خطوات ترخيص سيارة نصف نقل لأول مرة

[mr_pharo]

السلام عليكم ورحمة الله وبركاتة
أمبارح الحمد اللله رخصت عربية دبابة جديدة وطبعا مش عايز أأقلكم
طلع عينى
المهم همشى معاكم من أول منزلت من البيت
صليت الفجر وأبتديت أتحرك ( من فكتوريا إلى مرور برج العرب ) لأن مرور القل بقى كله فى برج العرب وصلت على الساعة 7 تقريباً طبعا الموظفين بيجو 8:30 وبيمشو على 1:30 تقريباً لكن فى ناس تانية بتبقى موجودة
فالى ممكن تعملة
1- تشترى المثلث العاكس وشنطة الأسعافات وطبعا يبقى معاك المبايعة لأنو بكتب رقم الماتور فى الإيصال عم ب 71 جنيه ونصف وهما ميسوش 20 جنيه المهم تفاصل وممكن تخدهم ب 55 جنيه
2- تشترى طفاية الحريق 3 ك عاملة 407 جنيه ةبيديلك إيصال
3- تروح على الميزان توزن العربية وتكلفته 35 جنيه
4- هتكون الساعة بقت 8 تقريباً تقف فى الشباك الخاص بصرف ورق الفحص وأول ميجى هتشترى ورق فحص وورق طفاية هيقلك 10 جنيه ولكن هما أصلا 8 جنيه طبعا كلنا عارفين أكل السحت المهم
5- تاخد ورق الطفاية وتروح على العسكرى اللى أشتريت منه يملهولك
6- تروح رايح على المكان اللى بياخده فيه البصمه هتفتح الكابوت الراجل هيجى ياخد البصمه على ورق الفحص
7-هتروح لعم سعيد (وما أدراك ما عم سعيد) هيرقكملك القايم بتاع الباب الشمال بباب برقم الشاسية يا المتور صراحتأ مش عارف
8- هتروح بعد كدا على الفحص ( المهندس) وتقف بالدور لحد متقف بالعربية أدامة وتنزلة بالورق هيملهولك ويمضيه
9- تروح على الظابط هيمضلك الورق
10- تختم المبايعات بختم النسر مع عسكرى فى مبنى (أسأل فين)
11- تعتمد المبايعات (تسأل عن مدام أم - السعد) هى اللى هتعتمده
12- هتروح تأمن تأمين إجبارى 13 شهر ب 224 جنيه (أكشاك بأسامى الشركات)
13- في منتصف المبانى كافتريا ومكن تصوير هتروح عند الناس اللى بتصور وتقلهم عايز 3 ورقات تسليم لوحات و2 ورقة كومبوتر عارف عارف خد نفسك بس مش كتير
14- تروح تقدم اوراقك هتلاقى شباك أسمه جديد قبل متقف هتشترى ملف عربية من أى خزنة لونه أزرق ب 17 بالدمغات وبعد كدا تقف فى شباك (جديد) ومتساش تروح وأنت معاك 3 صور للبطاقة هتقف شوية وبعدين هتنده عليك هتديك ورق وتقلك روح للكمبوتر
15- هتروح للكمبيوتر تديهم الورق وتقف هيندهو عليك (ولو قللولك لف فى الغالب هتكون موظفة شافت ورقك وعرفت عنوانك فهتقلك روحنى معاك) فمتتضش
16- هتروح لشباك استلام اللوحات هيدلك مسامير
17- نخدها وتاخد العربية وتروح لعم سعيد تانى هينده على أسمك ويديك النمر وبعد متركبها (فى حالة ان الموظفة هتيجى معاك ففى الغالب الرخصة هتكون معاها) فهيشتغلك ويقلك فين وصل الشرطة ولا أأقلك هات عشرين جنيه أنا هدفعهولك عديها عشان لقد أوشك وقتكم على النفاذ وخليهم يكلو سحت وحرام - وفى حالة أن الرخصة معاه فمش هيدهالك غير لما يقلك هات 10 جنيه هو كدا رشوه بالعافية وربنا ينتقم
وبعد العكناة ديه مبروك عليك الرخصة واللوح
18- الرخصة ديه مدتها 3 شهرو ولو تفتكر وأنتا بترقم القايم بعد بيدقو على القايم باخدو على ورقة (خلى بالك على الورقة ديه) المفروض تروح تعمل المؤسسة والضرائب وأول معملهم هقلكم ولما تروح المرو تانى:w6w200504112205 3268
الورقة اللى قلتلك عليها هتصور الرخصة وتسأل على المباحث وهما اللى بيخدو منك الورقة ديه
وهرد لك فى المرة القادمة
وديه بقى خلتها فى الأخر عشان محدش يتنرفز إجمالى المصروفات لحد دلوقت 1450 جنيه تقريباً
وأرجو التثبت لتعم الفائدة