر لحضرتك عن التأخير ده فى الرد اولا هو طبيعى ان الباور بتاع اللوجان اتقل من الميجان والالنترا لان الاتنين دول باورهم كهرباء وطبيعى ان الباور الكهربائى اخف من الباور الزيت العادى(اللى هو اللوجان) غير كده انت ممكن تحس انه اتقل من باور اللانوس مثلا او الفيرنا وده مقصود فى العربيه لان موضوع تقل الباور النسبى ده بيعزز من ثبات العربيه على السرعات وارجو انى اكون قدرت افيدك ولو بنسبه بسيطه ولو حضرتك عايز تعرف اى حاجه هكون موجود انا ورجاله الرينو ان شاء الله

بوب الجامد

اسمح لي بشكرك و ابداء اعجابي برجالة الرينو و انت علي قيادتهم



و ارجو ان تسمح لي بان اعترض علي رايكم بعاليه خاصو وان عندي لوجان 2009 جميع الكماليات روماني و الباور فعلا ثقيل و به رعشة عند اقصي المشوار يمين و شمال و التوكيل معترف بذلك و يدعي بانه تم ارسال ذلك لفرنسا و هم في انتظار الحل ( طبعا كلام فارغ لان الموضوع بقاله سنتين و انا لا اعتقد ان رينوعاجزة عن حل مشكله زي دي ) و اسمح لي اقولك انني راجل ركيب عربيات قديم و علي قد ما ركبت عربيات كنت بشوف الباور في منتهي النعومة و الخفية علي السلانسيه و بيتقل تدريجيا مع زيادة السرعة نظرا لارتباطه بصمام خانق للزيت متركب علي الفتيس بحيث أنه كلما زادت السرعة قلت كمية الزيت المضغوطه لعلبة الدركسيون ،،، و كل العربيات الباور اللي في الدنيا كده و اعتقد اللوجان كمان كده علشان مع السرعة العالية بيبقي الدركسيون تقيل جدا و لكن ملحوظة الاخ كانت عند الثبات و السيارة غير متحركة.


و كنت عاوز اخذ رايك انت و من لهم خبرة في ميكانيكا السيارات ،،، أنا لو حبيت اشتري دماغي و اركب طلمبة باور أخري مثلا أي ماركة اخري من الماركات المشهود لها بالفاعلية (هوندا ، مرسيدس ،،،، ) خاصة و ان المشجع في الموضوع أن طلمبة الباور هي جزء خارجي مضاف علي الموتور مثل الدينامو و اللعب هيكون في كيفية تثبيتها فقط ،، أو حتي اجيب بتاعت ميجان علشان اكيد مقاسات الطنبورة و التثبيت هيبقي متقارب لحد كبير مع اللوجان هل تعتقد ان المشكلة دي هتتحل ؟؟؟؟ هل تعرف ما هو البار (قدرة الضخ) لطلمبة اللوجان و ما هي قدرة طلمبة الميجان مثلا؟؟؟


علي فكرة انا من عشاق الرينو من زمان و كنت راكب رينو سوبر سانك تربو 2000 سي سي و كمان ركبت رينو 18 gts و العربية دي بالذات مش هنساها و فعلا هيه عربيات ذات طابع متميز لاصحاب الذوق الرفيع ،،،

[mahmoud desouky]

سلام عليكم
من فضلك يا باشا انا بحترم العربيات الرينو جدا بس المشكله فى التوكيل غالى اوى و قطع الغيار مش بتكون منتشره اوى بره بس لى استعلام عن العربيه اللوجان المغربى
انا معترف انها جامده جدا و رفاهيه واحسن ركوب العربيات الرفنساوى بس ياترى الصيانه و قطع الغيار بتاعه اللوجان كويسه بالنسبه لمثيلاتها فى السعر زى الاسبرانزا او الفيرنا مقارنه بالسعر مش بالكماليات ياترى هتبقا كويسه ولالا لانى بفكر اشتريها بس قلقان لانى بتوع الميجان متعورين على الاهخر فى الوكيل
تانى حاجه يارتى سعر اعاده البيع بتاع اللوجان هيقع اوى زى المعتاد فى الرينو ولالا وايه رايك بمنتهى الصراحه

[POP EL GAMED]

المشاركة الأصلية كتبت بواسطة hossamhussein0 بوب الجامد اسمح لي بشكرك و ابداء اعجابي برجالة الرينو و انت علي قيادتهم و ارجو ان تسمح لي بان اعترض علي رايكم بعاليه خاصو وان عندي لوجان 2009 جميع الكماليات روماني و الباور فعلا ثقيل و به رعشة عند اقصي المشوار يمين و شمال و التوكيل معترف بذلك و يدعي بانه تم ارسال ذلك لفرنسا و هم في انتظار الحل ( طبعا كلام فارغ لان الموضوع بقاله سنتين و انا لا اعتقد ان رينوعاجزة عن حل مشكله زي دي ) و اسمح لي اقولك انني راجل ركيب عربيات قديم و علي قد ما ركبت عربيات كنت بشوف الباور في منتهي النعومة و الخفية علي السلانسيه و بيتقل تدريجيا مع زيادة السرعة نظرا لارتباطه بصمام خانق للزيت متركب علي الفتيس بحيث أنه كلما زادت السرعة قلت كمية الزيت المضغوطه لعلبة الدركسيون ،،، و كل العربيات الباور اللي في الدنيا كده و اعتقد اللوجان كمان كده علشان مع السرعة العالية بيبقي الدركسيون تقيل جدا و لكن ملحوظة الاخ كانت عند الثبات و السيارة غير متحركة. و كنت عاوز اخذ رايك انت و من لهم خبرة في ميكانيكا السيارات ،،، أنا لو حبيت اشتري دماغي و اركب طلمبة باور أخري مثلا أي ماركة اخري من الماركات المشهود لها بالفاعلية (هوندا ، مرسيدس ،،،، ) خاصة و ان المشجع في الموضوع أن طلمبة الباور هي جزء خارجي مضاف علي الموتور مثل الدينامو و اللعب هيكون في كيفية تثبيتها فقط ،، أو حتي اجيب بتاعت ميجان علشان اكيد مقاسات الطنبورة و التثبيت هيبقي متقارب لحد كبير مع اللوجان هل تعتقد ان المشكلة دي هتتحل ؟؟؟؟ هل تعرف ما هو البار (قدرة الضخ) لطلمبة اللوجان و ما هي قدرة طلمبة الميجان مثلا؟؟؟ علي فكرة انا من عشاق الرينو من زمان و كنت راكب رينو سوبر سانك تربو 2000 سي سي و كمان ركبت رينو 18 gts و العربية دي بالذات مش هنساها و فعلا هيه عربيات ذات طابع متميز لاصحاب الذوق الرفيع ،،،

سيدى الفاضل احب اشكرك على مدحك وثقتك الغاليه فيا وفى كل رجاله الرينو قبلى
بس احب اقول لحضرتك حاجه موضوع الباور وتقله ده نسبى جدا فيه عربيات زى اللانسر البومه باورها اتقل من الكريستاله اللى قبلها(المفروض ان التطور انها تكون اخف)بس هى تصميمات من الشركه عشان تناسب امكانيات وابعاد الشاسيه
وطبيعى جدا انك تلاقى العربيه الفرنساوى اللى باورها زيت وهديلك مثال بعربيتى شخصيا باور وهتلاقى باورها اتقل من باور الهيونداى الاكسيل
وبما انك راجل قديم فى الرينو يبقى اكيد عارف ان رينو بتفضل الثبات والامان عن الراحه الشديده اللى بيحسوا انها كماليات زياده فى اوروبا زى موضوع التكييف وقوته فى اليابانى والكورى والاحساس بأنه اضعف فى الاوروبى
ونرجع لموضوع الرعشه فى الباور ده بسبب قوه ضغط الطلمبه لانك لما بتكسر على الاخر هترقى رعشه فى العربيه وتحس ان الموتور بيوطى وده طبيعى جدا ومش عيب اصلا ده عادى بس هو بيتحس فى اللوجان اكتر وده رأى بعض ملاكها وطبعا هما ادرى منى لانهم بيتعاملوا مع العربيه طول الوقت مش زى بتعامل معاها حسب الظروف
وموضوع انك تغير طلمبه الباور ليه؟؟؟؟؟؟
غير كده لو عايز تغير بالميجان 1 فا انت هتجيب طلمبه مستمعله عشان تشيل الجديده اللى عندك وبكده هتخرج من الضمان وفى نفس الوقت معتقدش انك هتلاقى اختلاف فى الاداء
وفى الاخر منصحكش انك تغير الطلمبه خالص وتقبل رأى وتحياتىptmnlo123per122
ونورتنا عضو جديد فى عصابه الفرنساوى عموما وعصابه الرينو خصوصاptmnlo123per122

[POP EL GAMED]

المشاركة الأصلية كتبت بواسطة mahmoud desouky سلام عليكم من فضلك يا باشا انا بحترم العربيات الرينو جدا بس المشكله فى التوكيل غالى اوى و قطع الغيار مش بتكون منتشره اوى بره بس لى استعلام عن العربيه اللوجان المغربى انا معترف انها جامده جدا و رفاهيه واحسن ركوب العربيات الرفنساوى بس ياترى الصيانه و قطع الغيار بتاعه اللوجان كويسه بالنسبه لمثيلاتها فى السعر زى الاسبرانزا او الفيرنا مقارنه بالسعر مش بالكماليات ياترى هتبقا كويسه ولالا لانى بفكر اشتريها بس قلقان لانى بتوع الميجان متعورين على الاهخر فى الوكيل تانى حاجه يارتى سعر اعاده البيع بتاع اللوجان هيقع اوى زى المعتاد فى الرينو ولالا وايه رايك بمنتهى الصراحه

عليكم السلام ورحمه الله وبركاته
بص يا باشا عشان نقارن قطع الغيار ببعضها لازم نقول العربيات دى بقالها اد ايه فى الشارع واللوجان بقالها اد ايه فى الشارع(مع كامل احترامى لملاك الاسبيرانزا والفيرنا)
الاتنين بقالهم حوالى 4 او 5 سنين اللوجان بقالها سنتين منهم سنه كانت رومانى وسعرها كان غالى مكانش مشجع ان حد يشتريها لكن لو هنقول البدايه الفعليه هنقول انها حوالى سنه واحده بس
يبقى اكيد انتشار العربيات التانيه اكبر من اللوجان مع مراعاه ان اللوجان بتنتشر فى السوق بقوه والتوكيل فى اللوجان مش غالى لانها عاديه ومش معقده تكنولوجيا
انت هتحس بغلو قطع الغيار لسبب واحد هو ان قطع الغيار بتكون فرنسيه الصنع وبالنسبه للعربيات التانيه بتكون اما صينى او كورى(بالترتيب اللى بنتكلم بيه) وده طبعا بيفرق فى الجوده وقوه التحمل لقطعه الغيار
ومتقارنش اللوجان بالميجان فى اسعار قطع الغيار خالص
وموضوع سعر اعاده البيع معتقدش ان العربيه هتقع جامد لانها بقت منتشره ومازالت بتنتشر بقوه بس اعتقد سعرها هيكون اقل شويه من مثيلاتها الفيرنا واللانوس واكتر من الاسبيرانزا لان سعرها بينزل جامد
وارجو انى اكون قدرت ارد على استفساراتكptmnlo123per122