|
#1
27-08-2012, 04:57 AM
|
|||
|
|||
هستلم التيجو بكره
السلام عليكم اخواني الاعزاء
سأستلم غداً سيارتي الجديده التيجو وكنت عاوز اخد رايكم ايه الاحطياطات اللي الواحد يخلي باله منها وايه الحاجات اللي ممكن المعرض يبدلها ويحط بدالها حاجات تانيه 
|
|
#2
27-08-2012, 05:51 AM
|
||||
|
||||
|
رد: هستلم التيجو بكره
بس يا سيدي ...
اول احتياط : خد اسطوانة عليها قرآن و مصحف معاك  ثاني احتياط : تأكد ان كل حاجة موجودة في العربية ( الكوريك - الاستبن - غطاء الاستبن بالنسبة للتيجو - مفاتيح تبديل العجل و غيره ) ... اهم شئ أكد على ورق العربية كله ثالثا : اكد على كل الاجزاء الكهربائية يعني الكشافات و الكلاكس و الاشارات و الكاسيت و الاضاءة الداخلية بكامل اجزاءها و مفاتيح العربية الكهرباء و التكييف و اهم شئ عداد الكيلوات الاودوميتر تأكد انهم مشغلينه .... نخش على المفيد دور الموتور و افصل التعشيق بتاع التروس و دوس بنزين بسيط و متعديش 3 rpm و اسمع صوت العربية عجبك خير وبركة معجبكش اسأل و استفسر ... ولو مانيوال دوس دبرياج و حرك الفتيس و انت دايس دبرياج على كل الغيارات و لو لقيت فيه عضة او الفتيس مش سلس طلع عينهم و عاوز عربية جديدة ))رابعا : كل حاجة تمام و بخير ... خش عربيتك و اقرأ فيها قرآن شوية و حط الاسطوانة تشتغل و اطلع توكل على الله و توصل بيتك بالسلامة خامسا : هيبعتوا لك تاني يوم قرد هيخلص معاك كل حاجة في المرور و تتأكد من ان الاوراق سليمة .... لو ما بعتوش توكل على الله و اعمل حاجتك بنفسك و هتلاقي بتوع تأمين هناك شغالين هيموتوا على شغل ... ما تسلمش دقنك ليهم نهااااااااااااااائي ... و اي شركة تأمين برة اتعامل معاها سادسا : ربنا يديك كل خيرها و يبعد عنك شرها و يجعلها سبب في رزقك و رزق اسرتك و تكون سند ليك لا عليك 
|
|
#3
27-08-2012, 06:00 AM
|
||||
|
||||
|
رد: هستلم التيجو بكره
ملحوظة : لو اول مرة تركب ... خد معاك حد من حبايبك قدرجي و بيفهم في العربيات ... الكلمة دي ما تعيبكش على فكرة بالعكس هتخلي اللي في الاجانس او التوكيل يمشي معاك دغري لأنه هيحس انك جاي تستلم و فاهم و معاك واحد خبرة
|
|
#4
27-08-2012, 07:03 PM
|
|||
|
|||
|
رد: هستلم التيجو بكره
الف شكر يا ريس علي المعلومات القيمه دي وربنا يباركلك
|
|
#5
27-08-2012, 07:29 PM
|
||||
|
||||
رد: هستلم التيجو بكره
 مبرووووووووووووك استاذ ثروت
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/  
|
 |
|
|
